Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2020 -Númberu 28 - Abril 2020

Apúntate al nuestru boletín

Artes Escéniques

Teatru «escenAvilés xineru/marzu 2020»

Programa, entraes y abonos

Ye la primer vez que coinciden nun trimestre d'escenAvilés ocho estrenos

Con ellos, al entamar l'añu nel que se festexen los cien años del Teatru Palacio Valdés, quier destacase dalgo que ye mui normal na cartelera avilesina. La programación llariega quixo ser siempre una amuesa de la producción escénica más moderna, na que los estrenos fueron siempre'l so meyor escaparate. Foi nesa mesma llinia cola que'l públicu pudiere dir familiarizándose colos nomes d'autores y direutores que tán tamién  nesta primer escenAvilés del añu, como Denise Des peyroux, col estrenu de la so última obra, que dio a conocer primero en catalán (Canción pa volver pa casa); o Álvaro Tato y Yayo Cáceres col so nuevu montaxe sobre Juan Rana; o Miguel del Arco col so Ricardo III, reescritu en collaboración con Antonio Rojano; o Israel Elejalde, que, amás d'otra intervención como actor, failo tamién como direutor nuna adautación de Pablo Remón (Traición).

Los clásicos tamién tán presentes: non sólo Shakespeare, sinón otros que tán más cerca como Virginia Woolf (Mrs. Dalloway) o Valle-Inclán (Divina palabras). Y xunto a ellos, direutores más veteranos como Carme Portaceli, José Carlos Plaza o daquién como Verónica Forqué, responsable nesti casu d'un montaxe d'última hora: Españoles, Franco ta muertu.

Per otru llau, Off Niemeyer va espoxigando pasín ente pasu, lo que ye bultable esti trimestre con dos estrenos qu'hai de destacar por razones diferentes: el primru ye, Siemprevives, con actrices y direutor que salen de la ESAD xixonesa, emigraos a otres tierres y recuperaos pola Sala Club pa la representación del so últimu trabayu; el segundu, coles bien recordaes rapaces de Teatro En Vilo qu'entamen equí'l so espectáculu nuevu, Güei pue ser la mio gran nueche. Y el ciclu pieslla con un títulu, Mauthausen, que yá llega arrodiada d'ésitos y crítiques.

Baxo esta mesma firma de sofitu a la creación de más pesu, nesti casu la que ta más cerca, el ciclu que tien que facese siempre Fecho n'Asturies ufre dos producciones asturianes: Épica. Una hestoria del reinu finitu, a cargu de Guayaminí Producciones, y El casting, de Saltanes Teatru.

Día 24 de xineru, vienres, 20:15 h

Canción pa volver pa casa

ESTRENU DE LA VERSIÓN ORIXINAL N'ESPAÑOL

T de Teatre

Autoría y direición: Denise Despeyroux

Repartu: Mamen Duch, Marta Pérez, Carmen Pla, Jordi Rico y Ágata Roca

Una propuesta fantasiosa con humor y pincelaes de drama: un cruce de caminos ente un hipnotista, falsu dramaturgu escocés, y tres exactrices, xuníes pol ésitu y separaes pol fracasu.

Auditoriu Centru Niemeyer

Vienres 31 de xineru, vienres, 20:30 h

Divinas palabras(Divines palabres), de Ramón Mª del Valle-Inclán

Producciones Faraute

Dramaturxa y direición: Jose Carlos Plaza

Repartu: María Adánez, Ana Marzoa, Alberto Berzal y otros

El cumal del ciclu míticu de Valle-Inclán nuna traxicomedia d'estética mui averada a los esperpentos, onde se xunta lo tráxico, lo dramático, lo cómico y lo raro.

Auditoriu Centru Niemeyer

Día 14 de febreru, vienres, 20:30

Ricardo III, de William Shakespeare

El Pavón Teatro Kamikaze

Adautación: Yolanda Pallín

Versión llibre d'Antonio Rojano y Miguel del Arco

Direición: Miguel del Arco

Repartu: Israel Elejalde, Álvaro Báguena, Chema del Barco, Alejandro Jato, Verónica Ronda, Cristóbal Suárez y Manuela Velasco

Versión llibre o, más esautamente, reescritura de ricardo III pa falar de la nuestra dómina per aciu d'un personaxe inmensu que ta nos nuestros escenarios, xeneración tres xeneración.

Teatru Palacio Valdés

Día 21 de febreru, vienres, 20:15 h

Españolas, Franco ha muerto(Españoles, Franco ta muertu), de Ruth Sánchez y Jessica Belda

La Zona

Direición: Veronica Forqué

Repartu: Jessica Belda, Natalie Pinot y Manuela Rodríguez

Historia traxicómica y crónica política de les muyeres que, dempués de 40 años de franquismu, non siempre fueron recordaes como se merecen, con tolo importantes que fueron p'algamar los sos derechos.  

Teatru Palacio Valdés

Día 7 de marzu, sábadu, 20:15 h

¡Estrenu absolutu!

Traición, d'Harold Pinter

El Pavón Teatro kamikaze

Versión: Pablo Remón

Direición: Israel Elejalde

Repartu: Irene Arcos, Raúl Arévalo y Miki Esparbé

Una crítica xabaz d'esa clas intelectual, que reprime los sos deseyos más escuros y que cree que ta a salvu de les pasiones baxes, descrita na obra quiciabes más clásica del autor.

Auditoriu Centru Niemeyer

Día 20 de marzu, vienres, 20:30

Mrs. Dalloway, de Virginia Woolf

Teatru Español y KVS Bruselas

Versión de Michael De Cock, Anna M. Ricart y Carme Portaceli

Direición: Carme Portaceli

Repartu: Blanca Portillo, Manolo Solo, Zaira Montes y otros

El cuestionamientu de la condición femenina encarnada nel personaxe d'una muyer almirada por tol mundu, calada nel convencionalismu d'una vida qu'atapez el so vacíu esistencial.

Día 9 de xineru, xueves, 20:30 h

Compañía 4.000 bengalas amarillas

Siemprevivas(Siemprevives), de María Nieto   

Direición: Andrés Dwyer

Repartu: María Nieto, Carlota Somiedo, Xana del Mar y Aida Puente

En llicenciándose na ESAD y colando d'Asturies, cuatro actrices y el so direutor vuelven agora pa estrenar equí la so última producción, un glayíu en defensa de la muyer.

Sala Club del Centru Niemeyer

Día 29 de febreru, sábadu, 20:30 h

Hoy puede ser mi gran noche(Güei pue ser la mio gran nueche)

¡Estrenu absolutu!

Teatru En Vilo

Dramaturxa, direición y interpretación: Andrea Jiménez y Noemí Rodríguez

Ella ye una muyer moza, desplegada en bayura de personalidaes, afogada pol enfotu sólo nel ésitu y, como perdedora incansable, crítica implacable de sí mesma y del mundu que la arrodia.  

Sala Club del Centru Niemeyer

Día 13 de marzu, vienres, 20:30 h

Mauthausen. La voz de mi abuelo(La voz de mio güelu)

Trajín Teatru

Dramaturxa y direición: Pilar G. Almansa

Repartu: Inma González

Testimoniu de verdá d'un protagonista de la historia más cercana dende l'alcordanza, grabada direutamente por él mesmu enantes de morrer, a los que da vida la so propia nieta.

  FECHO N'ASTURIES

Teatru Palacio Valdés

Día 30 de xineru, xueves 20:15 h

Épica. Una historia del reino finito(Épica. Una historia del reinu finitu)

¡Estrenu absolutu!

Guayominí Producciones

Autoría y direición: Luis Alija 

Repartu: Pedro Durán, Manu Lobo y Arantxa F. Ramos

Tres mozos invitaos a un xuegu de rol van sentirun cambiu enorme cuando entame la partida y va depara-yos l'aventura más épica que se pudieren imaxinar.

Teatru Palacio Valdés

Día 27 de marzu, vienres, 20:15 h

El Casting

¡Estrenu absolutu!

Saltantes Teatro

Idea orixinal: Nerea Vázquez

Direición escénica: Miguel Cegarra

Direición musical: Yolanda Montoussé

Cantante y actriz: Nerea Vázquez

No que parecía una escoyeta como otres acaba pasando a ser una circunstancia especial que fai pensar a la protagonista na vida que lleva.

MÚSICA N'ESCENA

Auditoriu Casa la Cultura

Día 9 de xineru, xueves, 20:15 h

Orquesta Sinfónica del Principáu d'Asturies

LLINGUAXES PROPIOS. I

Direutor: Nuno Coelho

Cuatro interludios marinos, de B. Britten
Conciertu pa viola y orquesta, de W. Walton
Sinfonía nu 2 en re mayor, de J. Brahms

Solista: Joaquín Riquelme, viola

Programa, entraes y abonu (n'español)

Calendariu d’eventos

anterior Xunu 2020 siguiente
ll ma mi xu vi do
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2020 Fundación de Cultura. Conceyu d’Avilés. | Avisu llegal |