Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Biblioteques

Biblioteques «Llibros. Novedaes infantiles»

Esbilla de llibros infantiles incorporaos a la Rede de Biblioteques d'Avilés

   

Aventura na ciudáLLIBROS 
 

Misteriu nel bosque encantáuLos buscapistas. Tú eres el detective 1. Misterio en el bosque encantado Los buscapistes. Tu yes el detective 1. Misteriu nel bosque encantáu). T. Blanch, J. A. Labari. Montena, 2021. 92 p.

Pepa y Maxi nun lo pueden creer: la so profesora desapareció. Fueron d'escursión a la viesca y cuando volvieron pal campamentu nun había nin rastru d'ella. Los buscapistes necesiten la to ayuda, sólo van poder encontrala contigo.

EnsimismadaEnsimismada (Plasmada). Nanem. Bookolia, 2021. [29] p.

Doña Julia pasa los díes en casa, preparando'l so vistíu preciosu pa les fiestes, pero como tien muncha facilidá pa ensimismase, nun ye quien a terminalu nunca; pero paez qu'esta vez va ser diferente.

EsploradoresEsploradores. Almudena Suárez. Juventud, 2021. [30] p.

Juan ye esplorador. Tolos díes pela mañana prepara la mochila pa enfrentase a un nuevu día d'aventures. Los y les esploradores son mui valientes, y nun hai nada que los y les pare. ¿Quiés conocer a Juan?

LucaLuca: El libro de la película (Luca: El llibru de la película). Libros Disney, 2021. 64 p.

Luca ye un monstruu marinu mozu al que-y encanta'l mundu de la superficie. En conociendo a Alberto faise amigu d'el y va atrevese a salir a tierra firme. Xuntos van pasar un veranu que nun van escaecer, nel pueblu intalianu pueblu Portorosso. Pero naide tien que descubrir el secretu que tienen los dos: la so verdera identidá.

El club de les cuatro emesEl Club de las Cuatro Emes (El Club de les Cuatro Emes). Juan Ramón Santos, Paula Blumen. Edebé, 2021. 180 p.

Premiu Edebé de Lliteratura Infantil. Madán Golosín tien una costume mui fea y ye la de molestar a  neños y neñes que van a la so tienda de llambiotaes. Matilde, Manuel y les dos Maríes deciden crear un club secretu, El Club de les Cuatro Emes, pa vengase. Pero mui pronto van dase cuenta de que Madán Golosín tien un problema na familia mui grave, y les coses nun son siempre lo que paecen.

  Compres anteriores 

Descripción de la imagenElefante Elefante. Amelia Hepworth, Pintachan. Combel, 2020. [10] p.

Llevanta les tapes y ayuda a Elefante a descubrir quién ta escondíu tres d'elles. Esti llibru, pa buscar y atopar , tien un espeyu na tapa d'atrás, que-yos presta muncho a neños y neñes.

El dragón d'oruEl dragón de oro (El dragón d'oru). Copons & Fortuny: Bitmax & Co, 3. Combel, 2021. 67 p.

Unos cazadores llegaron a la Viesca Azul pa buscar el dragón d'oru. Pero, ¿y si lu confunden con Rufus? Bitmax y toles persones que vien na viesca tendrán d'organizar un plan pa defendela.

Descripción de la imagenArbolidades. David Hernández Sevillano, Maite Mutuberria.  Kalandraka, 2021. 58 p.

Ganadora del XII Premiu ciudá d'Orihuela de Poesía pa Neñes y Neños. 35 poemes que nos faen percorrer una viesca, saltando d'árbol n'árbol, de matu en matu y de versu en versu, y dir conociendo la vida qu'hai dientro, porque la viesca tamién ye la casa de munchos seres vivos.

Histories superguáis de mieuRowley presenta historias superguáis de miedo (Rowley presenta histories superguáis de mieu). Jeff Kinney.  RBA, 2020. 217 p.

