Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2020 -Númberu 29 - Xunetu 2020

Apúntate al nuestru boletín

Artes Escéniques

Centenariu del Teatru Palacio Valdés 1920-2020

Teatru Palacio Valdés

Zarzuela por y pa la mocedá, música, maxa y teatru son los xéneros que resumen los espectáculos programaos pol Conceyu d'Avilés hasta mayu pa festexar el centenariu del Teatru Palalcio Valdés (1920-2020).

"Pensóse cola idea d'incorporar xéneros que nun se ven muncho nel escenariu del coliséu avilesín -como la zarzuela, nestos primero meses del añu y otros que se van dir sabiendo más p'alantre- y nuevos públicos, con espectáculos prestosos pa la mocedá", según dixo la conceyala de Cultura, Yolanda Alonso, na presentación de los 6 espectáculos especiales que se xunten a la programación normal del teatru dientro'l ciclu escenAvilés de programación escénica xunto col Niemeyer.

Son los que vienen darréu:

  •Marisa Valle Roso (15 febreru. 20 hores) pieslla la  so esitosa xira con Nando Agüeros, Fernando Valle Roso, Rodrigo Cuevas, Eva Tejedor, Coru Mineru de Turón, y Pandereteres de Fitoria y d'Escontra'l Raigañu.

  •Despliegue d'ilusionismu máxicu con Yunke (29 de febreru. 19:30 hores) y el so  espectáculu  "Conxuru".

  •L'unicu conciertu d'Amaral (1 de marzu. 19 hores) nun teatru col so discu nuevu  "Salto al color".

  •Proyeutu Zarza: zarzuela divulgativa por y pa la mocedá cola representación "Agua, azucarillos y aguardiente" de Federico Chueca. Sesiones pa escolinos y escolines los díes 19 y 20 de marzu y dos funciones pal públicu'l día 21 a les 19 y 21 hores).

  •Conciertu de Morrigans (3 d'abril. 20.30 hores) que presenten un adelantu del so  discu nuevu.

  •Conciertu de Luar na Lubre (8 de mayu. 20 hores) dientro de la so xira "Historias de peregrinos"

  •Conciertu de Sofía Ellar (9 de mayu. 20 hores) col so espectáculu nuevu "De puntillas"

  •Vuelve, 16 años dempués, "Cinco horas con Mario" con Lola Herrera y dos sesiones (15 y 16 mayu)

www.teatropalaciovaldes.es.

Alonso tamién anunció que güei mesmo'l Teatru Palalcio Valdés estrena sitiu web: www.teatropalaciovaldes.es. Un portal nel qu'entrar d'una manera cenciella y direuta a tola información d'interés del teatru.

Nella puede consultase tola programación, estrenos y representaciones , conciertos y otres actuaciones del ciclu escenAvilés y tola programación especial del centenariu; esto ye, de tolos espectáculos qu'acueye'l recintu, asina como la compra d'entraes. Inlui, tamién, un apartáu nel que se fai un repasu a la historia del edificiu, diseñáu en 1920 por Manuel del Busto.

Una páxina web amañosa, con un diseñu prestosu y claru, qu'ente pelos güeyos, que busca ser una fonte d'información esencial y un mediu de comunicación que conecte, tovía más, al públicu con ún de los principales motores culturales d'Avilés.  

Más información

Calendariu d’eventos

anterior Setiembre 2020 siguiente
ll ma mi xu vi do
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2020 Fundación de Cultura. Conceyu d’Avilés. | Avisu llegal |