Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Biblioteques

Biblioteques «DVD. Novedaes infantiles»

Esbilla de novedaes de DVD infantiles incorporaos a la Rede de Biblioteques d'Avilés

DVD

Earwig y la bruxaEarwig y la bruja (Earwig y la bruxa). Direutor, Goro Miyazaki. Vértigo Films, 2021

Earwig ta feliz viviendo nel orfanantu. pero la so vida cambia cuando Bella Yaga y Mandrake, vistíos de padres adoptivos, llévenla pa la so casa, una casa enllena maxa, llibros de embruxamientos y cuartos que nun se ven. Magar que munchos neños y nñes fuxeren, ella ta decidida a demostrar quién manda ellí.

LucaLuca. Direutor, Enrico Casarosa. Disney, 2021

Luca ta pasando un branu perguapu nun pueblín de la costa italiana, compartiendo'l so tiempu col so meyor amigu. Pero too pue terminase si se descubre'l so gran secretu: el so amigu ye un monstruu marín que vive n'otru mundu y non ns pasrte más fondera de la mar.

Compres anteriores

El vampiru pequeñuEl pequeño vampiro (El vampiru pequeñu). Direutora Brenda Chapman. Tripictures, 2021.

Pequeñu Vampir tuvo 10 años nos últimos 300, y, magar que viva nuna casa mui grande con un grupu mosntruos mui prestosu, abúrrese munchísimo. El so suañu ye dir a la escuela con otros neños, asina qu'acompañáu pol so perru fiel Fantomate, escápase pa buscar otros amigos.

Rocca cambia'l munduRocca cambia el mundo (Rocca cambia'l mundu). Direutor Joel Crawford. Universal Pictures, 2021

Rocca, que tien once años, lleva una vida mui especial. Como'l padre ye astronauta, vive sola col so esguil y ye la primer vez en toos estos años que va dir a una escuela normal. Ellí, colo valiente que ye y optimista, nun va duldar n'mfrentase a los matones de la clase y demostrar qu'una neña tamién puede cambiar el mundu.

Yera una vez...Érase una vez... (Yera una vez...). Direutora, Brenda Chapman. Tripictures, 2021

Enantes de qu'Alicia fuere de viaxe al País de les Maraviyes y de que Peter conociera al Capitán Garfio, ellos yeren hermanos y vivíen nuna familia mui probe. Cuando l'hermanu mayor muerre, usen los dos la cabeza pa reblagar el dolor, y asina ye como va diendo ella al so país particular  y Peter va convirtiéndose en Peter Pan.

Los Croods, un tiempu nuevuLos Croods. una nueva era (Los Croods. Un tiempu nuevu). Direutor,  Joel Crawford. Universal Pictures, 2021

La primer familia prehistórica, los Croods, obligaos a buscar una casa nueva, pónense a esplorar mundu. Al llegar a un sitiu mui guapu amuralláu, mui prestosu pa ellos, descubren qu'ellí hai yá otra familia, los Masmejor, que tienen una casa mui bien fecha nun árbol, unes histories que plasmen y unes güertes enormes.

Raya y l'últimu dragónRaya y el último dragón (Raya y l'últimu dragón). Direutores Don Hall y Carlos López Estrada. Walt Disney, 2021

Kumandra ye un mundu que ye de mentira, onde humanos y dragones vivieron xuntos hai munchu tiempu. Pero en cuanto les fuerces del mal amenazaron el territoriu, los dragosnes sacrificáronse pa salvar la humanidá. Agora, 500 años dempués, el mal volvió, y Raya, uan guerrera solitaria, tendrá qu'atopar al últimu dragón pa volver pal so pueblu.

El xinete del dragónEl jinete del dragón (El xinete del dragón). Direutor Tomer Eshed. Flins & Pinículas, 2021

Firedrake ue un dragón plateáu mozu que ta cansáu d'escondese na viesca. Cuando los humanos tán a puntu terminar col últimu abellugu de la so familia, Firedrake y la so amiga Pelleyu d'Azufre deciden buscar La Oriella'l Cielu, el santuariu los dragones. Nel camín conocen a Ben, un güérfanu qu'andaba tiráu na cai decide xuntase a ellos.

Los elfkinsLos elfkins. Direutor, Ute Von Münchow-Pohl. Divisa Home Video, 2021

Los elfkins tuvieron viviendo enterraos más de 200 años, guardándose de los seres humanos. Pero un día , Helvi, Kipp y Butz deciden xubir p'arriba, y ellí Helvi conoz a Theo, un pasteleru, un poco reburdión, que va facer que tolos elfkins sepan el so verdaderu propósitu na vida: ¡echar una mano a los demás!





Compres anteriores

Pinocho Pinocho. Direutor, Matteo Garrone. Walt Disney, 2021

Geppetto ye un carpinteru vieyu que crea una marioneta de madera. Pero un día pasa algo máxico: una marioneta un poco tratu empieza a falar, a andar y a correr como si fuere una neñu. Entós el carpinteru decidió llamólu Pinocho y crialu como a un fíu. Pero pa Pinocho ye mui difícil ser bonu y va ser la so meyor amiga, la Fada, la que-y esplique que'l so suañu de convertise nun neñu de verdá, nun va pasar hasta que cambie la so forma de ser.

SoulSoul. Direutor, Pete Docter. Walt Disney, 2021. Meyor Película d'Animación y Meyor Banda Sonora nos Globos d'Oru 2021

Joe Dardner ye un profesor de música d'un institutu que puede tocar nel meyor club de jazz de la ciudá. Per un mal pasu, llévalu hasta The Great Before, un sitiu de fantasía, onde les almes nueves garren la so personalidá, enantes de dir pa la Tierra.

Mina y el mundu  los suañosMina y el mundo de los sueños (Mina y el mundu los suaños). Direutores, Kim Hagen Jensen, Tonni Zinck. Divisa Homa Video, 2020

La vida de Mina vóltiase toa cuando la moza'l padre y la fía d'ella, Jenny, cola que nun se lleva bien, van vivir a la so casa. Un día pela nueche, Mina descubre que pue camudar los suaños de Jenny, pero les consecuencies son mui males. Agora nun-y va quedar más remediu qu'enfrentase a los suaños qu'ella mesma creó pa poder salvar a Jenny y a la so familia nueva.  