Nestes histories bien prestoses vas atopar zombis, pantasmes y muncho más. Cálate nel mundu enguedeyáu y prestosu de Rowley y, a lo meyor, puede que te rías al lleeles, pero ¿dempués podrás dormir cola lluz apagada?

El príncipe y la bruxa y la lladrona y los ososEl príncipe y la bruja y la ladrona y los osos (El príncipe y la bruxa y la lladrona y los osos). Alastair Chisholm, Jez Tuya. Picarona, 2021. [40] p.

Jamie quier que-y llean un cuentu pa dormir. Pero nun quier cualquier cualquiera; quier ún con un príncipe, un osu, una bruxa y...¡más osos! El padre de Jamie aceuta'l retu, ¿por qué non?, -y diz. Esti ye'l so cuentu.

La bibliotecariaLa bibliotecaria. Sandra Alonso, Blanca Millán. Alaestrella, 2021. [40] p.

A Lily encánten-y los cuentos, ye lo que más-y presta. Un día nun cuentacuentos na biblioteca descubre una puerta pesllada, y tres d'ella óyense munchos soníos: rises, lloros, glayíos. ¿Qué va descubrir Lily cuando la abra?

Cinco cerecesCinco cerezas (Cinco cereces). Vittoria Facchini. Dr Buk, 2021. [52] p.

Una madre da-yos a los dos fíos, cinco cereces pa caún. Magar que son neñu y neña, los dos usen el llinguax del maxín pa convertiles en cualquier otra cosa, dende una fruta embruxada hasta una melecina o un ramu flores.

La neña de los güeyos ocupaosLa niña de los ojos ocupados (La neña de los güeyos ocupaos). André Carrilho. Thule, 2021. [42] p.

Los nueve mundosMagnus Chase y los dioses d'Asgard, 4. Los nueve mundos. Rick Riordan. Montena, 2021. 192 p.

Mientres que Magnus ta visitando a la prima Annabeth, los amigos d'Asgard tán viviendo munches aventures: Mallory enfréntase a un dragón nel mundu xeláu de Niflheim y Álex Fierro xuega con fueu na tierra los xigantes. Tú puedes dir con ellos.

Más p'allá de les estrellesMás allá de las estrellas: ¿estamos solos en el universo? (Más p'allá de les estrelles: ¿tamos solos nel universu? Álex Riveiro. Alfaguara, 2021. 262 p.

A lo meyor dalguna vez preguntástite si nes estrelles  que rellumen pela nueche, o n'otros planetes, puede haber seres como tu, otres civilizaciones n'otres galaxes, o si los vamos conocer dalgún día. Si ye eso, esti llibru ye pa ti.

Nun soi igual 1No soy igual 1. ¡Cambio de instituto!(Nun soi igual 1. ¡Cambiu d'institutu!) Martina D'Antiochia. Montena, 2020. 143 p.

Tatina de Santamaría Ponce de León tien trece años, y tien un problema mui grande: empieza nun institutu nuevu, con compañeros nuevos...y tamién con Vane, ¡la choni! Les dos son enemigues pa siempre, pero agora tienen que comaprtir clase. ¿Crees que van poder sobrevivir?

Descripción de la imagenBienamina Wood 1. El misterio del diamante huesoso (Bienamina Wood 1. El misteriu del dimante güesudu). Federico Moccia. Destino, 2021. 233 p.

Bienamina ye la influencer más importante de Perrimolinos, estudia na universidá, tien una vida social con muncha movida y amás resuelve cualquier misteriu qu'atope pel camín. Güei va a la fiesta del diseñador Rodolfo Carlino, onde va esponese un diamante enorme, de xuro qu'habrá dalgún problema que solucionar.

Las aventuras de Thor 2. La fuga de Loki(Les aventures de Thor 2. Loki escapóse). Erik Tordensson, Valenti Ponsa. Picarona, 2021. 221 p.

Loki volvió a liala, escapóse al inframundu. Los sos amigos, los dioses Thor y Freya, van tener que dir rescatalu, pero'l viaxe al mundu los muertos ye mui enguedeyáu: tendrán d'enfrentase a un caballu cabazagüeca, unos zombis bromistes y un perru xigante.

Paco y el hip-hopPaco y el hip-hop. Magali Le Huche. Timun Mas, 2020. 28 p.

Paco paséase pel Bronx y conoz a los Bronx Kids, un grupu d'amigos que baillen hip-hop y rapeen. Xuntos deciden dir al club y facer una batalla de breakdance, ¿quién va ganar? Nesti llibru tu tamién vas poder sentir 16 canciones y escoyer cuála te presta más.

¿Quién ta faciendo esi ruidu?¿Quién está haciendo ese ruido?(¿Quién ta faciendo esi ruidu? Ülo Pikkov, Anne Pikkov. Siruela, 2021. 36 p.

La viesca ta tranquila y callada. De repente empiecen a sentise unos golpes fuertísimos -toc, toc, toc- y tolos páxaros y los demás animales de la viesca asústense. ¿Qué ye lo que pasa? ¿Quién fai esi ruidu?

La fonte escondidaLa fuente escondida (La fonte escondida). Míriam Tirado, Marta Moreno. B de Blok, 2021. 58 p.

A Pol présta-y muncho cantar. Cuando canta siente que puede volar, y un sentimientu mui guapu percuerri'l cuerpu: ye como si una fonte máxica brotara del so pechu. Ta convencíu de que toos tenemos una dientro y él quier echar un gabitu a tola xente p'atopala.

El palaciu de los rarosEl corredor del laberinto 7. El palacio de los raros (El corredor del llaberintu 7. El palaciu los raros). James Dashner. Nocturna, 2021. 181 p.

Newt tuvi nel infiernu: el Claru, el llaberintu, la Quemadura..., pero de toos esos sitios pudo escapar. Agora la so cabeza ta corrompiéndose y sabe que nun va poder escapase. Decidíu a nun dexar que  los amigos lu vean doblegase, despídese con una nota y piérdese per unes cais llaraes d'enfermedá y llocura hasta qu'acaba nel Palaciu los Raros, l'últimu abellugu pa los que yá nun tienen esperanza.  

El pecín blancu y la canción de la marEl pececito blanco y la canción del mar (El pecín blancu y la canción de la mar). Guido Van Genechten. Edelvives, 2019. 16 p.

El pecín blancu despertó mui contentu y entamó a cantar. Los sos collacios tamién creen la so propia música. De sópitu oyen una melodía mui especial ¿dónde vendrá? Un llibru allegre con música prestosa. 

¿Para qué sirve la bacinilla?¿Para qué sirve el orinal?(¿Pa qué sirve la bacinilla?). Marta Álvarez Miguéns, Katie Daynes. Usborne, 2019. 12 p.

Esti llibru simpáticu con solapes tien una ilustraciones guapes y un testu cenciellu, con una migayina d'humor, que va animar a lo más piquiñino de la casa a usar la bacinilla y olvidase de los pañales.

El niñu que taba siempre na llunaEl niño que estaba siempre en la luna (El neñu que taba siempre na lluna). Katia Canciani, Félix Girard. Picarona, 2020. 32 p.

Una biografía pequeña d'Antoine de Saint-Exupéry. Esta ye la historia d'un neñu de güeyos grandes rellumantes y pelo color de les estrelles que se llama Antoine, pero como siempre taba mirando pal cielu llamábenlu Siempre en la luna.

Superhéroes escontra'l plásticuSuperhéroes contra el plástico (Superhéroes escontra'l plásticu). Martin Dorey, Tim Wesson. Destino 2020. 127 p.

Nun tolos superhéroes esnalen y lluchen  escontra alieníxenes, munchos viven ente nós y faen coses increíbles. Dos  minutos ye lo que necesites pa convertite  nún d'ellos, pa lluchar escontra'l plásticu y salvar los océanos. Nesti llibru vas descubrir cómo facelo. 

Kitty descubre'l so poderKitty descubre su poder (Kity descubre'l so poder). Paula Harrison, Jenny Lovlie. Alfaguara, 2020. 126 p.

Kitty sabe que dalgún día tendrá qu'usar los poderes felinos especiales qu'heredó de la madre. Cuando un día pela nueche'l gatu Fígaro apaez nel so cuartu pidiendo ayuda, sabe que llegó'l momentu. Pero Kitty tien munchu mieu pela nueche, ¿sedrá quien a tener valor y vivir una aventura emocionante na escuridá?

Naufraxu a la vista¡Naufragio a la vista! Agencia de detectives Núm. 2 (¡Naufraxu a la vista! Axencia de detectives Númberu 2). Jørn Lier Horst, Hans Jørgen Sandnes. La Galera, 2020. 101 p.

Una ventolera tremenda  llara de ruxa la playa de Villa Río. Tiril y Oliver atopen una pista que va destapar un desatre medioambiental y un barcu naufragáu enllenu monedes d'oru. Ye un casu nuevu pa l'Axencia de Detectives Númberu 2, ¡esta vegada'l misteriu ta debaxo l'agua!

Revolución na tienda d'animalesRevolución en la tienda de animales (Revolución na tienda d'animales). Ana Juan. Baobab, 2020. 34 p.

El señor Walnut tien a los animales encerraos nunes xaules pequeñísimes na so tienda escura y fría. Por eso, cunado Mimi, la coneyina de Mina, desapaez, ella ta segura de que Walnut tien muncho que ver neso. ¿Va conseguir rescatala y ayudar a los demás animales?

Cuentos pol climaCuentos por el clima (Cuentos pol clima). Magela Ronda, Raquel Sánchez Pros. Alfaguara, 2020. 222 p.

Esti llibru ilustráu cuenta les histories de cien héroes, heroínes y organizaciones que lluchen tolos díes pa facer del mundu un sitiu meyor pa vivir, agora y nel futuru. Greta Thunberg, Chico Mendes, Greenpeace, SEO/Birlife, y munchos más, son los sos protagonistes.

Minino y la lluviaMinino y la lluvia. Meritxell Martí, Xavier Salomó. Combel, 2019. 18 p.

Minino ye un gatu mui revolvín que mira'l mundu con muncha curiosidá. Güei ta cayenun chaparrón grande y Minino quier salir a pasease coles sos catiusques. ¿Vas con él?

Escape book d'un aldeanu pringáu: el megatemplu maldituEscape book d'un aldeanu pringáu. El megatemplu malditu (Escape book de un aldeano pringado. El megatemplo maldito). Cube Kid. Planeta junior, 2020. [96] p.

En Villardea, xurdió, de sópitu, del agua un templu misteriosu. Alicia foi a investigalo, pero nun volvió, asina que tienes de dir a ayudala. Por desgracia, tamién tu vas quedar atrapáu nel templu, y si quies salir, tendrás de solucionar una montonera coses que pasen ensin esplicación nenguna. ¿Tas preparáu? ¿Tas preparada?

Aventura na ciudáAventura en la ciudad (Aventura na ciudá). Libsa, 2019. [16] p.

¡Cuántes coses se pueden deprender viviendo na ciudá!: xugamos nel parque, vamos al colexu, préstennos el cine y el teatru, sorprendenos un muséu al visitalu, mercamos nun supermercáu...

¡Vamos n'avión!Osito Tito .Vamos en avión.(Osín Tito.Vamos n'avión).  Benji Davies. Timun Mas, 2020. 10 p.

Xube al avión d'Osín Tito, Nél vas descubrir lo que ye un aeropuertu y tolos secretos del avión: ¡incluso vas poder despegar y aterrizar! Un llibru mui prestosu con solapes pa lo más piquiñino.

150 enigmes y xuegos de maxa pa engañar al to cerebruMiquel Capó: 150 enigmas y juegos de magia para engañar a tu cerebro (Miquel Capó: 150 enigmes y xuegos de maxa pa engañar al to cerebru). Montena, 2019. 180 p.

Pon a prueba la to cabeza y reta a los tos amigos con esti llibru. Tien los meyores xuegos pal maxín, los rompecabeces más estimulantes y los retos más prestosos, y too ello con un poco maxa. 

Cómo llegué hasta equíPhilip Bunting: ¿Cómo he llegado hasta aquí? (Philip Bunting: ¿Cómo llegué hasta equí?) RBA, 2019. [32] p.

Esta ye la to biografía, magar qu'entá nun lo sepas. Esti llibru va llevate dende'l Big Bang hasta'l to nacimientu; un viaxe increíble pel tiempu, nuna aventura qu'entama con un gran ¡boom!

El viaxe del calígrafuArianna Squilloni, Samuel Castaño: El viaje del calígrafo (Arianna Squilloni, Samuel Castaño:El viaxe del calígrafu). Juventud, 2019. [32] p.

El calígrafu intuía que más p'allá del valle y les montañes que taben al rodiu d'él había más valles y montañes. Asina qu'un día, envede sentase nel so escritoriu, metióse na viesca y atopó caminos nuevos y xente nuevo.

Martina y el perru de la proteutoraLisa Papp: Martina y el perro de la protectora (Lisa Papp: Martina y el perru de la protectora). Tramuntana, 2019. [32] p.

Martina queda plasmada cuando se da cuenta de que Bonnie, la perrina que tuvo cachorros, pasó munchu tiempu nun albergue d'animales. Collaborar con esti centru y da-yos a los animales que viven ellí munchu amor, ye la manera que va tener Martina de devolve-y a Bonnie tolo bono que-y dio.

Nate'l grande ye la bombaLincoln Peirce: Nate el Grande es la bomba (Lincoln Perice: Nate el Grande ye la bombe). Nate el Grande 8. RBA, 2019. 222 p.

Nate enamoróse de Ruby, la rapaza nueva, y cuando se pelea con Randy Betancourt, la noticia va ser titular del periódicu de la escuela, asina que s'enfrenta a un problema munchu peor que cualquier castigu. ¿Podrá iguar les coses?

Haz una películaFrancesco Filippo: Haz una película: manual para jóvenes videastas. (Francesco Filippo: Fai una película: manual pa mozos y moces videastes). Picarona, 2019. 123 p.

Tola ferramienta, les téuniques y los conseyos pa crear les tos películes, documentales y curtiometraxes, dende'l guión y la escenografía hasta'l montaxe.

El coleicionista d'insectosEl coleccionista de insectos (El coleicionista d'insectos). Alex G. Griffiths. Jaguar, 2019. 30 p.

A George encánten-y los insectos, grandes o pequeños, con munches pates, rellumantes..., poro, decide convertise en coleicionista d'insectos. Pero unes criatures tan especiales nun tán feches pa vivir nuna botella.

Bichopoemes y otres bestiesBichopoemas y otras bestias (Bichopoemes y otres besties). Leire Bilbao, Maite Mutuberria. Kalandraka, 2019. 62 p.

Esnalen, naden, repten y ruxen poéticamente. Nestos versos tan prestosos viven criatures conocíes que van sosprender pol so arte y orixinalidá. Y too con un llinguax fácil, pa que los llectores pequeños puedan entendelo.

Defiéndome del sexismu ¡Me defiendo del sexismo! (¡Defiéndome del sexismu!) Emmanuelle Piquet, Lisa Mandel. Juventud, 2019. 179 p.

Esti llibru presenta catorce testimonios de neñes qu'encuentren idees p'acuartar el sexismu y dexar de sufrir les sos consecuencies. Gracies a la estratexa de defensa qu'esplica l'autora, llamada «flecha de resistencia», les neñes atopen ferramienta pa enfrentase soles y con fuerza a situacio

Calendariu d’eventos

anterior Agostu 2022 siguiente
ll ma mi xu vi do
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |