Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 24 - Abril 2019

Apúntate al nuestru boletín

Artes Escéniques

Teatru «escenAvilés xineru/marzu 2019»

Programa, entraes y abonos

La programación d'escenAvilés pa los tres primeros meses del añu ye de catorce espectáculos.

•      "7 años" (Teatru 2019), Auditoriu del Centru Niemeyer. 18 de xineru a les 20:30.

•       Estrenu absolutu de "Port Arthur"/"Jauría" (Teatru 2019), Teatru Palacio Valdés. 25 de xineru a les 20:15.

•  "Copenhague" (Teatru 2019), Teatru Palacio Valdés. 15 de febreru a les 20:15.

•  "El precio" (Teatru 2019), auditoriu del Centru Niemeyer. 23 de febreru a les 20:30.

•  "Hermanas" (Teatru 2019), Teatru Palacio Valdés. 1 de marzu a les 20:15.

•  "Rojo" (Teatru 2019), Teatru Palacio Valdés. 29 de marzu a les 20:15.

•  "Speakeasy" (Teatru 2019), auditoriu del Centru Niemeyer. 30 de marzu de 20:30.

•  "Bojiganga" (Fecho n'Asturies), Teatru Palacio Valdés. 22 de febreru a les 20:15.

•  "La Gaviota" (Fecho n'Asturies), Teatru Palacio Valdés. 15 de marzu a les 20:15.

•  "Kohlhaas" (Off Niemeyer), Sala Club del Centru Niemeyer. 11 de xineru a les 20:30.

•  "Generación Why" (Off Niemeyer). Sala Club del Centru Niemeyer. 8 de febreru a les 20:30.

•   "Los días de la nieve" (Off Niemeyer), Sala Club del Centru Niemeyer. 10 de marzu a les 19:00.

•   "Orquesta Sinfónica del Principáu d'Asturies: Contrastes I" (Música n'Escena), auditoriu Casa la Cultura. 7 de febreru a les 20:15.

Cola obra "7años" entama la programación teatral de 2019 d'escenAvilés. Esti thriller ye una adautación d'un llargumetraxe homónimu versionáu y dirixíu por Daniel Veronesse. La obra tien un repartu nel que tán Miguel Rellán, Carmen Ruiz, Eloy Azorín, Juan Carlos Vellido y Daniel Pérez Prada.

El primer estrenu absolutu de 2019 llega por partida doble "Port Arthur", de Jordi Casanovas y con direición de David Serrano, forma parte d'un programa doble xunto a "Jauría" con direición de Miguel del Arco. Les dos obres cuenten coses reales, la primer pieza ye una trescripción lliteral d'un interrogatoriu policial y la segunda presenta cachos de declaraciones d'acusaos y denunciantes del casu La Manada.

"Copenhague" ye otru  de los estrenos absolutos d'esti trimestre nel Teatru Palacio Valdés, una obra con testu de Michael Frayn versionáu por David Serrano y dirixíu por Claudio Tolcachir. La obra ta ambientada nel añu 1941, nun momentu decisivu pal usu d'un posible armamentu nuclear.

L'Auditoriu del Centru Niemeyer lleva a escena "El Precio", con testu orixinal d'Arthur Miller y dirixíu por Silvia Munt. La obra céntrase nel reencuentru de dos hermanes dempués de dieciséis años ensin falase, un recursu pa poder esponer lo más escondío del comportamientu humanu y de les rellaciones familiares.

Con testu, direición y espaciu escénicu de Pascal Rambert llega al Teatru Palacio Valdés "Hermanas" con Irene Escolar y Bárbara Lenie. Ne mesmu escenariu va presentase "Rojo" de John Logan con direición de Juan Echanove, la pieza presenta un dilema éticu y profesional que se-y plantega al pintor Rothko, ún de los meyores representantes del espresionismu astrautu.

L'Auditoriu del Centru Niemeyer ufre la representación internacional del trimestre, "Speakeasy", de la compañía Rat Pack, que llega de Francia con una compañía formada por bailarines y acróbates con una téunica mui encumada. Un espectáculu con toques de circu inspiráu nos tópicos del cine negru.

La programación d'Off Niemeyer na Sala Club del Centru Niemeyer entamará cola obra "Kohlhaas", un testu clásicu del romanticismu alemán dirixíu por María Gómez y drmaturxa de Marco Baliani y Remo Rostagno. "Xeneración Why", una creación coleutiva de Teatro en Vilo con direición d'Andrea Jiménez, una obra que se va enfrentar colos deseos del futuru. Pa terminar "Los día de la nieve" d'Alberto Conejero, direición de Chema del Barco con Rosario Pardo nel repartu, ye la pieza que va pesllar l'Off Niemeyer nesti primer trimestre.

El ciclu "Fecho n'Asturies" que se representa nel Teatru Palacio Valdés, cuenta con obres como "Bojiganga", de la compañía Teatro del Cuervo, con testu y direición de Sergio Gayol y que supón un estrenu absolutut, y "La Gaviota", d'Antón Chejóv con dramaturxa y direición d'Etelvino Vázquez.

Pa terminar, la Orquesta Sinfónica del Principáu d'Asturies va interpretar el 7 de febreru "Contrastes.I", cola direición de Jaime Martín y con Alban Gerhardt (violonchelu) como solista.

La renovación d'abonos pa esta programación  d'escenAvilés va ser ente'l 4 y el 12 d'avientu, mientres que los abonos nuevos van poder mercase dende'l 14 hasta'l 19 d'avientu, entamando a vendelos a les 11:00. Les entraes sueltes podrán mercase dende'l 21 d'avientu a la mesma hora.

escenAvilés ye una programación n'ensame ente'l Centru Niemeyer y el conceyu d'Avilés que condensa propuestes, ciclos y espacios escénicos nun interés común al serviciu d'una programación d'artes escéniques coordinada pa la ciudá.

Programa, entraes y abonos xineru a marzu de 2019 (n'español)

  • © 2019 Fundación de Cultura. Conceyu d’Avilés. | Avisu llegal |