Trolls 2: gira mundialTrolls 2. Gira mundial (Vuelta mundial). Direutor, Walt Dohrn. Dreamworks Animation, 2020

Poppy y Branch descubren que la so tribu de Trolls ye sólo una de les seis qu'esisten, y que caúna ta consagrada a un tipu distintu de música: funk, country, tecno, clásica, pop y rock. Cuando la Reina Bárbara y el Rei Metal quieren imponer el reináu del rock y terminar coles demás tribus, Poppy y Branch van dir visitar los otros reinos pa xuntar a tolos Trolls.

Vamos cazar un osuVamos a cazar un oso (Vamos cazar un osu). Direutores, Joanna Harrison, Robin Shaw. Universal Pictures, 2020

Basada nel llibru de Michael Rose. Cinco hermanos aprovechen que los padres yá nun tán en casa pa salir d'aventura. Pasen per un prau , un ríu fondu y una viesca escura . Pero, ¿hai dalquien que-y tenga mieu a un osu?

Frozen IIFrozen II. Direutores, Chris Buck y Jennifer Lee. Walt Disney, 2020

Elsa, Anna, Kristoff, Olaf y Sven métense na viesca encantada y na Mar Escura. Ellí Elsa va descubrir la verdá sobre'l so pasáu y tamién una amenaza grande que ta penriba'l so reinu.

Jumanji: siguiente nivelJumanji. Siguiente nivel. Direutor Jake Kasdan. Sony Pictures, 2020

Nesti casu los xugadores vuelven al vidiuxuegu pa intentar rescatar a Spencer, pero danse cuenta de que too cambió. Agora tienen d'enfrentase a una nueva xera, diendo de los desiertos ermos hasta les montañes nevaes, pa poder escapar.

Las aventuras del Doctor DolittleLas aventuras del Doctor Dolittle (Les aventures del Doctor Dolittle). Direutor Stephen Gaghan.  Universal Pictures, 2020

En morriendo la so muyer, el nomáu médicu que fala colos animales enciérrase na so mansión. Pero al ponese mala la reina, Dolittle va vese obligáu a dexar la so vida d'ermitañu y enfrentase a tolos mieos nuna gran aventura, acompañáu de los sos amigos animales más fieles.  

La familia AddamsLa familia Addam.. Direutores, Conrad Vernon, Greg Tiernan. Universal Pictures, 2020

La familia cambia de casa y va pa New Jersey, onde s'atopa con una ciudá roceana por culpa d'esi mou de vida tan raru que tien. La so casa ta na picota d'una llomba tapada tol tiempu pola borrina y ellí viven aisllaos del restu los ciudadanos. Pero cuando la borrina se quita , a Margaux, la vecina que vive al pie de la llomba, en descubriendo la mansión de la familia Addams, éntra-y un mieu tremendu.

ManouManou. Direutores, Andrea Block y Christian Haas. Divisa, 2020

Manou ye una andarina piquiñina criada por una pareya gaviotes. Pero va dase cuenta rápido que nun la quieren ente elles como una más, y decide dir vivir con otres andarines. Cuando les andarines y les gaviotes tienen qu'enfrentase a un problema común, Manou va convertise na heroína que nun fuere enxamás.

Misión KatmandúMisión Katmandú. Direutores, Pierre Greco, Nancy Florence Savard. Premium Cine, 2019

Nelly, una detective mui nueva, y Simon, un científicu mozu con poca esperiencia, tendrán de trabayar xuntos nun casu importante. Acompaños del sherpa Tenzing y de Jazmín, un páxaru mui charrán, tendrán de probar la esitencia del llexendariu Yeti, nes cumales del Himalaya.

Compres anteriores

Maléfica: maestra del malMaléfica. Maestra del mal. Direutor, Joachim Rønning. Disney, 2019

Los años van pasando y la rellación y l'amor ente Maléfica y Aurora van espoxigando. AmásAurora va casase y esto va sirvir pa xunir el Reinu Ulstead y les Ciénagues. Pero un alcuentu de sópitu fai que ñles dos se pongan en bandos contrarios cuando españe la gran Guerra, poniendo a prueba la so llealtá.

Playmobil: la películaPlaymobil. La película. Direutor, Lino DiSalvo. Tripictures, 2019

Cuando´l pequeñu Charlie despaez de repente,la so hermana Marta entama'l viaxe dela so vida pa tralu pa casa otra vez. Va metese ne mundos increíbles y va conocer amigos nuevos bien prestosos: un axente secretu bien gayasperu, Rex, una fada madrina mui rara, un robot que ye un amor...

Elcano y MagallanesElcano & Magallanes. La primer vuelta al mundu. Direutor, Ángel Alonso. Divisa, 2019

Una gran aventura y un viaxe a lo desconocío de cinco embarcaciones que salieron de Sevilla al mandu de Magallanes, y que dempués de tres años de tormentes, fame y llaceries, sólo una d'elles foi quien a volver, al mandu de Juan Sebastián Elcano.

Tabaluga y la princesa de hieloTabaluga y la princesa de xelu. Direutor, Sven Unterwaldt. Films & Pínículas, 2019

Cuando Tbaluga, un dragonín mui valiente, y la princesa de xelu Lilly se conocen, faense mui amigos. Los dos entamen una gran aventura que va ser la so vida, pa intentar salvar el mundu d'un home bien malu, l'Home de les Nieves.

El pequeñu Hero y los amuletos máxicosLittle hero y los amuletos mágicos (Little Hero y los amuletos máxicos). Direutor Lee Unkrich. Divisa, 2019.

Cuando Bayu se mete nel valle prohibíu, ensin querer espierta a Asura, un xigante mui malu que convierte a tol mundu que vive nel pueblu nuna piedra. Xunto col so primu Raney, Bayu tien d'atopar los amuletos máxicos que tienen los Caballeros Antiguos, que-y van dar el poder de lluchar escontra Asura y la posibilidá de salvar a los sos amigos de l'aldea.

Stubby, un héroe mui especialStubby: un héroe muy especial ( Stubby: un héroe mui especial). Direutor Richard Lanni. Premium Cine, 2019.

La vida de Robert Conroy, un mozu militar, cambia cuando nel campamentu onde se ta preparando pa dir pa los campos de batalla de la Primer Guerra Mundial, atopa un perru pequeñu abandonáu. Magar de que nun tien formación militar, el perru embárcase con él y va protagonizar una aventura tremenda, enllena d'emoción, llealtá y heroísmu. 

Axel, l'aventureru l'espaciuAxel: el aventurero del espacio (Axel: l'aventureru l'espaciu). Direutor Leo Lee. Divisa, 2019.

El maraviyosu planeta Keplar ta a puntu desapaecer: la so apreciada planta kar-lalo, conocida en tola galaxia como una fonte grande d'enerxía, ta a puntu d'esaniciase. Axel y los collacios van intentar que nun pase, recuperando la última semiente d'esta planta no fondero'l volcán.

Ana y BrunoAna y Bruno. Direutor Carlos Carrera. Premium Cine, 2018.

Ana ye una neña mui especial. Cola ayuda de los sos amigos, un grupu de personaxes raros y fantásticos, ye quien a escapar de la clínica siquiátrica na que ta ingresada cola madre, pa buscar al padre y xuntar a la familia otra vegada.

FunanFunan. Divisa, 2019.

Meyor Llargumetraxe nel Festival d'Annency 2018. Basada nun fechu real. En 1975, Chou lleva una vida tranquila en Phnom Penh, Camboya hasta qu'un día pela mañana la guerrilla de los Khremer Krahom entierra al páis nel terror y la llaceria. Deportada a un campu de concentración, secuéstren-y al neñu que tien de cuatro años. Pero magar de toa esa llaceria, nun pierde la esperanza y llucha por matener la familia xunta en tiempos de guerra.

Familia al instante (Famiia de sópitu). Sony Pictures, 2019. Familia de sópitu

Pete y Ellie deciden formar una familia, pero al descubrir que la fía adoptada tien otros dos hermanos, deciden facese cargu tamién d'ellos. Dende pela nueche hasta pela mañana atópense con tres fíos, y tendrán de deprender a adautase a esta situación nueva de sópitu.

La Lego película 2La lego película 2. Twentieth Century Fox, 2019.

En pasando cinco años de tranquilidá apaez una amenaza nueva nel universu Lego: invasores de Lego Duplo, que llegaron dende l'espaciu de fuera, tán desfaciéndolo too tan rápido que nun son quien los demás a refacelo. Emmet, Lucy, Batman y los collacios van xuntar les fuerces pa metese nuna batalla que los va llevar a mundos desconocíos.

Cómo entrenar a tu dragón 3 (Cómo entrenar al to dragón). Sony Cómo entrenar a tu dragón 3Pictures, 2019.

Hipo y Desdentao van descubrir el so destín verdaderu: pa ún, gobernar Isla Mema xunto a Astrid, y, pa l'otru, ser el cabezaleru de la so especie. Pero, pel camín, tendrán de poner a prueba los llazos que los xunen, enfrentándose con Furia Diurna a la mayor amenaza qu'enxamás afrontemos.

La gran aventura de los Lunnis y el llibru máxicuLa gran aventura de los Lunnis y el libro mágico (La gran aventura de Los Lunnis y el llibru máxicu). Divisa, 2019.

Crudo, el malísimu, odia la fantasía y pretende terminar col Llibru Máxicu, que contien toles histories inventaes pola Humanidá, del que ye guardiana Lucrecia. pa salvar al Mundu de la Fantasía, Mar, una neña esperta en cuentos gracies a los llibros que'l güelu-y llee cada nueche, y los Lunnis, tendrán qu'entrar .

Asterix. El secreto de la poción mágica (El secretu del ferviatu máxicu). Vértice, 2019.Asterix, el secretu del ferviatu mágicu

Panoramix cae cuando ta recoyendo arfueyu y decide entós asegurar el futuru del so pueblu. Acompañáu por Asterix y Obelix, empieza a buscar un druida mui arteru al que-y quier pasar el secretu del fervidillu máxicu.

Vuelve Mary PoppinsEl regreso de Mary Poppins( Vuelve Mary Poppins) . Walt Disney, 2019.

Mary Poppins ye la niñera casi perfeuta, cola so maxa estraordinaria, convierte una xera de tolos díes nuna aventura fantástica y que nun s'escaez enxamás. Nesti casu, Mary vuelve p'ayudar a la xeneración siguiente de la familia Banks pa poder atopar l'allegría y la maxa que falta  nes sos vides.

Pesadielles 2

Pesadillas 2. Noche de Halloween (Pesadielles 2. Nueche de Halloween). Sony Pictures, 2019.

Sonny y Sam deciden trabayar en saliendo de la escuela  llimpiando les cases del vecindariu, esperando atopar una ayalga grande ente los trastos vieyos. Pero mientres llimpien la casa de Stine, descubren un llibru antiguu y lliberen la so gran pesadiella: Slappy.

Lluis y los alieníxenesLuis y los alienígenas (Lluis y los alieníxenes). Sony Pictures, 2018.

Al estrellase un OVNI escontra la casa Lluis, un neñu de 11 años, faise amigu de los alieníxenes que lu piloten. A cambiu de qu'él los ayude a arreglar la so nave, pa volver pa casa, ellos van ayudalu a llibrase del internáu.



 

Gatos: un viaxe pa volver pa casa

Gatos: un viaje de vuelta a casa. (Gatos: un viaxe de vuelta a casa).  Selecta Visión, 2017.

Rudolf ye un gatín que vive feliz en Gifu, como mascota d'una neña, pero sal de casa ensin querer y termina nun camión que lu lleva hasta'l ruidosu, Tokio. Elli sálvalu Tengounmóntón, un gatu que lu va enseñar a valese por sí mesmu.


Nella: una princesa valienteNella: una princesa valiente. Nickelodeon, 2018.


Ocho espisodios mui entretenidos de Nella. Lo mesmo da un conciertu nun castiellu que se pon a protexer el so reinu d'aventures mui atrevides, xunto a los sos amigos Trinket, Sir Garret y Clod, ella siempre usa'l valor y l'amistá.  


El corredor del llaberintu: la cura mortalEl corredor del laberinto. La cura mortal (El corredor del llaberintu. La cura mortal) Direutor Wes Ball. Twentieth Century Fox, 2018.

Thomas nun pue enfotase en CRUEL, porque lu abandonó nel desiertu y casi muerre. Pero, cola información que tien, pue dir avanzando na cura la llamarada. Sólo tendrá que pasar una última prueba, ¿sedrá quien a sobrevivir?


L'ascensu de ScarLa guardia del león 4. El ascenso de Scar (La guardia del lleón 4. L'ascensu de Scar). Direutor Howy Parkins. Walt Disney, 2018.

Un enemigu bien cruel vuelve pa les Tierres del Reinu y amenaza'l Ciclu de la Vida, asina que Kión y la Guardia, nun van tener más remediu qu'enfrentase a un nuevu retu.

Operación cacagüesa 2Operación Cacahuete 2. Misión: salvar el parque (Operación Cacagüesa 2. Misión: salvar el parque). Direutor, Cal Brunker. Cameo, 2018.

Surly y los sos amigos tienen d'enfrentase a un enemigu mui poderosu: l'alcalde d'Oakton City quier desfacer la so casa pa facer ehí mesmo un parque d'atracciones.



Paddintong2Paddington 2. Direutor, Paul King. Studiocanal, 2018.

L'osu Paddintong yá ta mui integráu y mui feliz na casa la familia Brown, La so tía Lucy cumple 100 años y él tien el regalu perfeutu: un llibru por-up maraviyosu de la tienda d'antigüedaes de Mr. Gruber. Pero too se complica cuando roben el llibru.

La Guerra de les Galaxes: los últimos yediStar Wars. Los últimos jedi. (La Guerra de les Galaxes. Los últimos yedi) Direutor, Rian Johnson. Walt Disney, 2018.

La mala Primera Orden volvió tovían más poderosa y tien arrequexada a la Resistencia. mientres que'l pilotu Poe Dameron ye'l cabezaleru d'una misión pa intentar acabar con un acorazáu, Rey una rapaza bien moza, tendrá que definir el so futuru y la so vocación, y el vieyu yedi Luke Skywalker vuelve a da-y sentidu a la so vida.

Trolls: díes de fiestaTrolls. Días de fiesta. (Trolls. Díes de fiesta) Direutor, Joel Crawford. DreamWorks, 2018.

Bridget y los Bergens nun tienen nengún día de fiesta. Al decatase d'ello, la reina Poppy inventa un plan con Bramch y col restu la pandilla pa facer ún.





Coco

Coco. Direutor, Lee Unkrich. Walt Disney, 2018. Oscar 2018 a la Meyor Película d'Animación y Meyor Canción.

Miguel ye un mozu que suaña con convertise en lleenda de la música, pero la so familia nun lu dexa. La so pasión va llevalu a metese na Tierra de los Muertos pas conocer el so verdaderu heriedu familiar.

El Páxaru LlocuEl Pájaro Loco. La película (El Páxaru Llocu. La película). Direutor Aléx Zamm. Universal, 2018.

Lance Walters ye un abogáu que decide dir a vivir cola familia a una casa preciosa, nun bosque na montaña. Pero pa facer la casa, tendrá que cortar un árbol nel que vive un páxaru carpinteru; la guerra ta asegurada.

FerdinandFerdinand. Direutor, Carlos Saldanha. Twentieth Century Fox, 2018.

Ferdinand ye un toru pequeñu mui tranquilu que quier más sentase debaxo un árbol ente les flores, enantes que resoplar y endrentase con otros toros. Según medra, va siendo más fuerte, pero sigue siendo mansu. Un día, por un enquivocu llévenlu  pa les corrides de toros de Madrid.

El mio pequeñu poni: la películaMy little pony. La película (El mio poni pequeñu. La película). Direutor, Jayson Thiessen. Tripictures, 2018.

Una fuerza escura amenza Ponyville, y les ponis van entamar un viaxe inolvidable más p'allá d'Equestria pa salvar la so casa. Pel camín van atopar nuevos amigos y desafíos apasionantes.

El Muséu de les MaraviyesWonderstruck. El Museo de las Maravillas (El Muséu de les Maraviyes). Direutor, Todd Haynes. Cameo, 2018

Ben y Rose son neños de dos époques mui diferentes, que nagüen porque les sos vides seyan diferentes. Ben suaña col padre que nun conoció nunca y Rose con una actriz misteriosa, que tien una vida escrita nuna llibreta d'alcordances. Los dos van entamar, al empar, la so busca personal.

Transformers: l'últimu caballeruTransformers. El último caballero (Transformers. L'últimu caballeru). Direutor, Michael Bay. Sony Pictures, 2017.

Humanos y Transformers tán en guerra y Optimus Prime marchó. La llave pa poder ganar la batalla ta pesllada nos secretos del pasáu, na historia atapecida de los Transformers na tierra. Nesta quinta entrega de la serie, los persiguíos van convertise n'héroes y los héroes en villanos.

Valerian y la ciudá e los mil planetesValerian y la ciudad de los mil planetas (Valerian y la ciudá de los mil planetes). Direutor, Luc Besson. Aurum, 2017.

Nel sieglu XXVIII, Valerian y Laureline, un equipu d'axentes espaciales encargaos de mantener l'orden en tolos territorios humanos, embárquense nuna xera na ciudá d'Alpha, una metrópoli onde especies de tol universu convivieron munchos sieglos pa compartir conocimientos y cultures. pero hai una fuerza escura qu'amenaza la paz na Ciudá de los Mil Planetes.

Diario de Greg: carretera y mantaDiario de Greg. Carretera y manta. Direutor, David Bowers. Twentieth Century Fox, 2017

El viaxe d'una familia pa dir a la fiesta del 90 cumpleaños de la güela, vese totalmente alteráu, cuando Greg decide que quier dir a una convención de viedeoxuegos.

Los superhéroesLos superhéroes. Direutores, Kyung Ho Lee, Wonjae Lee. Sony Pictures Entertainment Iberia, 2017

Sam y los sos amigos, que tienen súper poderes, tendrán d'enfrentase a una aventura mui lloca pa frenar a Oscar, daquién mui malu, que tien un exércitu grande de robots.  

Spider-Man: homecomingSpider-Man. Homecoming. Direutor, Jon Watts. Sony Pictures Entertainment, 2017

Peter Parker intenta mantener una vida normal, magar que ye'l conocíu superhéroe Spider-Man. Pero la so rutina vese rota porque xurde na so vida'l malváu Vulture, qu'amenaza de verdá a lo que más quier. 

Tadeo Jones 2Tadeo Jones 2. El secreto del rey Midas (Tadeo Jones. El secretu del rei Midas). Direutores, Enrique Gato, David Alonso. Paramount Pictures, 2017

Tadeo Jones va pa Les Vegues pa dir a la presentación del últimu descubrimientu de l'arqueóloga Sara Lavroff: el papiru que demuestra la esistencia del collar del famosu Rei Midas. Pero una mala persona que nagua sólo por tener perres rapta a Sara, y Tadeo tendrá que viaxar per mediu mundu, xunto al so loru Belzoni y el so perru Jeff, pa rescatala.

Doraemon na islla del escarabaxu doráuDoraemon en la isla del escarabajo dorado (Doraemon na islla del escarabaxu doráu). Direutor, Kozo Yusuba. Selecta Visión, 2017

Nobita quier ser un insectu que pueda enfrentase al escarabaxu de Xigante, y píde-y a Doraemon que-y eche un gabitu p'atopar un escarabaxu míticu, una especie que desapaeciere hai munchoas años. Pa poder conseguilo van dir hasta la islla Beremon, protexida por un escarabaxu d'oru que se llama Herakles.

Pirates del Caribe: la venganza de SalazarPiratas del Caribe. La venganza de Salazar(Pirates del Caribe. La venganza de Salazar) . Direutores, Joachim Ronning y Espen Sandberg. Walt Disney, 2017.

El capitán Jack Sparrow va enfrentase a un grupu de pirates pantasma con un capitán terroríficu al mandu, Salazar, qu'acaba de fuxir del Triángulu de les Bermudes. La única posibilidá de Sparrow pa salir con vida ye atopar al llexendariu Tridente de Poseidón, un artefactu poderosu que-y da a quien lu tien el control de la mar.

Oveyes y llobosOvejas y lobos (Oveyes y llobos). Direutores, Maxim Volkov y Andrey Galat. Karma, 2017.

Un rebañu d'oveyes vive feliz y tranquilo nuna tierra verde y máxica bien lloñe, hasta qu'apaez una manada de llobos que decide poner el so campamentu nun desfiladeru cercanu. 
 

Capitán CalzonciellosCapitán calzoncillos (Capitán calzonciellos). Direutor, David Soren. Twentieth Century Fox, 2017

Jorge y Berto son los neños más arteros y revolvinos de cuarto de primaria. Un día, ensin querer, hipnoticen al direutor de la escuela y y conviértenlu en Capitán Calzonciellos, el superhéroe qu'ellos mesmos maxinaron nos sos tebeos. Xuntos van ser un equipu invencible.
 

Gru 3, el mio villanu favorituGru 3, mi villano favorito (Gru 3, el mio villanu favoritu). Direutores, Pierre Coffin y Chris Renaud. Universal Studios, 2017.

A Gru despídenlu de la Liga Anti-Villanos porque nun pudo terminar col últimu rapaz malu qu'amemaza a la humanidá. Pero cuando un estrañu apaez na so vida, pa cunta-y que tien un hermanu ximielgu que nagua por siguir los sos pasos, vuelve a descubrir lo bien que se siente siendo malu.

Richard la cigüeñaRichard la cigüeña (Richard la cigüeña). Direutor, Toby Genkel. Sony, 2017.

Anque tol mundu sabe qu'él ye un gurrión, Richard ta enfotáu en que ye una cigüeña, como tola so familia adoptiva. Polo que nagua ye por emigrar a África con ella, enantes de que llegue l'iviernu duru, pero ¿va ser quién a percorrer tantos quilómetros?

Los pitufos. L'aldea escondidaLos pitufos. La aldea escondida (Los pitufos. L'aldea escondida) Direutor, Kelly Asbury. Sony Pictures, 2017.

Un mapa misteriosu fai que Pitufina y los sos collacios entamen un viaxe mui emocionante pela Viesca Prohibida y les sos increíbles criatures máxiques. Tendrán d'atopar un pueblu misteriosu perdidu enantes de que lo faiga'l malísimu Gargamel.

La Bella y la bestiaLa Bella y la bestia ( La Bella y la bestia). Direutor, Bill Condon. Walt Disney, 2017.

Adautación n'imaxen real del clásicu de Disney. Cuenta la historia de Bella. La so vida cambia'l día que meten presu al padre nel castilellu d'una bestia horrible. Bella ofrezse pa intercambiase con él y queda prisionera nel castiellu, sitiu que ta agüeyáu por una bruxa.
 

El bebé xefazuEl bebé jefazo ( El bebé xefazu). Direutor, Tom McGrath. Twentieth Century Fox, 2017.

Tim Templeton, un neñu de siete años, ve cómo va cayendo en picáu l'amor fraternal al llegar el so hermanu nuevu, un bebé con traxe, maletín y que, dende'l principiu, dexa mui claro qu'él ye'l que manda. Pero cuando Tim descubre que'l neñu pequeñu ta nuna xera secreta, acabará collaborando con él, nuna aventura tremenda que va cambiar el mundu.

La vida de calabacínLa vida de Calabacín (La vida de Calabacín). La Aventura Audiovisual, 2017.

Calabacín ye un neñu de 9 años. En morriendo de repente la madre, faise amigu d'un policía, Raymond, que va con él a la so casa d'acoyida nueva. Cola ayuda de Raymond y de los amigos nuevos, Calabacín va deprender a enfotase nos otros.

Orm nel Reinu Les ÑevesOrm en el Reino de las Nieves (Orm nel Reinu Les Ñeves). Divisa Home Vídeo, 2017.

En ganando a la  Reina Les Ñeves, los trols algamaron la llibertá, pero Orm, ún d'ellos, cree que nun consiguió la reconocencia que merez, asina qu'empieza a dicir mentires y a esaxerar los sos ésitos.

BallerinaBallerina. Contracorriente Films, 2017.

Felicia, una neña que vive nun orfanatu en Bretaña, suaña con ser una gran baillarina profesional. P'algamalo fuxe col so amigu Víctor a París, en 1879, onde se va facer pasar por otra persona pa ser quien a entrar como alumna na Grand Ópera House. 
 

Ribbit, una xaronca peuqeñaRibbit. Una pequeña rana con un gran dilema (Ribbit.Una xaronca pequeña con una dilema grande) Sony Pictures Entertainment, 2017.

Ribbit, una xaronca a la que nun-y gusta nin saltar nin nadar, empieza a creyer que ye un príncipe humanu atrapáu nel cuerpu d'una xaronca. Decide, entós, dir buscar a la so princesa, y asina va entamar una aventura prestosa pela selva amazónica, col so inseparable esguil Sandy.

Atrapa la banderaAtrapa la bandera (Atrapa la bandera). Paramount Spain, 2015.

Mike Goldwing, un rapaz de 12 años mui arteru, fíu y nietu d'astronautes, siempre quiso ganar el xuegu d'atrapa la bandera. Agora, pa poder salvar la Tierra y a la so familia, tendrá d'atrapar la bandera más significativa de la historia: la que llevaron a la lluna los que taben na misión Apolo XI.

La tortuga encarnadaLa tortuga roja (La tortuga encarnada). Karma, 2017.

Película muda y d'animación que cuenta la historia d'un naúfragu que tien que sobrevivir nuna islla tropical desierta, na que viven sólo tortugues, páxaros y camarones.

¡Canta!¡Canta!. Universal, 2107.

Buster Moon ye un koala optimista qu'organiza una gran competición de cantu pa poder salvar el so teatru endeudáu. A esti concursu presentaránse persoanxes increíbles: una gochina que ye ama de casa, una puercospín rockera, un gorila mui bonu, un mur presumíu y una elefanta mui cortada.

Ales a salvu na cubiertaAlas a salvo sobre cubierta (Ales a salvu na cubierta). Direutor, Paw Patrol . Paramount Spain, 2016.

Ocho histories curties de la Patrulla Canina. Nesti casu  los cadiellos participen nun rescate per aire de Chickaletta, un grupu pingüinos, un aigla, un loru, y hasta una abeya reina.

TrollsTrolls. Direutor, Mike Mitchell. Dreamworks Animation, 2016.

Conocíos polos sos pelos de colores, alteraos y máxicos, los Trolls son les criatures más felices y allegres que se meten nel mundu la canción. Pero'l so mundu del arcu la vieya y cupcakes va cambiar cuando'l so cabezaleru, Poppy, tendrá d'embarcase nun rescate que la va llevar mui lloñe.

Robinson, un aventura tropicalRobinson. Una aventura tropical (Robinson. Una aventura tropical). Direutor, Vincent Kesteloot. Divisa, 2017.

Añu 1659. Mak, un guacamayu con ales encarnaes, vive mui tranquilu con esos amigos que tien tan diferentes unos d'otros nuna islla tropical idílica. Dempués d'un bastiazu, llega a la costa Robinson Crusoe, únicu superviviente d'un naufraxu, nel que van dir confiando poquiñín a poco los sos amigos nuevos.

VaianaVaiana. Direutor, John Muske. Disney, 2017.

Nunes islles del sur del Pacíficu, vive Vaiana Waialiki, la única fía d'un marinu mui importante. Esta rapaza nun tien mieu a nada y zarpa pa vivir una aventura épica y pa intentar salvar al so pueblu. Pel camín conoz al poderosu semidiós Maui y los dos xuntos atraviesen l'océanu.

El neñu y la bestiaEl niño y la bestia (El neñu y la bestia). Direutor, Mamoru Hosoda. A Contracorriente Films, 2016.

Kyuta ye un neñu solitariu que vive en Tokio, y Kumatetsu ye una criatura sobrenatural aisllada nun mundu fantásticu. Un día, el neñu pasa la frontera pal otru mundu y faise amigu de Kumatetsu que tamién va ser el so guía espiritual. los dos van vivir una montonera aventures.

CigüeñesCigüeñes. Direutor, Nicholas Stoller. Twentieth Century Fox, 2016. 

En Montaña Cigüeña, viven les cigüeñes qu'hai tiempu mandaben neños y neñes de rollu a padres y madres de tol mundu. Agora reparten paquetes d'una compañía mundial d'Internet. Junior, la meyor cigüeña repartidora de la compañía, métese nun barullu grande cuando, ensin querer, pon a funcionar una máquina vieya de neños y neñes de rollu y produz una neña preciosa.

La casa de Miss PeregrineEl hogar de Miss Peregrine para niños peculiares (La casa de Miss Peregrine pa neños especiales). Direutor, Tim Burton. Twentieth Century Fox, 2016.

Cando Jake, un mozu de de 16 años, resuelve un gran misteriu, descubre un mundu secretu pa neños y neñes con poderes estraños, como la llevitación d'Emma, el fueu  d'Olive y que Millard ye invisible. Pero'l peligru acecha y los neños y neñes tendrán qu'ayudase pa protexer un mundu tan estraordinariu.

OzzyOzzy, aquí hay perro encerrado (Ozzy, equí hai perru encerráu). Direutor, Alberto Rodríguez. Capitán Araña, 2016.

Esa bona vida d'Ozzy, un beagle simpáticu y tranquilu, tórnase cuando la familia nun pue llevalu a un viaxe llargu y déxenlu no qu'abulta un balnerariu caninu mui grande, blue Creek, qu'en realidá ye una cárcel pa perros onde lo que val ye la llei del más fuerte.  

Zipi y Zape y la islla del capitánZipi y Zape y la isla del capitán (Zipi y Zape y la islla del capitán). Direutor, Óskar Santos. Buenavista Home Entertainment, 2016.

Lleguen les Navidaes y Zipi y Zape van col padre y la madre al qu'abulta va ser un viaxe mui aburridu en barcu. Pero queden plasmaos, porque van pa una islla espectacular y bien alloñada. De sópitu un bastiazu oblígalos a abellugase na mansión d'una rapaza mui prestosa,  Pam. Los hermanos descubren que la desapaición del padre y la madre, pela nueche, ta rellacionada col secretu la islla y quien vive nella.

Buscando a DoryBuscando a Dory (Buscando a Dory). Direutor, Andrew Stanton. Disney, 2016.

Un añu dempués de tolo que se contó en buscando a Nemo, Dory vive mui tranquila con Marlin y el so fíu Nemo. Pero faciendo un viaxe pa ver a les matarrayes volver pa casa, los problemes de memoria de Dory paez que van desapaecer: nun segundu lacuérdase de que tien familia. Aína decide dir ver al padre y a la madre, a los que perdió hai años.

La edá del xeluIce age 5. El gran cataclismo (Ice age 5. El gran cataclismu). Direutor, Michael Thurmeier. Twentieth Century Fox, 2016.

L'enfotu que tien Scrat en buscar abiyotes acaba provocando un accidente: un asteroide va camín de la Tierra, y pue acabar cola Edá del Xelu. Sid, Manny, Diego y los demás miembros de la manada intentarán impedilo pa tolos medios.

ZootrópolisZootrópolis.Direutores, Byron Howard, Rich Moore, Jared Bush. Disney, 2016.

Comedia d'aventures ambientada na metrópolis moderna de mamíferos Zootrópolis. La optimista axente Judy Hopps, descubre que ser la primer coneyina d'un cuerpu policial compuestu d'animales duros y enormes nun ye fácil. Pero ta decidida a demostrar lo que val, anque por culpa d'eso tengo que trabayar con Nick Wilde, un raposu mui charrán y estafador.
 

Belle y SebastiánBelle y Sebastián. Direutor, Nicolas Vanier.  Gaumont, 2015.

Sebastián ye un neñu solitariu que vive nun pueblu pequeñu de Los alpes; un día encuentra un perru xabaz, y llámalu Belle. Ente ellos va xurdir una amistá grande. Pero en plena Segunda Guerra mundial, la vida sele del pueblu va camudar por culpa de la llegada de los nazis.

Bob EsponxaBob esponja. Un héroe fuera del agua (Bob esponxa. Un héroe fuera l'agua). Direutor, Paul Tibbitt. Paramount Pictures, 2015.

Cuando'l pirata Barba Burguer roba la fórmula secreta de la camaroburguer, Bob Esponxa y los amigos tienen que xuntase pas recuperala. Pero van decatase rápido de que pa ganalu tendrán que dexar salir a los superhéroes que lleven dientro.

El viaxe d'ArloEl viaje de Arlo (El viaxe d'Arlo). Direutor Peter Sohn.  Disney, Pixar, 2016. Premios Annie: Meyores Efeutos Animaos

¿Qué pasaría si los dinosaurios tovía siguieren tando nel nuestru planeta? Un apatosaurus, que se llama Arlo, faise amigu d'un humanu, y mientres va pasando per un paisaxe ermu y misteriosu, deprende an enfrentase a los miedos.

Hotel Transilvania 2Hotel Transilvania 2. Direutor, Genndy Tartakovsky. Columbia, Sony, 2016.

Too paez dir bien nel Hotel Transilvania, pero a Drácula preocúpalu que'l nietu, Dennis, nun tenga ñiciu nengún de vampirismu. Decide entós convidar a los sos amigos monstruos pa que-y echen un gabitu pa montar un campamentu d'entrenemientu monstruosu pa Dennis.

Asterix, la casa los diosesAstérix. La residencia de los dioses (Astérix. La casa los dioses). Warner Bros, 2015.

Añu 50 e.C. Tola Galia ta ocupada polos romanos, menos una aldea gala piquiñina. Tou enfadáu por culpa d'eso, Julio César decide cambiar de táctica: como los sos exércitos nun fueron quien a imponese pola fuerza, decide facer al llau de l'aldea una casa de lluxu pa los romanos, la casa los dioses. ¿Podrán resistise los galos a la tentación del dineru y el confort romanu? Astérix y Obélix van tener qu'esforzase pa frustrar los planes del César.

Mundu XurásicuJurassic World (Mundu xurásicu). Universal, 2015.

Ventidós años dempués de lo que pasó en Parque Xurásicu, la islla Nublar tresformóse nun parque temáticu enorme, Parque Xurásicu. Peero una especie nueva de dinosauriu escapóse del recintu y empieza a da-yos problemes a les persones que visiten el parque.

La canción de la marLa canción del mar (La canción de la mar). Karma, 2015.

Ben y Saoirse viven nun faru, na parte más alta d'una islla pequeñina. Pa protexelos de los peligros de la mar, el padre, mándalos pa vivir cola güela pa la ciudá. Ellí Ben descubre que la hermana pequeña ye una selkie, una fada de la mar, una neña-foca que pue lliberar a los seres máxicos del mal de güeyu de la Bruxa de los coruxones.

Los MinionsLos Minions. Universal, 2015.

Los minions, organismos mariellos unicelulares que tán siempre al serviciu los amos más despreciables, tán solos y caen nuna depresión fonda. Pero Kevin, ún d'ellos, tien un plan: acompañáu pol rebelde Stuart y l'adorable Bob, entama un viaxe mui emocionante pa tener una xefa a la que sirvir, la terrible Scarlet Overkill.

El hobbitEl Hobbit: la batalla de los cinco ejércitos( (El Hobbit: la batalla de los cinco exércitos). Direutor, Peter Jackson. Warner Bros, 2015.

En recuperando'l reinu del Dragón Smaug na montaña, la Compañía fizo xurdir, ensin querelo, una potencia permala: un Smaug mui enfadáu vuela p'haza la ciudá del Llagu pa terminar con cualquier ñiciu de vida. Pero tovía hai peligros peores. Sauron mandó llexones d'orcos hacia la Montaña Solitaria nun ataque épicu; les races de los Enanos, Elfos y Homes tendrán que decidir si se van xuntar o si va ser el so desaniciu.

La fiesta mágica de pijamasDora la exploradora y la fiesta mágica de pijamas (Dora la esploradora y la fiesta máxica de piyames). Paramount Spain, 2014.

Tás invitáu a una fiesta máxica de piyames nel muséu con Dora, Diego y Botas, y vas poder dir dientro un cuadru pa romper el mal de güeyu que convirtió al Príncipe Miguel nun lleón.

Big Hero 6Big Hero 6. Direutores, Chris Williams, Don Hall. Disney, 2015.

Na metrópolis de San Fransokyo, viven Hiro Hamada, un neñu prodixu de la robótica, y los sos collacios. De sópitu vense envueltos nuna conspiración peligrosa, que pasa nes cais de la so ciudá y Hiro píde-y ayuda al so amigu más íntimu, el robot Baymax, y tresforma a los amigos nuna banda héroes d'última teunoloxía decidíos a resolver el misteriu.

PaddingtonPaddington. Direutor,Paul King. Warner Bros, 2015.

Paddington ye un osu peruanu mui mozu recién desembarcáu en Londres que busca una casa y una vida meyor. Rápido va dase cuenta de que conseguir la vida de los sos suaños ye más difícil de lo que qu'él imaxinare.

Free birdsFree birds, vaya pavos (Free birds, vaya pavos). Direutor,Jimmy Hayward. Tripictures, 2014.

Esta ye la historia de dos pavos d'entornos mui diferentes, que tienen que dexar aparcaes les sos diferencies pa poder viaxar nel tiempu y cambiar el cursu de la historia: facer que los pavos nun seyan el menú preferidu n'Aición de Gracies.

La tropa de trapuLa tropa de trapo en el país donde siempre brilla el sol (La tropa de trapu nel país onde siempre relluma'l sol). Direutor, Alex Colls. Cameo, 2014.

El día que Mumu descubre un rebañu blanquísimu d'oveyes pastiando en parque onde xuega colos amigos, nun pue dexar de comparar lo guapu que ta él con como tán los miembros de la so tropa y va decatase rápido de que ser diferente ye lo que nos fae únicos y úniques

Zipi y Zape y el Club de la canicaZipi y Zape y el Club de la canica. Direutor, Oskar Santos. Zeta Cinema, 2013.

Castiguen a Zipi y Zape a pasar el veranu na Escuela Esperanza, un centru dirixíu pol temible Falconetti, onde nun se pue xugar. Ellí van fundar el Club de la Canica, la resistencia infantil que s'enfrenta a l'autoridá de les persones adultes.

FutbolínFutbolín. Direutor, Juan José Campanella. Universal, 2014. Premiu Goya a la Meyor película d'Animación.

Amadeo ye un fenómenu xugando al futbolín y ta enamoráu de Laura, la so meyor amiga. La so vida tranquila termina'l día nel que'l Crack, un mozu del pueblu que ye'l meyor futbolista del mundu, vuelve pa vengase del únicu momentu de la so vida nel que nun ganó: lo que-y pasó de pequeñu enfrentándose a Amadeo xugando una partida de futbolín.

Los Cinco y el misteriuLos Cinco y el misterio de la joya escondida (Los Cinco y el misteriu de la xoya escondida).Direutor, Mike Marzuk. Paramount, 2014.

Tán cerca les vacaciones de veranu y Georgina, Julian, Dick, ana y el so perru Tim (Los Cinco) ye la primer vegada que van de camping solos. Tando montando'l campamentu encuéntrense con un rapaz un poco raru, Hardy, y cuando intenten efacese d'él ¡secuestren a Dick!

Frozen: el reinu'l xeluFrozen: el reino del hielo (Frozen: el reinu'l xelu). Direutor,Chris Buck. Disney, 2014.

Anna, una moza mui optimista, xúntase con Kristoff, un montañeru temerariu y a Sven, un renu, pa entamar un viaxe épicu y terminar col mal de güeyu que condenó a Arandelle a un iviernu eternu. Pel camín van atopase con un muñecu de nieve mui prestosu, Olaf, y muncha maxa.
 

TurboTurbo. Direutor,David Soren. Dreamworks, 2013.

Turbo ye un cascoxu de xardín con un suañu imposible: convertise nel cascoxu más rápidu del mundu. Dempués de sufrir un accidente mui raru va tener el poder de la súper-velocidá, turbo va intentar, xunto colos sos amigos revolvinos, cumplir el so suañu.

Justin y la espada del valorJustin y la espada del valor (Justin y la espada del valor). Direutor, Manuel Sicilia. Sony, 2013.

Justin vive nun reinu gobernáu por burócrates onde los caballeros tán desterraos. La so ilusión más grande ye la de se ún de los «caballeros del valor», como foi'l güelu, pero'l padre quier que siga los sos pasos y seya abogáu. Una historia mui emocionante que nos fala del enfotu que tien un rapaz p'algamar el so suañu. 


 


 

Calendariu d’eventos

anterior Xunu 2022 siguiente
ll ma mi xu vi do
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |