Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 24 - Abril 2019

Apúntate al nuestru boletín

Biblioteques

Biblioteques «Llibros. Novedaes»

Esbilla de llibros incorporaos a la Rede de Biblioteques d'Avilés

LLIBROS

Manhattan BeachManhattan Beach. Jennifer Egan. Salamandra, 2019. 477 p.

La poca mano d'obra como consecuencia de la Segunda Guerra Mundial fizo que les muyeres norteamericanes dieren un pasu p'alantre y ocuparen puestos reservaos a los homes. El noyu central d'esta obra ye la narración d'aquel cambiu tan importante.

El último barco (L'últimu barcu). Domingo Villar. Siruela, 2019. 707 p.

La fía del doctor Andrade vive nuna casa azul, cerca de les mariscadores y los marineros qu'echen los sos preseos a la mar. Un día pela mañana al inspector Caldas va velu'l médicu, asustáu porque desapeciere la so fía, Mónica. Anque paez que nuna hia nada qu'altere la vida la moza, Leo Caldas va descubrir que too pue tener un llau escuru.

Corazón que ríe, corazón que llora. Maryse Condé. Impedimenta, 2019. 270 p.

Nun ye fácil vivir metanes dos mundos y la neña Marisé sábelo bien: en casa, na islla caribeña de Guadalupe los padres nun quieren falar criollu y tan bien arguyosos de ser franceses, pero cuando va pa París, siente sómo los blancos los miren penriba l'hombru. Estes son les alcordances de la escritora, que mira p'atrás y clase nel so pasáu.

Candela. Juan del Val. Espasa, 2019. 253 p. Premiu Primavera de Novela 2019.

Candela ye una muyer de cuarenta y tantos años, observadora, avezada a tar sola y con sentíu del humor daqué ácidu. Los sos díes pasen trabayando de camarera nel bar que ye d'ella, de la güela y de la madre; un bar de barriu pel que va pasando la vida entera, per aciu de los sos clientes.  

Crudo y poco pasaoCrudo y poco hecho (Crudo y poco pasao). Lindy Wildsmith. Blume, 2018. 176 p.

Recetes mui riques de carne, pescáu y verdures too crudo. Dende los clásicos cebiche o sashimi, hasta los conceutos nuevos, como lo curao en bloque de sal o'l steak tartar, ensin esc aec er una riestra ensalades, encurtíos o platos con frutes.

El mesíes de les plantesEl mesías de las plantas (El mesíes de les plantes). Carlos Magdalena. Debate, 2018. 301 p.

L'autor ye cuidador nel Real Xardín Botánicu de Kew, el más improtante del mundu. Esti agricultor asturianu cuenta cómo viaxó a los sitios más remotos pa pdoer salvar cualquier especie vexetal a puntu de desapaecer.

El mitu de la transición pacíficaEl mito de la transición pacífica. Violencia y política en España (1975-1982)(El mitu de la transición pacífica. Violencia y política n'España. 1975-1982). Sophie Baby. Akal, 2018. 735 p.

La Transición convirtióse nun mitu fundacional de la nueva España que xurde del Franquismu, con esa idea qu'había de que se fizo ensin violencia política. Nada que ver cola verdá, l'autora esplica'l ciclu de violencia que se vivió nesi momentu, non sólo por culpa d'ETA, sinón tamién por radicales de tou tipu y miembros de les fuerces y cuerpos de seguridá del Estáu.

El vistíu azulEl vestido azul (El vistíu azul). Michèle Desbordes. Periférica, 2018. 146 p.

Camile Claudel tuvo dos vides. Una intensa, tando nel mundu artísticu parisinu de finales del sieglu XIX, na que quiso y odió al so maestru Rodin. Otra, ensin movese, ensin dicir nada, sola y abandonada,  trenta años de la so vida nos que tuvo, ensin querelo ella, metida nun manicomiu. Nesti tiempu callada y esperando, ye nel que se centra la novela.  



L'asesín tímiduEl asesino tímido (L'asesinu tímidu). Clara Usón. Seix Barral, 2018. 231 p.

Novela ambientada na España de la Transición, cuenta un episodiu oscuru de la muerte de Sandra Mozarosvski, actriz del cine del destape, que paez ser que se suicidó. Fía d'un diplomáticu rusu, el so casu nun llegó a esclariase nunca.






La historia del h.eavy metalLa historia del heavy metal (La historia del heavy metal). Andrew O'Neil. Blackie Books, 2018. 343 p.

L'humorista, músicu y metaleru británicu Andrew O'Neill detalla cómo evolucionó en tou esti tiempu esti xéneru musical, dende'l proto-metal, el death metal, el black metal, etc., hasta les corrientes más nueves, analizando fondamente les bandes, les influencies y l'anecdotariu.



Les ocho montañesLas ocho montañas (Les ocho montañes). Paolo Cognetti. Penguin Random House, 2018. 239 p.

Pietro ye un mozu de ciudá que va tolos veranos pa los Alpes italianos. Bruno ye fíu d'un albañil de la zona, que sólo conoz esos montes. Los dos tienen once años y un mundu enteru que los separa; pero, dempués de vese tolos veranos, traben muncha amistá, hasta que los sos caminos se separen.


El mio pecáuMi pecado (El mio pecáu). Javier Moro. Espasa, 2018. 382 p. 

Esta novela recrea la historia de l'actriz española Conchita Montenegro, qu'en 1930, como yera mui guapa, llista y testerona, fízose un sitiu en Hollywood. Foi amante del actor Leslie Howard, y unos años dempués, los dos volvieron a atopase en Madrid, la so historia d'amor tuvo un final inesperáu.

Muyeres que fuxenMujeres errantes (Muyeres que fuxen). Pilar Sánchez Vicente. Roca, 2018. 365 p.

Les protagonistes d'esta novela son tres muyeres xuníes per un filu común, la fuxida p'alantre, siempre ensin frenu, ensin rumbu y ensin mieu; son:  una escritora autodestructiva, una pescadera ambulante y una emigrante ensin escrúpulos.  



Palestina na mesaPalestina en la mesa. Recuerdos de la cocina de mi madre. Joudie Kalla. Blume, 2017. 240 p.

La comida palestina nun ta sólo nes cais, nes manes de los vendedores de ka'ak y los puestos de polu con  za'atar y mana'eesh, sinón tamién nes cocines de les sos cases, igual que se vien faciendo a lo llargo les xeneraciones. Esti llibru cala a les persones que lu lleen, coles sos recetes, na historia y la cultura de Palestina.


Pa morrer igualesPara morir iguales (Pa morrer iguales). Rafael Reig. Tusquets, 2018. 250 p.

El destín de Pedrito Ochoa, criáu nun hospiciu, cambia cuando vivir col güelu y la güela y estudia'l bachilleratu colos fíos y coles fíes de les families importantes del final del franquismu. Dempués decide estudiar derechu y facese ricu, y va tener la suerte a favor, pero va arriesgalo too por conocer el so pasáu.




Pedro Menéndez d'AvilésPedro Menéndez de Avilés (Pedro Menéndez d'Avilés). Antonio Fernández Toraño. Edaf, 2018. 485 p.

Biografía de Pedro Menéndez d'Avilés, na que tamién se ve l'estáu de guerra casi permanente na que vivíen los primeros españoles asentaos nes costes de La Florida y la historia d'esti territoriu, hasta que pasó pa Gran Bretaña en 1763. 


 

Ensin un adiósSin un adiós (Ensin un adiós). Harlan Coben. RBA, 2018. 517 p.

Cuando la supermodelo Laura Ayars y David Baskin, la estrella de los Boston Celtics, se dan el sí quiero, lléga-yos la traxedia. Na so lluna de miel na Gran Barrera de Coral australiana, David sal a nadar y yá nun vuelve. A Laura sólo-y queden el dolor de la perda y y el nun saber nada del home.


Sobre la educaciónSobre la educación. La necesidad de la literatura y la vigencia de la filosofía (Sobre la educación. La necesidá de la lliteratura y la filosofía anguaño). Emilio Lledó. Taurus, 2018. 260 p.

El filósofu Emilio Lledó punxo la educación nel centru de la so filosofía. Defenso d'una educación pública, con una organización moderna y interdisciplinaria de los conocimientos, reflexona sobre la encesidá de cuidar el llinguax, los peligros d'enfotase na teunoloxía, (na escuela y na universidá) y la desaición pocu a pocu de les Humanidaes.

Suaño con dormirSueño con dormir (Suaño con dormir). José Haba-Rubio y Rapheël Heinzer. La Esfera de los Libros, 2018. 334 p.

Los autores, médicos especializados en el sueño, explican, con un lenguaje muy accesible y apoyándose en casos clínicos reales y en los últimos descubrimientos científicos, el funcionamiento del sueño, su evolución a lo largo de los años y los diferentes trastornos relacionados con él.



Una novela criminalUna novela criminal. Jorge Volpi. Alfaguara, 2018. 493 p.

Sofitada nun fechu real. El 8 d'avientu de 2005, en Ciudad de México, garren presos a Israel Vallarta y Florence Cassez y acúsenlos de secuestru y de tar nuna banda criminal. Munchos díes, van sufrir tortures  y van nega-yos los sos derechos, pero cuando los abogaos defensores se dan cuenta de la inconsistencia de les acusaciones entama la llucha  p'asoleyar ún de los mayores montaxes policiales de la historia de México.


HerbariumHerbarium. Caz Hildebrand. Librooks, 2017. 223 p.

« Esti ye un llibru de yerbes. Nél hai yerbes dulces, como l'albahaca, l'anxélica o'l pándanu; y ácides como l'acedera, la bergamota silvestre o'l sasafrás.Hailes tamién mentolaes, acebollaes y amargues...yerbes pa comer y yerbes que nun se comen enxamás; dalgunes d'elles cúrennos, pero otres- unes poques- podríen matanos."»


Baillar nel cantu l'abismuBailar al borde del abismo (Baillar nel cantu l'abismu). Grégoire Delacourt. Maeva, 2018. 252 p.

Enma, cuarenta años, muyer y madre, cree que ye feliz; hasta qu'un día la so mirada crúzase cola d'un desconocíu y la so vida yá nun vuelve a ser la mesma. La protagonista abandona a la so familia p'asomase al cantu l'abismu, dende'l que se ve lo feble que son los sos suaños, la complacencia falsa d'una vida tranquila y l'alloriar por haber escoyío un camín nuevu.


Con permisu de KafkaCon permiso de Kafka. El proceso independentista en Cataluña. (Con permisu de Kafka. El procesu independentista en Cataluña). Jordi Canal. Península, 2018. 398 p.

Jordi Canal analiza, cola seriedá d'historiador, el raigañu del procesu hacia la independencia qu'entamó en Cataluña en 2012. El so planteamientu ye que nun ye sólo un problema ente Cataluña y España, sinón un enfrentamientu ente'l pueblu catalán y los modelos d'articulación de Cataluña nel mundu.

L'orden del díaEl orden del día (L'orden del día). Éric Vuillard. Tusquets, 2018. 141 p. Premiu Goncourt 2017.

En febreru de 1933, nel Reichstag, hebo un aconceyamientu secretu, nel que los más importantes industriales alemanes donaron munchu dineru a Hitler pa sofitar al nuevu réxime. Esta obra acolumbra los mercadeos, los intereses comunes y les mentires que ficieron posible'l dominiu del nazismu n'Europa hasta la Segunda Guerra Mundial.


AntihéroesAntihéroes. Iria G. Parente, Selene M. Pascual. Nocturna, 2018. 520 p.

Yeray Ayala tien un secretu: tien poderes especiales. Cuando CIRCE la garra presa, descubre qu'hai munchos como ella, y qu'esa organización pretende convertilos a toos n'héroes. Pero, ¿quién quier ser un héroe pudiendo ser un antihéroe?



La sinfonía del tiempuLa sinfonía del tiempu (La sinfonía del tiempu). Álvaro Arbina. Ediciones B, 2018. 561 p.

Una familia poderosa de la industria vasca, una escritora moza qu'intenta descubrir porqué desapeció'l so home y un científicu dispuestu a descubrir la sinfonía atapecida a lo llargo la historia; toes estes vides son un entramáu de secretos que se vane spardiendo per Europa y con un raigañu enterráu na costa Cantábrica.



Xerusalén, la ciudá imposibleJerusalén, la ciudad imposible (Xerusalén, la ciudá imposible). Meir Margalit. Los Libros de la Catarata, 2018. 158 p.

Dividida per barreres étniques, relixoses, culturales y nacionales, ensin un mínimu denominador común, Xerusalén, lloñe de ser exemplu de bayura de cultures, convirtióse, nun llaboratoriu de separtación urbana. L'autor trata d'esclariar les condiciones nes que tovía anguaño la ocupación d'Israel en Xerusalén Oriental sigue bien afitada.

Los perros duros nun baillenLos perros duros no bailan (Los perros duros nun baillen). Arturo Pérez-Reverte. Alfaguara, 2018. 160 p.

Hai díes que nel Abrevaderu de Margot, onde se xunten los chuchos del barriu, nun se sabe nada de Teo nin de Boris el Guapu. Los sos colegas presienten que tres de la so desapaición hai  daqué escuro, siniestro, pero'l so amigu'l Negru, lluchador retiráu con cicatrices nel focicu y na memoria, sábelo; pa él ye cuestión d'instintu, d'esperiencia sobreviviendo nes situaciones más difíciles. Asina, va entamar un viaxe mui peligrosu al pasáu, pa buscar a los amigos.

La muyer roxaLa mujer del pelo rojo (La muyer roxa). Orhan Pamuk. Literatura Random House, 2018. 281 p.

En 1985, a les afueres d'Estambul, contraten a un maestru poceru y al so aprendiz mozu p'atopar agua nuna  llanura erma. Mientres escaven ensin conseguilo, ñaz ente ellos una rellación de pa y fíu, que va vese alterada cuendo'l rapaz s'enamore d'una muyer roxa mui misteriosa, un primer amor que va marcar el restu los sos díes.


Les fíes del capitánLas hijas del capitán (Les fíes del capitán). María Dueñas. Planeta, 2018. 620 p.

Nueva York, 1936. El Capitán una casa de comides pequeña, echa a andar nun de los centros de la ciudá onde vive la colonia española. La muerte accidental del so dueñu, Emilio Arenas, obliga a les fíes moces a garrar el negociu. Ablayaes  y apulmonaes pola necesidá urxente de sobrevivir, Victoria, Mona y Luz van abrise pasu pente rascacielos, compatriotes, torgues y amores, decidíes a convertir el suañu en realidá.

Arte, revancha y propagandaArte, revancha y propaganda. La instrumentalización franquista del patrimonio durante la Segunda Guerra Mundial (Arte, revancha y propaganda. La instrumentalización franquista del patrimoniu na Segunda Guerra Mundial). Arturo Colorado Castellary. Cátedra, 2018. 497 p.

L'autor d' Éxodo y exilio del arte. La odisea del Museo del Prado durante la Guerra Civil espubliza agora esta obra, sofitada casi sólamente nes fontes documentales direutes, afonda nun tema qu'entá ta mui poco investigáu: «la instrumentalización franquista del patrimoniu na Segunda Guerra Mundial, como una especie finca o cotu priváu, que gobierna como-y peta... como arma propagandística, como moneda de cambiu».


La revolución de la llunaLa revolución de la luna (La revolución de la lluna). Andrea Camilleri. Destino, 2018. 284 p.

El Palermo del sieglu XVIII, na dómina de la ocupación española, los sobornos y la illegalidá son los que gobiernen. Pero, en morriendo'l virrei, ye la viuda la qu'ocupa'l puestu, una muyer mui enfotada na xusticia social. En menos d'un mes, el tiempu que tarda la lluna en completar la so vuelta alredor del Zodiacu, ye quien a da-y una vuelta a la indignidá del gobiernu sicilianu, meyorando les condiciones de vida de la muyer y reformando los derechos de los trabayadores del campu. Rápido los sos detractores van acusala de complicidá col diañu.

Quiéreme siempreQuiéreme siempre (Quiéreme pa siempre). Nuria Gago. Planeta, 2018. 415 p. Premio Azorín de Novela 2018.

A Lu, que lleva dos años en París, ye la tercer vez que-y parten el corazón y decide volver pa Barcelona pa esclariar les sos idees. La madre busca trabayu de cuidadora y cuando la va buscar al aeropuertu, llévala direutamente pa casa Marina: ochenta y seis años, viuda y pendiente de la so hermana María, mala d'alzhéimer. Lo qu'entama siendo una convivencia forzosa conviértese pa les dos nun oasis pequeñu nel que van recuperar l'allegría y el control de les sos vides. 
 
 

19681968. El nacimiento de un mundo nuevo (El ñacimientu d'un mundu nuevu). Ramón González Férriz. Debate, 2018. 263 p. 

Más p'allá de la imaxen idílica y confusa que se tien de 1968, ésti foi un añu nel que los sistemes políticos de munchos países punxéronse en tela de xuiciu, sobre too, pola mocedá estudiante armao con una retórica  viva, una ideoloxía d'izquierdes y unes táutiques de protesta asemeyaes a les de les guerrilles.


OrdesaOrdesa. Manuel Vilas. Alfagura, 2018. 387 p.

Verdá y mentira mécense nesta novela que cuenta una historia que ye de verdá, enguedeyada, na que cualquier persona pue reconocese nella. Fala de tolo que nos fae seres a los que se pue ferir, de la necesidá de siguir p'alantre cuando paez imposible, cuando casi tolo que nos xune a les demás persones despaeció o ta roto. Ye nesi intre, cuando l'amor y un poco distanciamientu, el que dexa pasar a la ironía, pueden salvanos.


ZoopolisZoópolis, una revolución animalista. Sue Donaldson, Will Kymlicka. Errata Naturae, 2018. 548 p.

El movimientu en defensa de los animales cada vegada ye mayor, pero la esplotación animal tamién ye mui grande y sigue creciendo nel planeta. Los autores van más p'allá de la teoría tradicional de los derechos de los animales, y dende la igualdá moral pa tolos seres sintientes, panteen un modelu nuevu integral de les rellaciones ente seres humanos y animales.



La cárcel más grande de la tierraLa cárcel más grande de la tierra. Ilan Pappé. Capitán Swing, 2018. 327 p.

Espublizáu orixinalmente nel 50 aniversariu de la Guerra  de los Seis Díes, que terminó cola ocupación israelí de Gaza y Cisjordania, Pappé, usando amterial d'archivu descalsificáu hai poco, ofrez un retratu incisivu de la vida normal de tolos díes nos territorios ocupaos, lo qu'él noma «la mayor cárcel del mundu a cielu abiertu».



País pequeñuPequeño país (País pequeñu). Gaël Faye. Salamandra, 2018. 219 p. 

El fíu d'una ruandesa tutsi y un francés que vive en Burundi, Gaby tien diez años y pasa tol día colos collacios na cai en Buyumbura, robando mangos nos xardinos del barriu, fumando a escondíes o bañándose nel ríu al atapecer. Un paraísu que dexa de selo cola guerra, obligando a Gabriel y a la so hermana pa marchar pa Francia. dos décades dempués, aquel neñu que pasó a ser home, vuelve pal so país pequeñu y fai alcordanza de los tiempos felices. 

Con vivir yá ye abondoBasta con vivir (Con vivir yá ye abondo). Carmen Amoraga. Destino, 2017. 319 p.

Pepa ye una muyer un poco mayor que pasó munchu tiempu de la vida cuidando de la madre, y cuando quier volver a vivir, siente que yá pasó más tiempu de la cuenta. Per otru llau Corina ye una moza rumana que llegó a España engañada por una rede de trata de blanques, qu'agora quier vender al neñu que ta esperando ella. Cuando Pepa s'entera d'esa historia, decide ayudala.

 

El diariu de la dama MurasakiEl diario de la dama Murasaki (El diariu de la dama Murasaki). Murasaki Shikibu. Satori, 2017. 215 p.

El diariu personal de Murasaki Shikibu, autora de La historia de Genji, considerada obra cimera de les lletres xaponeses, ye un retratu íntimu de la so vida como tutora y dama de compañía de la emperatriz moza Shoshi. Les sos páxines enseñen dellos momentos de la vida palaciega y de les rivalidaes nete les cosortes del emperador, amás de crítiques agudes pa les dames del séquitu imperial y pa los cortesanos de vida allegre.

El llau escuru del adiósEl lado oscuro del adiós (El llau escuru del adiós). Michael Connelly. Alianza de Novelas, 2017. 390 p.

Un multimillonariu mui amargáu contrata a Harry Bosch, investigador priváu en California porque, cuando yá ta llegando al final de la so vida, siéntese atormentáu por un remordimientu: siendo mozu tuvo una rellación con una rapaza mexicana, qu'al poco de quedar preñada desapaeció. Pero dase cuenta rápido de qu'esta misión pue ser mui arriesgada.

 

En defensa d'EspañaEn defensa de España: desmontando mitos y leyendas negras (Defendiendo España: esboroñando mitos y lleendes negres). Stanley G. Payne. Espasa, 2017. 311 p.

Premiu Espasa 2017. Davezu la histora d'España describióse dende conceutos mui abegosos: Reconquista, Inquisición, monarquía paneuropea, lleenda negra, democracia de consensu pionera... Delles d'estes descripciones son tópicos falsos, pero la mayor parte refiérense a procesos históricos mui complicaos. Esti llibru esplica, con un desarrollu cronolóxicu, la evolución del país y, con ella, los mitos, estereotipos y lleendes que se van llevantando según pasa'l tiempu.

Escrito nel xardínEscrito en el jardín (Escrito nel xardín). Xuan Bello. Xordina, 2017. 153 p.

Ensame de poemes y testos en prosa , espublizaos dalgunos d'ellos nel periódicu El Comercio. Según lo que diz l'escritor José Luis García Martín, "al llector común...sóbra-y con entamar a lleer el primer capítulu d'Escrito en el jardín, Una gata llamada Prúa, pa quedar engancháu. Xuan Bello sabe contar, sabe encantar; fale de lo que fale, convierte al llector nun neñu embelesáu que nun quier perder nenguna de les sos pallabres". 


La fía l'alfareruLa hija del alfarero(La fía l'alfareru). José Luis Perales. Plaza & Janés, 2017. 281 p.

Brígida y Justino viven en El Espejuelo, un pueblu de La Mancha, xunto colos dos fíos adolescentes: Carlos y Francisca. Mientres tantu, Carlos deprende l'oficiu d'alfareru, queý lu deprende'l padre, Francisca rebélase y marcha de la ciudá, onde atopa un trabayu nun hotel del puertu. Pero les coses nun salen como ella pensare, cuando'l dueñu del negociu, un home casáu y con fíos, repara nella.

Les maldicionesLas maldiciones (Les maldiciones). Claudia Piñeiro. Alfaguara, 2017. 317 p.

La escritora arxentina ambienta la so última novela nesi mundu revueltu de la política de Buenos Aires. Cuenta la tensión ente la necesidá de trabayu d'un rapaz de provincies, Ramón Sabaté, que llega a la política casi por casualidá, y les intenciones atapecíes del políticu que lu escoyó como secretariu priváu.
 

Media vida: poemes y cantaresMedia vida: poemas y cantares (Media vida: poemes y cantares). Pablo Texón. Saltadera, 2017. 197 p.

Esta obra recueye tola producción poética del autor, non sólo les obres que s'editaron, sinón tamién creaciones qu'entá nun se publicaren, traducciones de Raymond Carver, un estudiu de la obra de Wittgenstein y lletres de canciones qu'escribió pa munchos artistes del panorama musical asturianu, como Dixebra o Alfredo González.


Reinventar cajas, envases y embalajesReinventar cajas, envases y embalajes (Volver a inventar caxes, envases y embalaxes). Isabelle Bruno y Christine Baillet.   Elfos, 2017. 189 p.

Esti llibru propón ver los envases usaos con otros güeyos; les revistes, caxes de madera, lates de bebides, cartones, botelles, botes, tarros, lates de conserva..., dempués d'usase pueden camudase pa que puedan cumplir una función mui diferente a la orixinal, cola que tamién se pue dar un aire nuevu a la casa.



¿De quién te escondes?¿De quién te escondes?(¿De quién t'escuendes?). Charlotte Link. Grijalbo, 2017. 537 p.

¿De quién t'escuendes?, esa ye la entruga qu'a lo cabero tien que facer a Nathalie. Dos díes enantes atopóse con esta moza na playa; taba demacrada y asustada, y él ofrecióse-y a echa-y un gabitu. Una decisión impulsiva que se volvió escontra d'él, porque dende esi momentu yá se vieron metíos nuna espiral creciente de violencia y muerte.


Les lancesLas lanzas (Les lances). Fernando Martínez Laínez. Ediciones B, 2017. 604 p.

Ye la primer novela de la serie La Senda de los Tercios, na que l'autor narra la historia de los Tercios de Flandes. L'autor cuenta les hazañes d'estos tercios llexendarios en campañes tan importantes, na historia militar española, como les d'Ostende, Frisia o Breda. Nesti casu los protagonistes son el soldáu Alonso de Montenegro y el xeneral Ambrosio Spínola.

 

El café de los pequeños milagrosEl café de los pequeños milagros(El café de los milagros pequeños). Nicolas Barreau. Suma de Letras, 2017. 347 p.

Nelly tien 25 años y vive en París; présta-y la vida tranquila, adora los llibros antiguos, desconfía de los homes guapos y ta enamorada en secreto del so profesor de filosofía. Nun ye una persona que nuna mañana fría de xineru, garre tolo que tiena forrao y marche nun tren pa Venecia. Pero, delles veces, les coses pasen ensin pensales.


Penriba la lluviaPor encima de la lluvia (Penriba la lluvia). Víctor del Árbol. Destino, 2017. 509 p.

Miguel y Helena conócense nun asilu en Tarifa, y cree que yá lo vivieron too. El suicidiu dramáticu d'un compañeru ábre-yos los güeyos: nun quieren pasar los últimos díes echando de menos meyores tiempos, y xuntos deciden facer el viaxe de les sos vides. Mientras tanto, na ciudá sueca de Mälmo, la moza Yasmina, vive un romance secretu con un subcomisariu de policía, un paisanu mayor y importante. Estos tres personaxes dibuxen una historia sobre'l sentidu del amor. 

La perspeutiva n'urbanLa perspectiva en urban sketching. Trucos y técnicas para dibujantes (La perspeutiva n'urban sketching. Trucos y téuniques pa dibuxantes). Bruno Mollière. Gustavo Gili, 2017. 89 p.

Manual práuticu dedicáu a dibuxa in situ perspeutives téunicamente perfeutes. ensin esquemes enguedeyaos, nes sos páxines hai una riestra trucos y conseyos p'atopa la llinia d'horizonte y les artistes qu'estructuren los dibuxos, definir los puntos de fuga, midir les inclinaciones o facer trazos ordenaos.


El club de los mentirososEl club de los mentirosos (El club de los mentirosos). Mary Carr. Periférica, 2017. 517 p.

Novela autobiográfica, onde l'autora cuenta d'una manera traxicómica cómo vivía de pequeña nun pueblu petroleru del este de Texas, con unos personaxes bien prestosos y diferentes: un padre que bebía, una hermana que con doce años enfréntase a un sheriff y una madre con munchos matrimonios al llombu y con unos secretos qu'amenacen con destruyilos a toos.


 

El ferrocarril subterráneoEl ferrocarril subterráneo (El tren soterrañu). Colson Whitehead. Literatura Random House, 2017. 316 p. Premiu Pulitzer 2017

Cora ye una rapaza, esclava nuna plantación d'algodón en Georgia. Abandonada pola madre, vive sometida a la crueldá de los amos. César, un mozu de Virxinia, fála-y del tren soterrañu, los dos deciden escapase d'una manera mui arriesgada pa conseguir la llibertá. Brutalmente realista, el llibru ye una historia sobre les ilusiones acuartaes y la fuerza que xurde de querer cambiar el propiu destinu.


Esclavos del tiempoEsclavos del tiempo. Vidas aceleradas en la era del capitalismo digital (Esclavos del tiempu. Vides aceleraes nel tiempu'l capitalismu dixital). Judy Wajcman. Paidós, 2017. 302 p.

La imaxen d'una persona perconectada y adicta al so teléfonu móvil ye una cosa normal. La mayoría de les persones tienen la sensación de que la vida pasa rapidísimo y de que nun hai hores abondo nel día  facer tolo que se quier. Pero, ¿ye verdá que la vida va más rápido agora qu'enantes? L'autora dúdalo y intenta solucionar esta entruga y otres. 

El sobornoEl soborno (El sobornu). John Grisham. Plaza & Janés, 2017. 428 p.

Lacy Stoltz ye una investigadora moza y abogada de Florida que tendrá d'enfrentase a un casu importante de corrupción: Grag Myers, diz que sabe quien ye la xueza que participó na construcción d'un casinu, pagáu pola mafia, en tierres natioves americanes, y que tolos meses recibe una parte de les ganancies de la recaudación.

Guía para madres y padres imperfectos...Guía para madres y padres imperfectos que entienden que sus hijos también lo son (Guía pa madres y padres imperfeutos qu'entiende que los sos fíos tamién lo son). Tania García. Lectio, 2017. 199 p.

Esta obra plantea cómo hai d'ayudar a neños y neñes a ser persones responsables y que se rellacionen bien, que sepan dialogar, ensin gritos,  discusiones y amenaces. Si l'oxetivu ye que seyan felices, hai d'educar nel respetu, nes bones rellaciones y col amor incondicional, ensin perder de vista un fechu: si nengún padre o nenguna madre son perfeutos nin perfeutes, los fíos y les fíes tampoco.



La mirada los pexesLa mirada de los peces (la mirada los pexes). Sergio del Molino. Random House, 2017. 210 p.

En 2016, a Sergio del Molino nun-y paeció raro que'l so profesor de filosofía, l'activista Antonio Aramayona-y dixere que diba suicidase. La mirada de los peces entama siendo un llibru sobre esti maestru carismáticu, defensor de la educación pública, el llaicismu y el derechu a una muerte digna, pa convertise nun diálogu col pasáu del propiu autor, faciendo alcordanza d'una mocedá violenta nun barriu probe de Zaragoza.

PecadoPecado (Pecáu). Benjamin Black. RBA, 2017. 296 p. XI Premiu RBA de Novela Policiaca

Iviernu de 1957, na casona de Ballyglass House apuñalaron y castraron al reverendu Lawless pela nueche. Un inspector abondo mozu, Strafford, investiga'l crimen, pero rápido va descubrir qu'hai poca xente que quiera que se sepa la verdá.

 

Paraísos pequeños: l'espíritu de los xardinosPequeños paraísos. El espíritu de los jardines (Paraísos pequeños. L'espíritu de los xardinos). Mario Satz. Acantilado, 2017. 171 p.

A lo llargo los sieglos, en toles cultures, lo seres humanos crearon, con paciencia y delles veces con munchu esfuerzu, monumentos vexetales pa trayer a la memoria sitios míticos y ideales, onde siempre ye primavera. Mario Satz afonda na fechura d'estes obres d'arte, qu'entá hoi, nos llamen l'atención y nos dexen plasmaos y plasmaes. 


Quédate esti día y esta nueche conmigoQuédate este día y esta noche conmigo (Quédate esti día y esta nueche conmigo). Belén Gopegui. Literatura Random House, 2017. 184 p.

Mateo y Olga tienen una amistá bien especial: ella cumplió algo más de 60 años y ta a puntu retirase, él pasa un poquitín de los 20 y nagua por trabayar nuna de les mayores compañíes del mundu: Google. P'algamalo deciden presentar xuntos una solicitú de trabayu un poco rara pa poder colapsar la base de datos; como dicen ellos mesmos, "entrar nos suaños de Google". 

 

El color del silenciuEl color del silencio (El color del silenciu). Elia Barcel. Roca, 2017. 477 p. 

Helena Guerrero ye una artista mui nomada internacionalmente, conocida poles solombres qu'invaden los sos cuadros, n'apariencia reflexu d'un misteriu del so pasáu. Dempués de munchos años viviendo n'Australia, vuelve pa Madrid, y ellí atópase con unes caxes onde la madre, enantes de morrer, dexó retratos y documentos que podríen esplicar l'asesinatu de la so hermana Alicia en 1969, en Rabat.


El dios del nuestru siegluEl dios de nuestro siglo (El dios del nuestru sieglu). Lorenzo Luengo.  Seix Barral, 2017. 446 p.

Daniella, ye una detective moza, qu'investiga la desapaición de tres neños nuna ciudá estadounidense, onde les families de clase alta viven dándo la espalda a tolos fregaos qu'hai nos barrios. Lo qu'empieza como un casu más, va ser pa ella un procesu interior, que tresforma la so visión del mundu y d'ella mesma.

El maxín de los páxarosEl ingenio de los pájaros (El maxín de los páxaros). Jennifer Ackerman. Planeta, 2017. 413 p.

L'autora esplora'l maxín de los páxaros: les sos aptitúes mentales y l'arte que tienen. Mientres viaxa alredor del mundu, afonda nos últimos descubrimientos qu'haio del cerebru los páxaros, y cómo éstos van cambiando la idea de lo que ye ser intelixente.



A cielu abiertuA cielo abierto (A cielu abiertu). Antonio Iturbe. Seix Barral, 2017. 622 p.

Francia, años venti, sólo los meyores pilotos entren en Latécoère. Ente los escoyíos tán Jean Mermoz, Henri Guillaumet y Antoine de Saint-Exupéry, tres aviadores heroicos qu'abrirán les primeres llinies de repartu de corréu per sitios ensin esplorar. A cielo abierto cuenta les proeces de tres grandes amigos que marcaron la historia l'aviación, y, ye, amás, un homenaxe al autor d'El Principín.

Aporofobia

Aporofobia, el rechazo el pobre (Aporofobia, refugar a los probes). Adela Cortina. Paidós, 2017. 196 p. 

Los probes son los que producen más fobies, lo mesmo que seyan  persones emigrantes o refuxaes, más que foriates o de races diferentes. en cambiu, esta realidá social, nun tien nome n'español. Adela Cortina inventa una palabra, aporofobia, y propón caminos pa reblagar esto, como son la educación, la democracia n'igualdá y  puxar por una acoyida bona y pa tol mundu.

Baxo l'árbol los torayaBajo el árbol de los toraya (Baxo l'árbol los toraya). Philippe Claudel. Salamandra, 2017. 172 p.

La tribu indonesia de los toraya, ye conocía polos sos ritos fuenerarios; cunado muere un neñu o una neña de rollu, el so cuerpu ponse dientro d'un troncu d'un árbol centenariu pa que,  comiendo d'él, l'árbol pueda dir medrando y llevando a la reciella pal cielu. El narrador d'esta historia, un cineasta afectáu fondamente pola muerte del so meyor amigu, descubre nos árboles de los toraya la síntesis del misteriu de la vida y la muerte. 
  Canción dulce

Canción dulce (Canción dulce). Leila Slimani. Cabaret Voltaire, 2017. 277 p. 

Premiu Goncourt 2016. Myriam, madre de dos neños, decide volver a trabayar. Depués d'escoyer muncho a la niñera, decídese por Louise, que va conquistar mui rápido a los neños, pasando a ser imprescindible en casa. Pero poquiñin a poco la trampa de la interdependencia va convertise nun drama.

El Guernica recuperáuEl Guernica recobrado (El Guernica recuperáu). Genoveva Tusell. Cátedra, 2017. 380 p.

Hai pocos cuadros na historia la pintura que presten tanto como'l Guernica. Dempués de tar munchu tiempu nel Muséu d'Arte Modernu de Nueva York, llegó a España en 1981, marcando'l final de la transición política y cultural tres los años de la dictadura. Muncha de la documentación que s'usó pa facer  esti llibru ye nueva.

El valor del rei

El valor del rei. Xulio Arbesú. Trabe, 2017. 225 p. Premiu de Novela Xosefa Xovellanos 2016. 

Novela histórica que cuenta lo que pasó dende que amtaren al rei Fruela , hasta que s'afitó Aurelio al frente'l Reinu d'Asturies, que nos primeros tiempos del so reináu tuvo qu'enfrentase a los enemigos que tenía na so propia corte, en Cangues d'Onís.

La nueche na que nun paró de lloverLa noche que no paró de llover (La nueche na que nun paró de llover). Laura Castañón. Destino, 2017. 510 p.

Valeria Santaclara necesita muncha fuerza p'abrir un sobre que tien dende hai munchos años, nel que per fuera daquién escribió "el perdón". Pa ello va a la consulta d'una sicóloga Laia Vallverdú, que la va ayudar a poner les pieces del rompecabeces de la so esistencia, dende  que yera neña y d'una bona familia nel Xixón burgués de finales de los años 20  hasta esi sentimientu fondu de culpa col que vive.

La vida n'aldeaLa vida en el campo(La vida n'aldea). Julia Rothman. Errata Naturae, 2017. 219 p. 

L'autora, una de les más conocíes ilustradores nortemaericanes, creo una guía visual mui guapa sobre la vida n'aldea, con una riestra coses curioses, anécdotes y hasta recetes pa disfrutar de la sabencia y les coses bones de la vida d'aldea. Esto ye pa les persones que quieran marchar de la ciudá y a les que-yos preste llevase un cachín de prau pa casa.

Impáctu totalMáximo impacto (Impactu total). David Baldacci. Ediciones B, 2017. 426 p.

Un casu nuevu de Will Robie, l'home eficiente y implacable al que recurre'l gobiernu de los Estaos Xuníos pa eliminar a los peores enemigos del Estáu. Ensin embargo, hai daquién que ye quien a igualar los sos talentos: la so collacia Jessica Reel, una asesina tan profesional y brutal como él. Nesti casu la so misión ye la de garrala viva o muerta.

Tierra de Campos. David Trueba. Anagrama, 2017. 404 p. Tierra de Campos

Un cantante famosu, Dani Mosca, tien que cumplir la última voluntá del padre: que lu enterraren nel pueblu, na comarca castellanolleonesa de Tierra de Campos. Nesti viaxe, que fai nun coche fúnebre conducíu por un conductor especial, Jairo, el protagonista va facer alcordanza de dalgunos de los momentos que marcaron el so pasu de la mocedá a la madurez.

China la edá de l'ambiciónChina, la edad de la ambición (China, la edá de l'ambición). Evan Osnos. El Hombre del Tres, 2017. 523 p.

El periodista Evan Osnos esplica la realidá del xigante asiáticu, nel momentu más importante de la so historia. Según l'autor, la carrera desenfrenada por amasar perres afecta a toles estayes de la sociedá china y amenaza con frayar la estabilidá social, que foi la clave del so ésitu.

Vicisitudes (Coses que pasen). Luis Mateo Díez.Coses que pasen Alfaguara, 2017. 558 p.

Una boda en Solba plantea un enigma: la desapaición a cachos del noviu;  Corsino y Beruelo, enemigos nel colexu, siguen odiándose trenta años dempués; un home casa cola hermana la muyer a la que quier pa nun perdela...Caúna de les histories d'esti enguedeyu, que formen la novela, ye una clave pa desenguedeyar la esencia verdadera de la condición humana.

Ataulfo Argenta. Música de siguíoAtaúlfo Argenta. Música interrumpida (Ataúlfo Argenta. Música de siguío). Ana Arambarri. Galaxia Gutenberg, 2017. 544 p.

La vida del direutor d'orquesta Ataúlfo Argenta exemplifica, nes primeres décades del  sieglu XX, les dificultaes de desarrollar una carrera musical n'España. De personalidá independiente, comprometíu culturalmente cola República, el réxime franquista mirábalu de regüeyu, pero en morriendo, taba a puntu firmar el contratu que lu convertiría nel direutor d'orquesta meyor pagáu del mundu. 

Derecho Natural (Derechu Natural). Ignacio Martínez de Pisón. Seix Barral, 2017. 445 p.  Derechu Natural

Nuna España en plenu procesu d'apertura tres de la Transición, el protagonista, Ángel, nun intentu por poner orden na so vida, cuenta la so propia historia nuna familia inestable y desordenda: una madre que se debate ente'l modelu vieyu y el nuevu de feminidá, y un padre actor, tarambaina y  ensin xacíu nengún. L'asesín desconsoláu

El asesino desconsolado (L'asesín desconsoláu). José María Guelbenzu. Destino, 2017. 323 p.

Julia, la meyor amiga de la xueza Mariana de Marco, acaba de mudase a un apartamentu nún de los barrios más ricos y  guapos de la ciudá. Mariana va vela de sorpresa y  la visita  termínase de repente: delantre la puerta apaez un muertu, un home al qu'apuñalaron.

En un bosque muy oscuro ( Nuna viesca bien escura). Ruth Ware. RBA, 2017. Nuna viesca bien escura

Nora nun  viere a Clare dende había diez años, un día que saliere del institutu pa nun volver enxamás. De sópitu, convídala a la so despedida de soltera, un fin  de selmana nun casa no fondero la viesca. ¿Sedrá ésta la oportunidá pa recuperar la rellación cola so meyor amiga?

El desfaimientu de la ciudáLa destrucción de la ciudad (El desfaimientu de la ciudá). Juanma Agulles. Catarata, 2017. 126 p.

¿Podemos siguir llamando ciudaes a lo que se construyó los dos últimos sieglos? Hai abondes megalópolis anguaño, lo mesmo que les infraestructures urbanes de tresporte o telecomunicaciones, campos de refuxaos, poblaos de chaboles y otros asentamientos precarios que tán faciendo desapaecer la ciudá como elementu históricu y forma de construyir l'espaciu social. Esti ensayu percuerre les diferentes formes qu'adoptó'l desfaimientu de la ciudá al traviés del industrialismu y los sos planes urbanísticos y arquiteutónicos.  

Un nido de víboras (Un ñeru víbores). Andrea Camilleri. Salamandra, 2017. 223 p. Un ñeru víbores

Ye la obra númberu venti cinco protagonizada pol comisariu Montalbano. El contable Barletta apaez muertu con signos claros de violencia. Pero lloñe del xestor tranquilu retiráu que paecía que yera, vemos rápido que Barletta ye'l personaxe de les mil cares, a cuála más sorprendente y inesperada.

El llibru nuevuEl Llibru nuevu. Xuan Bello. Saltadera, 2017. 124 p.

Xuan Bello dexó d'espublizar poemes hai venti años; pero siguió escribiendo poesíes. Agora n'El llibru nuevu, convierte esti xéneru nel mediu que lu dexa camentar na so propia esistencia, dende lo más personal hasta llegar a lo xeneracional y social, faciendo que reflexone sobre la vida.

El monarca de las sombras (El rei de les solombres). Javier Cercas. Literatura Random House, 2017. 281 p.El rei de les solombres

La novela narra la busca del rastru perdíu de Manuel Mena, qu'entró en 1936 nel exércitu de Franco; dos años dempués morríó lluchando na batalla del Ebro, y munchu tiempu foi l'héroe oficial de la so familia; yera tíu güelu de Javier Cercas. Una vuelta tuerca que nun s'esperaba a la pregunta sobre la herencia la guerra, que l'autor abrió con Soldados de Salamina.

El siglo de la revolución (El sieglu de la revolución). Josep Fontana. Crítica, 2017. 802 p. El sieglu de la revolución

Esta obra propón revisar la historia de los cien años que pasaron dende la Revolución Rusa de 1917. Según l'autor, la rocea por culpa la revolución desencadenó la paz social munchu tiempu nos años de dempués de la Segunda Guerra Mundial, pero en cayendo la Unión Soviética y cola crisis de los partíos comunistes, terminaron con esa rocea y les clases dominantes entamaron a reconquistar el poder.

Les ventanes del cieluLas ventanas del cielo (Les ventanes del cielu). Gonzalo Giner. Planeta, 2017 734 p.

Siglo XV, Hugo de Covarrubias decide renunciar al destín que'l padre, mercader de llana-y marcare, y marcha de Burgos. Embarcáu nun balleneru vascu, conoz a Azwerwan, un contador de lleendes ablucante, col que va compartir n'África un negociu mui prometedor de venta sal. Pero la venganza fadrá que fuxa otra vegada, esta vez pa dir buscar el so verderu destín: deprender l'arte les vidrieres.

Te echo de menos (Échote de menos). Harlan Coben. RBA, 2017 486 p. Échote de menos

Una amiga decide abri-y a la solitaria axente de policía  Kat Donovan una cuenta nuna web de cites. Lo que s'atopa ellí va remover peligrosamente'l so pasáu sentimental y llevarála a una investigación tremenda sobre una cadena de desapariciones siniestres.

Invadir BabelInvadir Babel. Natalia Menéndez. Torremozas, 2017. 62 p.

La escritora avilesina presenta la so quinta coleición de poemes, que tien como aniciu, según esplica la mesma autora, que ta ente'l pruyimientu polos conceutos que "la llingua española nun noma"; dalgunos d'ellos desenvuélvelos nestos poemes.

El juego de la luz (El xuegu de la lluz). Louise Penny. Salamandra, 2017. 446 p.El xuegu de la lluz

Clara Morrow lleva munchos años trabayando como pintora aficionada, d'una manera anónima, nun pueblín mui tranquilu nes afueres de Montreal. Pero, de sópitu, el Muséu d'Arte Contemporáneu de la capital decide facer una esposición de la so obra. Pal otru día de la inauguración, Lillian Dyson, una crítica d'arte mui nomada, apaez muerta nel xardín de Clara. Esti ye'l nuevu casu que va tener que resolver l'inspector Armand Gamache.  

L'arte de quedar soluEl arte de quedarse solo(L'arte de quedar solu). Diarios 2015-2016. José Luis García Martín. Renacimiento, 2017. 343 p.

Última entrega d'una riestra diarios, qu'entamare en 1989. Pretende amosar, dende un puntu de vista diferente, la vida llieraria, o la vida ensin más, de les últimes décades. Ye una novela na que conviven lo lleído, lo vivido y lo soñao. El xen una historia personal

El gen. Una historia personal (El xen Una historia personal). Siddhartha Mukherjee. Debate, 2017. 698 p.

Meciendo ciencia, historia y vivencies personales, l'autor, Premiu Pulitzer por L'emperador de tolos males, percuerre'l nacimientu, desarrollu y futuru d'una de les idees más poderoses de la historia la ciencia: el xen, unidá fundamental de la herencia y unidá básica de tola información biolóxica.

Xeografía humana y otros pomesGeografía humana y otros poemas (Xeografía humana y otros poemes). Gloria Fuertes. Nórdica, 2017. 93 p.

Con motivu del centenariu del nacimientu de la escritora, preséntase esta esbilla de cuarenta y ún poemes, espublizaos ente 1950 y 2005. La edición ye má bona pol prólogu que tien de Luis antonio de Villena, un epílogu de Pepe Hierro y les ilustraciones de Noemí Villamuza. Sobre too munchu karma

Ante todo mucho karma (Sobre too munchu karma). Laura Norton. Espasa, 2017. 398 p.

Sara, la protagonista de No culpes al karma de lo que te pasó por gilipollas, ta viviendo un cuentu de fades: un trabayu apasionante, l'home un apasionáu y el fíu maraviyosu, pero ¿ye feliz? Dende llueu nun tien motivos pa torturase, pero Sara va buscalos debaxo les piedres, y va atopalos.

La imparable marcha de los robotsLa imparable marcha de los robots. Andrés Ortega. Alianza, 2016. 283 p.

Esti llibru reflexona sobre cómo van dir evolucionando los robots nes dos décades que van venir y los sos efectos na nuestras sociedá, sobre too parándose nuna cuestión principal: la capacidá pa competir coles persones  nel trabayu, provocando la desapaición de millones d'empleos  nun futuru  cercanu, y cómo va ser esto pa la clase media, pa la recaudación d'impuestos o pa los servicios públicos.

Homo deus. Breve historia del mañana Homo deus, una historia curtia del mañana). Yuval Noah Harari. Debate 2016. 489 p. Homo deus

Nesta última obra Hariri, l'autor de Sapiens. De animales a dioses, conviértese nun filósofu del futuru. Esplora los proyeutos, suaños y pesadielles que, según l'autor, van dir moldeando'l sieglu XXI, y marcarán el futuru de la evolución, ente ellos la posibilidá de ganar a la muerte, en definitiva, la última traba del progresu.

La tierra que pisamos. Jesús Carrasco. Seix Barral, 2016. 270 p. La tierra que pisamos

Al entamu del sieglu XX, España ta xunida al mayor imperiu que se conociere n'Europa. En llegando la paz, les élites militares escueyen un pueblu pequeñu d'Extremadura como premiu pa los mandos qu'organizaron la invasión. Eva Holman, la muyer d'ún d'ellos, vive nel so idílicu retiru hasta que llega la visita inesperada d'un desconocíu, que va entamar por ocupar tola casa y que va terminar invadiendo tola so vida.

PalmiraPalmira: la ciudad reencontrada Palmira: la ciudá vuelta a atopar). Mario Agudo Villanueva. Confluencias, 2016. 176 p.

Esti llibru intenta redescubrir l'antigua ciudá siria de Palmira, con esa visión romántica de los primeros esploradores europeos que la visitaron, los que decidieron pasar pel desiertu pa disfrutar coles ruines d'una ciudá que tuvo fama, magar del so abandonu.

La noche de los alfileres (La nueche los alfileres). Santiago Roncagliolo. Alfaguara, 2015. 405 p. La nueche loa alfileres

Beto, Moco, Carlos y Manu compartiendo l'amistá y l'espertar de la sexualidá nun colexu xesuites de Lima, pero tamién, na so mocedá, cuando lluchaben por tapar la so debilidá delantre los compañeros y queríen escapar de les sos realidaes familiares. Too esto,  llevólos a decidir qu'usando'l poder con una furia tremenda, con tol mundu, sólo asina, diben poder dexar un testimoniu de la so esistencia.

Yeah:La historia del pop modernuYeah, yeah, yeah!: la historia del pop moderno (La historia del pop modernu). Bob Stanley: Turner, 2015. 745 p.

Según diz el so autor, con esta obra intenta "marcar una llinia dende'l nacimientu de los discos cenciellos de siete pulgaes, a finales de la década de 1940, hasta'l declive de la música pop como oxetu físicu y palpable, na década de 1990, pa que'l llector se faiga una idega del desarrollu históricu del xéneru".

Lady Midnight. Cazadores de sombras. Renacimiento (Cazadores de solombres. Rexurdimientu) .Cassandra Clare. Destino.2016. 685 p. Lady Mydnight.Cazadores de solombres. Rexurdimientu

Yá pasaron  cinco años dende'l final de Ciudad del Fuego Celestial. A los padres de la cazadora de solombres Emma Carstairs asesináronlos y dende aquella p'acá la so fía nun paró de buscar al culpable. Ella, xunto al so parabatai, Julian empiecen a investigar una trama tremenda que va dende Los Ánxeles hasta les playes de Santa Mónica.

Grandes idees pa espacios pequeñosGrandes ideas para espacios pequeños (Idees grandes pa sitios pequeños). Philippa Pearson. Libros Cúpula, 2016. 255 p.

Enanchar l'espaciu pa poder tener un xardinín pequeñu en casa ye l'envís d'esti llibru. Cuarenta proyeutos bien fáciles que se pueden llevar a cabu nun patiu pequeñín, nun balcón o nun escalón de la puerta d'entrada.

El Bosco: un oscuro presentimiento (El Bosco: un presentimientu escuru). Cees Nooteboom. Siruela, 2016. 75 p. El Bosco: un presentimientu escuru

Nel quintu centenariu de la muerte d'El Bosco, l'escritor y hispanista Cees Nooteboom, fainos un brinde pa repasar les pintures del xeniu neerlandés con alcordances de los últimos sesenta años de la so vida.

Guía completa pa cocinar con ingredientes veganoGuía completa para cocinar con ingredientes veganos (Guía completa pa cocinar con ingredientes veganos). Joni Marie Newman y Celine Steen. Blume, 2016. 256 p.

Esti llibru analiza los ingredientes más nuevos y los meyores que pueden usar les persones veganes, pa facer en casa comides vexetales con cualquier receta.

Cuentos. Fernando Pessoa. Páginas de Espuma, 2016. 448 p. Cuentos

La obra de Fernando Pessoa toca tolos xéneros, hasta incluso'l rellatu curtiu. Esta edición, que recueye tolos cuentos conocíos del autor, preparóla y tornóla'l poeta y narrador Manuel moya, ún de los mayores especialistes na so obra.

Yes como yesEres como eres (Yes como yes). Melania G. Mazzucco. Anagrama, 2016. 225 p.

Eva, una neña d'once años, concebida gracies a un vientre d'alquiler y fía d'una pareya d'homosexuales, ta acosada polos sos  compañeros de clase. Cansada d'ello decide dir con ún de los padres, Giose, en morriendo l'otru, Christian, un profesor d'universidá que yera'l que tenía la paternidá llegal de la rapaza.

El niño en la cima de la montaña (El neñu na picorota'l monte). John Boyne. Salamandra, 2016. 251 p. El neñu na picorota'l monte

París, 1935, la guerra que s'avecina trestoca'l destín de millones de persones. En morriendo enantes de tiempu el pá y la ma, Pierrot, que sólo tien siete años, tendrá de separase del so meyor amigu y colar de Francia pa dir vivir cola tía Beatrix, ama de llaves d'una casona de munchu ringu  rangu no alto'l monte: la casa enorme que Hitler tien nos Alpes de Baviera.

MargaMarga. Juan Ramón Jiménez. Fundación José Manuel Lara, 2015. 103 p.

Esta historia tan emotiva de Marga Gil Roësset y del so amor imposible por Juan Ramón Jiménez, quedó afitada nuna riestra testos, ente los que destaca'l so propiu diariu. El poeta guardólu xunto con otros papeles asociaos a la so vida y muerte, incluyíos varios borradores colos contenidos d'un llibru dedicáu a la so memoria que, dempués de tantos años, por fin s'asoleya.

La exhibición cinematográfica en España. Cincuenta años de cambios (L'amuesa cinematográfica n'España. cincuenta años de cambios). José Vicente García Santamaría. Cátedra, 2015. 380 p. L'amuesa cinematográfica n'España. Cincuenta años de cambios

España pasó de tener un grupu de cines fechos una llaceria, a tener dende mediaos de los años noventa, ún de los mayores ensames cinematográficos del continente. L'autor cuenta esti cambiu, amás d'esplicar los cambios económicos del sector, la dixitalización, etc.

WhendyWendy. Martha Asunción Alonso. Pre-Textos, 2015. 99 p.

Premiu de Poesía Moza de RNE 2015. Autora de poemarios como Skinny Cap, La soledad criolla o Detener la primavera, Martha Alonso yá tuvo otros premios col Premiu Adonáis o'l Premiu Nacional de Poesía Moza Miguel Hernández.

Avilés. Las huellas de Sefarad. Ensayo histórico (Avilés. Les güelgues de Sefarad. ensayu históricu). Román Antonio Álvarez González. Nieva, 2015. 199 p. Avilés. Les güelgues de Sefarad. Ensayu históricu

Sábese mui poco de que los xudíos tuvieren n'Avilés. Nun s'escribió casi nada d'ello, nin nos trabayos que se dedicaron a la historia la ciudá. Según diz el so autor, esti ensayu quier entamar un estudiu d'esta materia, pa qu'otros puedan siguir esi camín. Sábese mui poco de la presencia.

Esperanza Rodríguez Cerdán

Esperanza Rodríguez Cerdán: la voz rebelde de una maestra sufragista, republicana y miliciana de la cultura (Esperanza Rodríguez Cerdán: la voz rebelde d'una maestra sufraxista, republicana y miliciana de la cultura). Rebeca Fernández Alonso. Benilde, 2016. 477 p.

Biografía d'Esperanza Rodríguez Cerdán, maestra que ñaciere en Madrid, en 1892. Trabayó en Molleda, en Corvera, y en Miranda nos años 1914 y 1915. Escribió abondos artículos d'opinión y rellatos, nos qu'analiza la so profesión y da la so opinión a favor de los derechos de les muyeres, cuando'l feminismu español yera tovía daqué que taba entamando.
De nobel a novel 


De nobel a novel. Epistolario inédito de Vicente Aleixandre a Miguel Hernández y Josefina Manresa. Vicente Aleixandre. Espasa, 2015. 643 p. 

Recueye más de 300 cartes que'l poeta sevillanu y Premiu Nobel, Vicente Aleixandre, escribió durante más de 50 años a Miguel Hernández y dempués a la so viuda, Josefina Manresa y al so fíu Manuel. Estes cartes dexen claro l'amistá íntima qu'había ente los dos y l'almiración qu'esti autor tan nomáu tenía pol calidá llírica d'esti poeta mozu d'Orihuela.  

QuerenciesQuerencias. Antología de cuentos costumbristas (Querencies. Antoloxía de cuentos costumistes). Modus Operandi, 2015. 243 p.

Tradiciones y costumes entemécense nesta riestra cuentos, que van de los más puros del costumismu hasta'l surrealismupícaru, carauterizándose polo cenciellos que son y pola maxa de les coses que pasen tolos díes. Toos tienen una intención común: enseñar les querencies de los autores.

Rosas de plomo. Amistad y muerte de Federico y José Antonio (Roses de plomu. Amistá y muerte de Fede´rico y Jose Antonio). Jesús Cotta. Stella Maris, 2015. 399 p. Roses de plomu

Premiu Stella Maris de Biografía Histórica. Cuenta l'amistá qu'hai ente'l fundador de la Falanxe Española, Jose Antonio Primo de Rivera y el poeta Federico García Lorca, a los que l'autor describe como  «dos seres llibres, clarividentes, raros y inclasificables, dos patriotes revolucionarios y cristianos, tan amigos de la tradición como del progresu, tan antimarxistes como defensores de los probes, dos personalidaes asemeyaes y, a lo cabero les sos vides, amigues».

Penriba del mio cadabrePor encima de mi cadáver. Un viajero sin paciencia por Siria, Líbano y la Turquía kurda (Penriba del mio cadabre. Un viaxeru ensin paciencia per Siria, Líbano y la Turquía kurda). Mario Cuesta Hernando. Ediciones del viento, 2015. 313 p.

Con munchu sentidu del humor y capacidá d'observar, l'escritor y periodista Mario Cuesta,  presenta un diariu de viaxe per Oriente Prósimu nel que s'entemecen histories curioses, como'l seguidor d'Hezbolá que xugaba a acusalu de ser un espía d'Israel, y histories mui humanes, como la d'un amigu kurdu, qu'intenta fuxir de Siria tou desesperáu pa evitar la so entrada nel exércitu.

 La niña perdida (La neña perdida). Elena Ferrante. Lumen, 2015. 538 p. La neña perdida

Cuarta y última novela de la tetraloxía que cuenta les vides de dos neñes que son amigues, ñacíes nun barriu probe de Nápoles a mediaos del sieglu pasáu. Nes cuatro noveles la que lo cuenta too ye Lenú, una de les neñes, contándolo dende anguaño, lo que supón , entós, una güeyada a la vida d'enantes nel barriu, que ye, tamién, l'espeyu de la corrupción emicional, sentimental y política del país.

Neños mui arterosNiños con altas capacidades. Cómo gestionar sus emociones (Neños que son quien a muncho. Cómo empobinar les sos emociones). Mª Teresa Gómez, Victoria Mir.  Medici, 2015. 234 p.

Dende la intelixencia emocional, esti llibru trata'l desarrollu del cariñu, los sentimientos y les necesidaes de neños y neñes con munches capacidaes, col envís de saber xestionar les sos emociones, dende  la infancia hasta la mocedá.

Un gran mundo (Un gran mundu). Álvaro Pombo. Destino, 2015. 266 p. Un gran mundu

Pel branu de 2014, Elvira, una muyer d'una xeneración que sufrió la Europa d'enteguerres y la España franquista, vien al recuerdu de la so sobrina, la hermana y un primu. Los tres neños tán na primera fila viendo la vida que llevó esta muyer narcisista y llunática (los sos casorios, les sos escapades...) al mesmu tiempu que van medrando y desarrollando tamién les sos vides.

Llamando dende LondresLondon calling (Llamando dende Londres). Juan Pedro Aparicio. Páginas de espuma, 2015. 175 p.

L'autor, usando'l rellatu curtiu, demostrando yá'l dominiu que tien pa ello n'obres anteriores, fai un percorríu pel paisaxe urbanu de Londres, usando la imaxen típica de les cabines, taxis, autobuses, y incluso'l vuelu de dalgunos ánxeles misteriosos, asemeyaos a los mortales.

La senda de los almohades. Arquitectura y patrimonio (La sienda los almohades. Arquiteutura y patrimonio). Dolores Villalba Sola. Universidad de Granada, 2015. 315 p. La sienda los almohades. Arquiteutura y patrimoniu

N'entamando'l sieglu XII, no fondero de la Cordillera del Atlas, xurde lo que diba ser el segundu califatu del occidente islámicu, el califatu almohade. El so llegáu artísticu ye ún de los más importantes de tola Edá Media, y esta obra presenta les conclusiones del primer análisis global fechu del patrimoniu arquiteutónicu.

BlancuraBlancura. Eugenio de Andrade. Polibea, 2015. 87 p.

Una esbilla fecha con munchu procuru de trenta y cuatro poemes, del que ye ún de los poetes imprescindibles de la xeneración dorada portuguesa. Antoloxía d'un trabayu de cincuenta años (dende 1948 hasta 2001), nes que l'autor camienta sobre temes tan universales como l'amor, el tiempu y la muerte.  

Valor. Clara Usón. Seix Barral, 2015. 319 p. Valor

La direutora de sucursal d'una caxa llevantina que vendió preferentes, un militar republicanu mozu cabezaleru de la revolución de 1930 en Jaca y un sacerdote fanáticu nel campu concentración de Jasenovac, Croacia, na Segunda Guerra Mundial; los tres son protagonistes d'esta novela, enfrentándose a situaciones nes que tienen que defender el valor supremu pa caún d'ellos, el dineru, la revolución y la fe respeutivamente, escontra la barrera feble de la conciencia.

MontecristoMontecristo. Martin Suter. Libros del Asteroide, 2015. 318 p.

Novela de suspense qu'esplora les males xuntes del mundu financieru, el poder políticu y los medios de comunicación. Jonás, videorreporteru nuna televisión llariega de Zürich, va nun tren que para de repente, porque hai un muertu na vía y rápido garra la cámara pa grabalo too; en pasando unos díes, decátase de qu'esto ta rellacionao cola apaición de varios billetes falsos.  

La guerra no tiene rostro de mujer (La guerra nun tien cara de muyer). Svetlana Alexiévich: Debate, 2015. 364 p. La guerra nun tien cara de muyer

Casi un millón de muyeres llucharon nes files del Exércitu Roxu na Segunda Guerra Mundial, pero la so historia nun se contó enxamás. Ye la primer vez qu'elles recuerden la parte non heroica de la guerra, nun llibru que l'autora, Premiu Nobel de Lliteratura 2015 , volvió a escribir en 2002 pa poder meter material censuráu na primer versión.

Agonía, traición, fuxidaAgonía, traición, huída. El final del Sahara español (Agonía, trición, fuxida. Lo último del Sahara español). José Luis Rodríguez Jiménez. Crítica, 2015. 676 p.

L'autor cuenta lo que pasó cuando se perdió'l Sahara  ente 1970 y 1975. El llibru fai un repasu de la mano de los principales protagonistes políticos, militares y diplomáticos, pero tamién con alcordances y documentos de xente corriente, homes y muyeres, civiles y militares, españoles y sharauis.

Arenas movedizas (Arenes movedices). Henning Mankell. Tusquets, 2015. 374 p. Arenes movedices

Esi mal suañu de morrer nunes arenes movedices, que tuvo de neñu Henning Mankell, volvió-y cuando-y dixeron que tenía un cáncanu; la llucha escontra la enfermedá, hasta que morrió, quiso asoleyala nel últimu llibru. Asina, coles alrcordances de cuando yera neñu, la mocedá y cachos de la so vida, munchos d'ellos de cuando tuviera n'África, sirvieron pa que l'escritor suecu camentare sobre la desigualdá, el mediuambiente, la probitú o la capacidá de les persones pa decidir.
Croatoan

Croatoan. José Carlos Somoza:  Stella Maris, 2015. 342 p.

En pasando dos años dende que se suicidare'l profesor Carlos Mandel, xente que lu conocía reciben un corréu suyu con una pallabra sólo: croatoan. Paez que ye un avisu rellacionáu coles coses rares que tán pasando pel mundu: munchoa animales qu'apaecen muertos o que faen coses rares, y entamen a repetise matances dantesques pente los humanos. La etóloga, Carmela Garcés, discípula de Mandel, va intentar da-y una esplicación a too esto.

Dos años, ocho meses y veintiocho noches (Dos años, ocho meses y ventiocho nueches). Salman Rushdie. Seix Barral, 2015. 396 p. Dos años, ocho meses y ventiocho nueches

Dos años, ocho meses y ventiocho nueches son esautamente mil y una nueches. El narrador, dende un futuru que ta mui lloñe, cuenta lo pasó nese mil y una nueches fundamentales, nes que'l mundu humanu y el mundu de les fades choquen; al final hai una guerra qu'enfrenta a los seres máxicos y a los humanos. Un cuentui modernu, en definitiva, sobre los grandes conflictos de la humanidá.

L'últimu tren pa la fastera verdeEl último tren a la zona verde (L'últimu tren pa la fastera verde). Paul Theroux. Alfaguara, 2015. 356 p.

Yá hai diez años, Paul Theroux contaba'l viaxe épicu que fizo per tierra dende El Cairo hasta Ciudá d'El Cabu, y dábanos una visión privilexada de l'África moderna. Agora vuelve pa descubrir tolo que cambiaron nestos años, él  y África. Entre paraísos naturales, tradiciones perdíes y zones desfeches pola guerra y l'avaricia escomanada de los sos gobernantes, l'autor sal de Ciudá d'El Cabu y va pal norte pasando per Sudáfrica y Namibia, entra p'Angola pa topase con un entornu cada vegada más apartáu de les rutes turístiques.

Islamofobia. Santiago Alba Rico. Icaria, 2015. 134 p. Islamofobia

Según l'autor, la islamofobia nun ye dalgo que se dea de xemes en cuando nin una costume  de les clases populares; vese. Pasa tolos díes y nun ye raro por culpa la crisis y l'espoxigue de partíos o movimientos d'ultraderecha n'Europa. Los discursos políticos sobre la tolerancia y l'estáu de derechu choquen ensin parar coles lleis migratories, les lleis esceicionales y l'usu criminalizador de la «guerra escontra'l terrorismu». Esti llibru analiza y afonda nos mecanismos que la construyen y nes amenaces qu'escuende.  

Los besos nel panLos besos en el pan (Los besos nel pan). Almudena Grandes. Tusquets, 2015. 327 p.

¿Qué pue pasa-yos a los vecinos y a les vecines de cualquier barriu nestos tiempos difíciles?  Los besos en el pan cuenta, d'una forma sutil y conmovedora, cómo pasa la vida d'una familia que vuelve de vacaciones decidida a que la so rutina  nun cambie, pero tamién la d'una güela que pon l'árbol de Navidá enantes de tiempu p'animar a la so xente, la d'una muyer que decide reinventase y volver pal pueblu pa vivir nes tierres que dieron de comer a los sos antepasaos...Y van deprender por qué los güelos los enseñaron, cuando yeren pequeños, a da-y un besu al pan.

Los cuentos y las cuentas de la independencia (Los cuentos y les cuentes de la independencia). Josep Borrell y Joan Llorach. Los libros de la Catarata, 2015. 159 p. Los cuentos y les cuentes de la independencia

L'aritmética usada como preséu paez que nun va fallar enxamás, a nun ser que se pongan en dulda les hipótesis nes que se basen los cálculos. Según los autores, Artur Mas y Orial Junqueras, esto ye lo que pasa colos miles de millones d'euros qu'España-y quita a Cataluña, pa xustificar el procesu d'independencia d'ésta; los líderes independentistes paez que tienen les contestaciones pa garantizar una «secesión ensin costes», pero los sos argumentos, tan rotundos con una primer güeyada, queden frayaos rápido con un análisis documentáu y razonáu.

Repensar la pobreza: un giro radical en la lucha contra la desigualdad global (Camentar otra vez na probeza: un cambiu radical na llucha escontra la desigualdá lobal). Abhijit V. Banerjee y Esther Duflo. Taurus, 2015. 372 p.

Repensar la probitúLa nuesa tendencia de dexar a los probes nuna montonera tópicos, nun nos dexa atalantar los problemes que tienen tolos díes. Les polítiques gubernamentales empobinaes a ayudalos, munches veces, fracasen, porque se sofiten en suposiciones enquivocaes. Repensar la pobreza, ye dar un cambiu radical na mera d'enfrentase a la llucha global escontra la probitú. Los sos autores, van direutamente a los protagonistes pa entender cómo funciona de verdá la economía los probes, qué los mueve y por qué coses nagüen.

Todo ese fuego (Tou esi fueu). Ángeles Caso. Planeta, 2015. 254 p. Tou esi fueu

Na casa parroquial d'Haworth, les tres fíes del pastor ocúpense de les coses de la casa, mientres que tán esperando qu'atapeza pa poder dedicase a escribir les noveles que nagüen espublizar; son les hermanes Brontë, tres muyeres que sobrevivieron, gracies a la lliteratura y a les traxedies familiares.

DelfosDelfos: historia del centro del mundo antiguo (Delfos: historia del centru'l mundo antiguu). Michael Scott. Ariel, 2015. 511 p.

L'autor descubre la historia completa de Delfos, y cómo se convirtió ésta nun sitiu d'enfrentamientos ente griegos y romanos, y n'almacén de les ayalgues robaes a les ciudaes y reyes rivales. Amás incorpora una guía breve de tolos sitios que se puden visitar tovía.

Lo que no te mata te hace más fuerte (Lo que nun te mata faite más fuerte).  David Lagercrantz. Destino, 2015. 651 p.Lo que nun te mata faite más fuerte

Mientres que Mikael Blomkvist se rebela escontra l'enfoque comercial que los nuevos propietarios quieren da-y a la revista Millenium, recibe una llamada mui sorprendente del profesor Balder, investigador especializáu n'intelixencia artificial. Ésti afirma que tien información vital sobre los servicios d'intelixencia d'Estaos Xuníos; la so fonte ye una moza rara y rebelde, que se paez muncho a alguien que Mikael conoz bien.

Juan Miguel de la GuardiaJuan Miguel de la Guardia: arquitecto y urbanista (Juan Miguel de la Guardia: arquiteutu y urbanista). José Fernando González Romero. Trea, 2015. 182 p.

Ente 1882 y 1910 Uviéu sufrió una tresformación fonda nel so urbanismu y arquiteutura, y Juan Miguel de la Guardia tuvo un papel mui importante nesti procesu. Esti trabayu espón la so biografía, el sentíu de la so arquiteutura, el so contestu históricu y cultural y l'análisis con munchu detalle de dalgunes de les sos obres más representatives, dientro l'urbanismu, arquiteutura y interiorismu.

Abdominales: ¡detén la masacre! (Llaceriosos: ¡paren la masacre! Bernadette de Gasquet. RBA, 2015. 203 p. Abdominales ¡para la llaceria!

Facer abdominales ensin xeitu pue ser malo pa la espalda, amás de nun sirivir pa nun tener bandullu. La doctora y profesora de yoga Bernadette de Gasquet enseña nesti llibru cómo hai de facer los abdominales bien, protexendo la espalda y el perinéu, meyorando asina la figura.

El hostal de las ilusiones (L'hostal de les ilusiones) . Debbie Macomber. Maeva, 2015. 319 p.

L'hostal de les ilusionesAtrapada nel dolor dende que-y morriere l'home, Jo Marie Rose decide da-y un cambiu radical a la so vida. Failo comprando un hostal pequeñín nun pueblu mui especial de Cedar Cove, onde intenta que los güéspedes vuelvan a tar contentos y con ganes de vivir.

Lobo: el rey de Currumpaw (Llobu: el rei de Currumpaw). Ernest Thompson Seton. Tundra, 2015. 89 p. Llobu: el rei de Currumpaw

Ésta ye la historia del perseguimientu y apresamientu d'un de los últimos llobos mexicanos, enantes del so desaniciu tando llibres. Al rodiu d'esti episodiu, l'autor da un vuelcu na so manera d'atalantar el derechu a la llibertá y la vida xabaz de  los animales, y decide enseñar a la xente lo más malo del sel ser humanu escontra la nobleza l'animal.  

El lector del tren de las 6.27. Jean-Paul Didierlaurent. Seix Barral, 2015. 195 p.

El llector del tren de les 6.27Guibrando Viñol nun ye nin guapu nin feu, nin gordu nin delgáu; el so trabayu consiste en terminar colo que más quier: ye l'encargáu d'una máquina que desfae los llibros que nun quier lleer yá naide. Al terminar el día recupera les poques fueyes que sobrevivieron y tolos díes pela mañana, nel tren, llee n'alto pa que los pasaxeros lo pasen bien. Un día descubre una pieza de lliteratura que-y va cambiar la vida.

La dama de oro. Anne-Marie O'Connor. Vaso roto, 2015. 522 p. La dama d'oru

En xineru de 2006 una decisión arbitral ordenaba que la familia Bloch-Bauer devolviere la coleición d'obres de Gustav Klimt a los herederos llegales, ximielgando los pegoyos del mundu l'arte y enseñando la llibertá que tuvo Austria pa quedase con tol patrimoniu de los xudíos esterraos. La pieza central d'esta coleición yera'l Retratu d'Adele Bloch-Bauer, la pintura dorada que dexare plasmada a Viena.

Un océnau d'amorUn océano de amor. Wilfrid Lupano, Grégory Panaccione. Reservoir books, 2015. 231 p.

Tolos díes mui pronto, Monsieur sal a pescar pela costa bretona, mientres la muyer ta esperándolu en casa, como fizo tola vida. Pero un día nun vuelve, y ella decide buscalu, entamando una aventura bien peligrosa pel océanu. Nesta novela gráfica muda, la travesía del náufragu conviértese nun camientu sobre los abusos que sufre l'océanu. 

55 años en Gombe:un tributu a cinco décades y media d'investigación, educación y conservación de la vida xabaz, Jane Goodall. Confluencias, 2015. 185 p. 55 años en Gombe

En 1986 investigadores de toa África presentaron un informe onde se trata'l tema del amenorgamientu de la población de chimpancés en tolos paises onde viven. Cazábense munches críes, matábense  a les madres, pal comerciu internacional d'animales, usándose llueu en llaboratorios científicos o n'espectáculos d'entretenimientu, como son los circos; otros exemplares cácense pola mor del comerciu de carne. Jane Goodall decidió entós denunciar al mundu esta situación y lluchar por protexelos; esti llibru ye parte  d'esa llucha.

L'últimu paraísuEl último paraíso. Antonio Garrido. Planeta, 2015. 498 p. Premiu de Novela Fernando Lara 2015

Premiu de Novela Fernando Lara 2015. Tres una vida acomodada, delantre la crisis brutal qu'azotó América en 1929, el mozu Jack Beilis va embarcase, xunto al so amigu Andrew, p'haza la llexendaria Unión Soviética, l'idílicu imperiu nel que, se dicía, cualquier home tenía derechu a trabayar y ser feliz.

Algo tan sencillo como twitear te quiero, Blue Jeans. Planeta, 2015. 539 p. Daqué tan cenciello como twitear, quiérote

Un grupu mozos enfréntase la primer vez a la esperiencia de vivir y estudiar lloñe del llar familiar. Ye'l primer añu d'universidá y Madrid conviértese na so ciudá d'acoyida y el sitiu nuevu onde vivir. Toos ellos van tener los sos propios problemes y tendrán d'enfrentase a les novataes, la soledá y les nueves rellaciones que puedan xurdir.

La fameEl hambre, Martín Caparrós. Anagrama, 2015. 624 p.

L'autor tuvo en La India, Bangladesh, Níger, Sudán, Arxentina, Estaos Xuníos, España... y ellí atopó a les persones que, por delles razones -seques, miseria, guerres, marxinación-, tienen fame. Esti llibru ta fechu de les sos histories, de les histories de les persones que trabayen en condiciones mui males y de les que especulen cola comida. El Hambre intenta, sobre too, descubrir los mecanismos que faen que cuasi mil millones de persones nun coman lo que necesiten.

La chica del tren, Paula Hawkins. Planeta, 2015. 493 p.La rapaza del tren

Rachel garra siempre'l tren de les 8:04 h. y tolos díes pela mañana ve'l mesmu paisaxe, les mesmes coses y fai la mesma parada na señal encarnada. Son sólo unos segundinos, pero que la dexen güeyar tolos díes a la mesma pareya almorzando sele na so terraza. Siente que los conoz y invéntase nomes pa ellos: Jess y Jason. La so vida ye perfeuta, non como la suya; pero un día ve daqué que la fae pensar: ¿y si Jess y Jason nun son tan felices como cree ella, y nada ye lo que paez?

Nel pelleyu d'una yih.adistaEn la piel de una yihadista: una joven occidental en el corazón del Estado Islámico, Anna Erelle. En Debate, 2015. 235 p.

L'autora y periodista francesa Anna Erelle garró una identidá falsa y nun mes caltuvo conversaciones per Internet con un miembru del aparatu de reclutamientu de soldaos yih.adistes, que resultó ser Abu Bilel, home de confianza d'Abu Bakr al-Baghadadí, líder terrorista autoproclamáu califa del Estúa Islámicu. El so oxetivu yera xuntar información pa saber cómo faen los terroristes yih.adistes p'atrayer xente mozo occidental.

Don Quijote de la Mancha, Miguel de Cervantes.  Destino, 2015.Don Quixote de La Mancha

El Quixote ye una de les noveles más influyentes de la lliteratura, pero tamién una de les que menos lleen los y les llectores españoles y hispanofalantes, por culpa l'agobiu o'l desánimu que pue plantegar la complicación del castellán del sieglu XVII. Sólo pensando nesta xente, Andrés Trapiello decidióse a traducila completa y fielmente, ensin alloñase del llinguax cervantinu.

Trece pasosTrece pasos,  Moyan. Kailas, 2015. 504 p.

L'autor, Premiu Nobel de Lliteratura 2012, combina fantasía y realidá pa enfrentase a los problemes de la sociedá china d'anguaño. Fang Fugui, profesor de física, muerre en mediu la clase. Mientres ta esperando na nevera'l tanatoriu pa que lu pinten, de sópitu revive. Esti fechu milagrosu va tener consecuencies inesperaes pa Fang y l'alredor suyu.

Grecia en el aire: herencias y desafíos de la antigua democracia ateniense vistos desde la Atenas actual, Pedro Olalla. Acantilado, 2015. 190 p. Grecia nel aire

L'esfuerzu griegu pa crear un espaciu humanu, onde fuere posible facer xusticia y onde'l destín común tuviere gobernáu pola voluntá de los homes, rellacionóse siempre, dende l'orixe, a la esistencia de la ciudadanía: la ciudadanía yera la ciudá, poro, l'Estáu. Güei, cuando les democracies occidentales paez que tán lloñe d'esti oxetivu, l'autor rastrea ensin descansu la ciudá na qu'un dia ñacieron los primeros ciudadanos y les primeres ciudadanes y con ellos y elles, la política.

Contigo en la distanciaContigo en la distancia, Carla Guelfenbein. Alfaguara, 2015. 351 p.

Premiu Alfaguara de Novela 2015. A Vera y Horacio xúnelos l'amor de mocedá y la so pasión pola lliteratura, pero tamién un llazu misteriosu, qu'Emilia y Daniel, intenten descubrir. Cuando Vera cae peles escaleres de casa y queda en coma, la sospecha de que la so caída nun foi un accidente, según va pasando'l tiempu va viéndose que pue ser verdá.

La economía de las desigualdades: cómo implantar una redistribución justa y eficaz de la riqueza. Thomas Piketty, Anagrama. 2015. 182 p. La economía de les desigualdaes

Dende una base de datos monumental y que ta tol tiempu actualizándose, Piketty afirma que la desigualdá ye mayor nes tres últimes décades, por culpa les diferentes reformes impositives qu’aliviaren les cargues tributaries nos sectores más ricos de la sociedá. Asina, analiza les breches abiertes ente capitalistes y trabayadores por ver quien se queda col escedente, les diferencies históriques ente países y los efectos de les distintes formes de redistribución.

La regla del oruLa regla del oro, Juana Salabert.  Alianza, 2015. 318 p.

Primer novela negra de l'autora, que ye tamién un retratu de la crisis qu'hai agora n'España y Europa. Madrid, Navidaes de 2012, un xoyeru dedicáu a la compraventa del modestu oru familiar apaez degolláu con un mensaxe acusador al llau. Había unes selmanes asesinaren igual a otru compañeru,  en mediu d'un ambiente social revueltu y a puntu d'españar.

La supermodelo y la caja de Brillo: los entresijos de la industria del arte contemporáneo, Don Thompson. Ariel, 2015. 367 p. La supermodelu y la caxa de Brillo

Don Thompson métese nel mundu l'arte d'anguaño nun teniendo claru'l conceutu d'arte y al mesmu tiempu esclaria los mecanismos que lleven a que delles obres se vendan por cifres económiques astronómiques. Las sos páxines recueyen información privilexada de marchantes, abogaos y executivos de les principales cases de subastes de Nueva York, Londres o los nuevos mercaos de los países del Golfu y China. Un llibru pa saber qué ye y pa ónde va l'arte d'anguaño y la industria que lu acompaña.

La islla del padreLa isla del padre. Fernando Marías. Seix Barral, 2015. 278 p.

Premiu Biblioteca Breve 2015. Cuando l'autor yera pequeñu, el padre percorría los mares del mundu munchos meses. Un día apaeció na puerta casa y el neñu nun lu conocía, ¿quién ye esti paisanu?, dixo. Ente la memoria y la fantasía xurde esti llibru, en morriendo Leonardo Marías, nel intre nel que'l so fíu Fernando se dexa llevar pola escritura pa poder pasar meyor el duelu.

Gran Cabaret. David Grossman. Lumen, 2015. 236 p. Gran cabaré

Tamos en Cesarea, un pueblu de la costa Israel. Un home sal al escenariu d'un cabaré pequeñu pa facer rir. Ente'l públicu ta un xuez retiráu, que compartió mocedá con él, alcuérdase de los años de mozos nos que taben xuntos, y ente pallabres y miraes, el pasáu llega hasta'l presente.

La economía: una hestoria mui personalLa economía: una historia muy personal. Santiago Niño-Becerra. Los Libros del lince, 2015. 260 p.

Esta obra analiza la evolución de la economía mundial dende l'Antigüedá hasta esti momentu de crisis, usando pa ello una serie de frases escrites o pronunciaes por personaxes diferentes a lo llargo la historia: Platón, San Agustín, Marx, Keynes, Bill Gates...

Música para feos. Lorenzo Silva. Destino, 2015. 215 Música pa feos

Conócense por casualidá nun llocal nocturnu nel que nengún de los dos pegaba muncho. Ella ye una periodista qu'aguanta con un mediu trabayu que nun pue soportar; él enfótase en ser un misteriu y nun dicir a qué se dedica. Podríen nun habese vuelto a ver, pero dempués d'una selmana coinciden otra vegada. Ye una historia d'amor.

ParanoiaParanoia. Franck Thilliez. Destino, 2015. 491 p.

A Ilan, un rapaz que nun acaba recuperase de la muerte rara de los padres, lléga-y al so apartamentu de París una visita cola que nun contaba, la de la so expareya Chloé. Ella propón-y embarcase nuna aventura y él nun pue dicir que non.

El fango: cuarenta años de corrupción en España. Baltasar Garzón. Debate, 2015. 607 p. El fangu: cuarenta años de corrupción n'España

Magar que los casos graves de corrupción n'España xurdieron en momentos de crisis, según l'autor, pue marcase una llinia continua que, dende los últimos años del franquismu, asoleya cómo tolo malo del sistema de control sirve pa que les instituciones s'aprovechen d'una manera illegal d'ello.  

Poesía completaPoesía completa (1980-2015). Luis García Montero. Tusquets, 2015. 923 p.

Esti volúmen xunta, n'orden y nuna edición definitiva, tolos llibros de poesía del autor, corpus imprescindible  de los que yá se pueden considerar clásicos d'anguaño: poemes d'amor, camientos sobre la vida y el tiempu y composiciones que tomen el pulsu de la historia más reciente.

El libro de la vida. Deborah Harkness. Suma de letras, 2015. 685 p. El llibru de la vida

Última entrega de la serie qu'empezó con El descubrimiento de las brujas. Dempués de viaxar nel tiempu con La sombra de la noche, la historiadora y bruxa Diana Bishop y el xenetista Matthew Clairmont tornen al presente pa enfrentase a problemes nuevos y a enemigos vieyos.

Esto cámbialo too. El capitalismu escontra'l climaEsto lo cambia todo. El capitalismo contra el clima. Naomi Klein. Paidós, 2015. 703 p.

L'autora afirma que, la guerra na que ta metida'l nuestru sistema financieru escontra la vida na Tierra ye l'amenaza más importante a la que s'enfrentó nunca la humanidá. El cambiu climáticu ye una alarma que tien de despertar a la civilización, pa enfrentase a ello nun val con "cambiar les bombilles", hai de cambiar el mundu.

Misterioso asesinato en casa de Cervantes. Juan Eslava Galán. Espasa, 2015. 283 p. Misteriosu asesinatu en casa Cervantes

Premiu Primavera de Novela 2015. A la puerta la casa de Miguel de Cervantes apaeció'l cadabre apuñaláu del hidalgu Gaspar d'Ezpeleta, y meten na cárcel al escritor y a les hermanes. La duquesa d'Arjona, almiradora de Cervantes, píde-y a la moza Dorotea d'Osuna qu'investigue'l casu.

Virginia Wolf: la vida per escritoVirginia Woolf: la vida por escrito. Irene Chikiar Bauer. Taurus, 2015. 919 p.

Virginia Woolf foi una escritora perbona y con una personalidá misteriosa, centru d'un grupu familiar, amistosu y cultural, fascinante. Cómo fizo les obres, el llabor editorial, que tuvo nel Grupu de Bloomsbury y los sos llazos amorosos y amistosos queden reflexaos nesta biografía, que se completa con unos retratos reveladores. 

Sígueme la corriente. Megan Maxwell.Esencia, 2015. 476 p. Sígueme la corriente

Tony Ferrasa ye un compositor guapu y con perres, y Ruth una moza que garra cualquier trabayu dignu que se-y presente pa sacar a la familia p'alantre. Los dos conócense por casualidá y van enganchándose a una "non-rellación" muncho más importante que lo qu'ellos quieren almitir.

Volver a CanfrancVolver a Canfranc. Rosario Raro. Planeta, 2015. 504 p.

Marzu de 1943. Escondíes nun cuartu, varies persones contienen la respiración mientres qu'esperen que se dexe de sentir el soníu de les botes de los soldaos alemanes. La esvástica muévese d'un sitiu pa otru na estación d'iviernu de Canfranc, nel Pirinéu, y en mediu la escuridá, Laurent, xefe de l'aduana, Jana, la camarera l'hotel, y el bandoleru Esteve, arriesguen la vida pa devolve-yos la llibertá.

Perros e hijos de perra. Arturo Pérez-Reverte. Alfaguara, 2015. 156 p.

Perros y fíos de perra Perros de presa adiestraos por mala xente, un chuchu mexicanu tuertu y dignu, el fila brasileñu que nun yera un asesín...son dalgunos de los protagonistes de los artículos escritos por Arturo Pérez Reverte ente 1993 y 2014 que tán nesta antoloxía, ilustrada pol pintor  Augusto Ferrer - Dalmáu.

Guardar la casa y cerrar la boca. Clara Janés. Siruela, 2015. 185 p. Guardar la casa y pesllar la boca

La nomada poeta Clara Janés fai nesti llibru un percorríu perinteresante per delles cultures y etapes de la historia, al traviés de les principales obres lliteraries de muyeres, qu'atoparon nes lletres la forma más afayadiza p'amosar la so sensibilidá y talentu.

Tus pies toco en la sombra y otros poemas inéditos. Pablo Neruda. Seix Barral,2015. 128 p. Los tos pies na sombra y otros pomes ensin editar

Poemes ensin espublizar del autor atopaos cuando se taba faciendo una catalogación fonda de tola so documentación. Escribiólos en varies llibretes, na parte d'atrás d'un programa de música o nel menú d'un barcu en plena travesía, yá na so época de madurez, como pue vese na reproducción facsimilar  de dalgunos de los poemes. 

También esto pasará. Milena Busquets. Anagrama, 2015. 172 p. Esto tamién pasará

Cuando Blanca yera pequeña, pa que superara la muerte'l pá, la madre cuénta-y un cuentu chinu: un emperador mui poderosu convoca a los sabios y píde-yos qu'atopen una frase que sirva pa tolo que pase; la rempuesta foi: "tamién esto va pasar". Agora ye la madre de Blanca la que morrió y pa enfrentar el dolor garra fuerza la reafirmación de la vida al traviés del sexu, les amigues o los fíos; "la llixereza ye una forma d'elegancia. Vivir con llixereza y allegría ye perdifícil".

Guía de alimentación para «runners». E Albert Grabulosa. Ediciones B, 2015. 191 p. Guía d'alimentos pa <<runners>>

Llibru que ye sobre too pa deportistes con un oxetivu afitar unes bases nutricionales estables coles que meyorar la salú y el rendimientu físicu de la xente que se dedica a correr. Una reivindicación de la dieta mediterránea sobre too pal  deporte.

El cura y los mandarines. Gregorio Morán. Akal, 2014. 826 p. El cura y los mandarines

¿Qué pasó pa que los mandarines, figures crítiques de la cultura los años sesenta, fueren faciéndose cada vez más conservadores? D'esta entruga xurde un rellatu agudu, que narra la vida d'intelectuales, académicos y académiques, escritores, artistes, políticos y polítiques, que conformaron la cultura institucional española de la segunda metá del sieglu XX.

El peso del corazón. Rosa Montero. Seix Barral, 2015. 397 p. El pesu del corazón

Contratada pa solucionar un casu qu'a lo primero paez cenciellu, la detective Bruna Husky enfréntase a una trama de corrupción internacional. Nun futuru nel que paez que la guerra ta desaniciada, Bruna llucha escontra'l tiempu pola llibertá y en defensa de la vida, mentantu asimila los sentimientos contradictorios que tien al facese cargu d'una neña pequeña.

Hacia el infinito. Jane Hawking. Lumen, 2015. 550 p.

Hacia l'infinituStephen Hawking ún de los científicos más prestixosos del mundu, ye conocíu tamién por sobrevivir  a un desarreglu neuronal mui grave que-y diagnosticaron con ventiún años. Esta obra ye un retratu optimista d'una rellación mui especial, contada pola que foi muyer d'él más de venti años.

El rector : tragedia en siete actos.Pedro de Silva.  Losada, 2014. 157 p. El rector:traxedia en siete actos

Narra la detención, sometimientu a conseyu de guerra y fusilamientu dempués del caderalgu de derechu civil y reutor de la Universidá d'Uviéu Leopoldo Alas Argüelles, fíu de Leopoldo Alas Clarín, afondando na so personalidá humana y política. 

Galveston. Nic Pizzolatto. Salamandra, 2014. 282 p.

GalvestonRoy Cody lleva años faciendo de matón profesional en Nueva Orleans, pero la so vida da un vuelcu cuando-y diagnostiquen un cáncer avanzáu. Cola sospecha de quel xefe, l'estorsionador Stan Ptitko, quier acabar con él, entama una carrera alloriada, y atópase con una moza desamparada que-y va dar la oportunidá de camudar de vida.

Demonios familiares. Ana María Matute. Destino, 2014. 182 p Demonios familiares

Última novela de l'autora, cortada de repente. En xunetu de 1936, nuna ciudá  pequeña del centru d'España, Eva, en quemando'l conventu onde taba de novicia, vuelve pa casa col padre, un paisanu conservador y autoritariu. Nuna viesca cerca de casa encuéntrase con un paracaidista que ta mui grave y llévalu pal desván de la so casona vieya.  

Artes males pa semar xardinosArtes subversivas para cultivar jardines. Teresa Moure. Hoja de lata, 2014. 261 p.

Vecinos y vecines cuenten que Leandro Balseiro plantaba llirios, narcisos, que la cuna de la so fía Clara yera un plantón d'hortensies...Dos xeneraciones más tarde Clara Balseiro prepara una denuncia ecoloxista bien valiente: resucitar los xardinos colgantes del güelu Leandro nuna cantera abandonada, col gabitu del so fíu que yá ye un mozu, una siquiatra austriaca y una rapaza adicta a los problemes sentimentales. Asina entama lo malo

Así empieza lo malo. Javier Marías.  Alfaguara, 2014. 534 p.

Nel Madrid de 1980, Muriel encarga a un rapaz,  Juan de Vere qu'investigue y sonsaque a un amigu suyu, el doctor Jorge Van Vechten, del que lleguen rumores por un comportamientu poco decente nel pasáu. Pero Juan nun va quedar sólo neso, porque como él mesmu reconoz yá de mayor, "la mocedá tien l'alma y la conciencia aparcaes".

Ansiedá: mieu, esperanza y busca de la paz interiorAnsiedad: miedo, esperanza y la búsqueda de la paz interior. Scott Stossel. Seix Barral, 2014. 525 p.

La vida de Scott Stossel foi dende pequeñu lluchar tol tiempu escontra l'ansiedá. Nesta obra cuenta la so esperiencia con anécdotes conmovedores y prestoses, al empar que nos da información sobre esti trestornu misteriosu que los científicos, escritores y filósofos intentaron resolver a lo llargo la historia.
Traxe de novia 

 Vestido de novia. Pierre Lamaitre. Alfaguara, 2014. 291 p

Sophie Duguet nun entiende lo que-y ta pasando: pierde coses, olvídase d'otres, detiénenla nun supermercáu por robos pequeños que nun s'alcuerda de facer, y los cadabres empiecen a acumuláse-y alredor.

La soledá los perdíosLa soledad de los perdidos. Luis Mateo Díaz. Alfaguara, 2014. 578 p.

Ambrosio Leda vive escondíu dende hai quince años en Balma, la Ciudá de la Solombra, onde la posguerra tien a los que viven nella presos pola desgracia y el remordimientu. Fuxendo de casa, va d'un sitiu pa otru pela ciudá dende l'atapecer hasta qu'amanez, buscando poder vivir; les nueches tán enllenes de coses que pasen, alcuentros y revelaciones. Alabardes 

 Alabardas. José Saramago. Alfaguara, 2014. 149 p

Meses enantes de morrer, José Saramago empezó otra vez, dende lo inventao a camentar nuna de les sos preocupaciones más grandes: la violencia pa con persones o sociedaes. Esti rellatu que nun ta termináu plantega un problema moral d'un home, Artur Paz, trabayador d'una fábrica d'armes, que como ta intrigáu pol sabotaxe d'una bomba que se tira na Guerra Civil española, empieza a investigar coses d'esa época de tantos enguedeyos. Esta edición ta ilustrada con grabaos de Günter Grass y enriquecida con testos de Roberto Saviano y Fernando Gómez Aguilera.

Prohíbese amosar munchu cariñu a la puerta la pensiónSe prohibe mantener afectos desmedidos en la puerta de la pensión. Mamen Sánchez. Espasa, 2014. 297 p.

Cecilia Dueñas nun ta nel meyor momentu de la so vida: sufrió un divorciu demoledor, tien qu'arreglar la casa los güelos pa que pueda vivise nella y tien de buscar inquilinos. Poro, pa que la convivencia seya meyor, decide imponer y imponese una riestra cose que nun se pueden facer: esmolecese por coses de otra xente, compadecese por quien nun pide compasión y metese en coses de los demás.

Underground. Haruki Murakami: Tusquets, 2014. 557 p. Undergound

L'autor, mui afectáu pol ataque de gas sarín que se produxo nel metru de Tokio en 1995, entrevista a les víctimes, pa cuntar con precisión qué foi lo que pasó esi día nese llinies de metru afectaes, cómo lo vivieron, y, en definitiva, esclariar la verdadera historia que s'ocultaba tres daquel actu terrorista.

Bienvenidos a la cocina: 114 recetas para jóvenes y no tan jóvenes. InésOrtega. Siruela, 2014. 214 p. Bienllegaos a la cocina

Nesta llibru, Inés Ortega presenta 114 recetes pa cualquier ocasión y pa tolos niveles: dende canapés de cámenbert y tomate, hasta raviolis de salmón y salsa d'ayos puerros, o una hamburguesa de pollu riquísima con mayonesa. A too esto hai qu'añadir unos trucos mui interesantes y unos cuantos secretos de cocina.

D'animales a diosesDe animales a dioses. Yuval Noah Harari. Debate,2014. 492 p. 

Una hestoria resumida de la humanidá, dende los primeros humanos hasta los avances de les tres grandes revoluciones de la nuestra especie: la cognitiva, l'agrícola y la científica. Dende disciplines diferentes como la bioloxía, antropoloxía o economía, l'autor esplora cómo les grandes corrientes de la historia fueron dando forma a la nuestra sociedá, los animales y plantes que nos arrodien y tamién a les nuestres personalidaes.

La folixa les caxigalinesLa fiesta de la insignificancia. Milan Kundera. Tusquets, 2014. 138 p. 

L'autor  amuesa nesta novela, que ye como un resumen perfeutu de tola so obra, un vieyu sueñu estéticu: allumar los problemes más serios de la sociedá, ensin dicir nin una sola frase seria, plasmar pola realidá del mundu, pero refugando'l realismu.

Los peligros de Paulina y otros cuentos escoyíosLos peligros de Paulina y otros cuentos selectos. Salvador Garmendia. Salto de página, 2014. 348 p.

Antoloxía que pretende ser puerta d'entrada pal universu narrativu de Salvador Garmendia, un referente cimeru de la meyor cuentística en castellán del sieglu XX. L'autor cálase nesta obra na vida de tolos díes y nes caxigalines p'amosar dempués en too esto lo increíble, pantasmagórico, l'alucinación y la maravilla.

Una tierra más prestoso que'l llarUna tierra más amable que el hogar. Wiley Cash. Siruela, 2014. 258 p.

Les persones que viven nesti pueblu pequeñu Marshall Nord, en Carolina del Norte, tán  muertes de mieu por culpa d'un predicador con un pasáu un pocu negru y l'enfotu que tien en terminar con cualquier ñiciu del diañu ente los sos fieles. El día en que Christopher, un mozu autista, muerre afogáu dempués d'una sesión d'imposición de manes, queda tol mundu más p'allá que p'acá.

Una curiosidá escomanadaUna curiosidad insaciable. Richard Dawkins. Tusquets, 2014. 311 p.

Autobiografía de Richard Dawkins, na que fai alcordanza de cuando yera pequeñu y vivía n'África colonial y cómo tando n'Oxford, onde entró pa estudiar zooloxía, la so carrera dio una vuelta que nun esperaba al enfotase na obra de William Hamilton, Robert Trivers y John Maynard Smith, y entamar a escribir El gen egoísta, la obra de bioloxía evolutiva que-y dio fama mundial.  

Seis graos. El futuru d'un planeta con más calorSeis grados: el futuro en un planeta más cálido. Mark Lynas. Librooks, 2014. 296 p.

Premiu de la Royal Society al meyor llibru de divulgación científica. Mark Lynas investiga les previsiones de los científicos según les que, l'aumentu ente ún y seis graos de les temperatures globales del planeta va tener un efectu tremendu sobre'l territoriu y la población; o facemos dalgo yá o tendremos qu'enfrentanos al desaniciu. Más p'allá de la batalla

Más allá de la contienda. Romain Rolland. Nórdica, 2014. 161 p.

Espublizáu'l 24 de setiembre de 1914 nel Journal de Genève mientres collaboraba cola Cruz Roxa, esti testu provocó rápido reacciones rencoroses ente franceses y alemanes. Pero, los sos pensamientos claros de paz y llibertá y la idega d'aición non violenta recompensáronse pal otru añu cola concesión del Premiu Nobel de Lliteratura.

Felices los felicesFelices los felices. Yasmina Reza. Anagrama, 2014. 189 p.

Premiu le Monde 2014. L'autora entemez los rellatos de les vides de dieciocho personaxes que paez que nun tienen nada que ver unos con otros, pero al mesmu tiempu qu'avanza la trama, el llector o llectora va dir descubriendo interrellaciones inesperables y ablucantes. Frañer d'una forma cínica la natura humana y una reflexón fonda sobre lo curtia que ye la vida y la importancia de tener una esistencia enllena.

Una madre. Alejandro Palomas. Siruela, 2014. 242 p.Una madre

Queden unes hores pa la medianueche. Por fin Amalia, a los 65 años, algamó'l suañu de xuntar a tola familia pa la cena Nuechevieya. Una madre cuenta la historia de cómo Amalia entemez con gracia y arte una rede filos invisibles colos que xunta y protexe a los de so. Ella sabe que va ser una nueche intensa. 

La cuenta p'atrásLa cuenta atrás: ¿Tenemos futuro en la Tierra? Alan Weisma. Debate, 2014. 601 p.

Cada cuatro díes y mediu ñacen un millón de persones más nun planeta que tien fin; la población d'anguaño necesitaría los recursos de tres tierres pa llegar a tener un nivel de vida asemeyáu al de los países desarrollaos, tovía más difícil de conseguir por culpa'l calentamientu la atmósfera y les alteraciones de los océanos. L'autor esplica los efectos del crecimientu demográficu tremendu y plantega la so alternativa pa voler a conseguir l'equilibriu que se perdió. 




Tornar a la islla l'ayalgaRegreso a la isla del tesoro. Andrew Motion. Tusquets, 2014. 387 p.

Marineros nobles y pirates crueles protagonicen la continuación de La isla del tesoro de Robert Louis Stevenson. Xunetu de 1802, nes marismes del Támesis llevántase la Hispaniola, l'agospiu de Jim Hawkins y del fíu. Un día va velos una moza bien misteriosa, Natty, con un pidimientu del padre, el pirata John Silver El Llargu: qu'él y Natty zarpen pa la islla l'ayalga pa buscar los llingotes de plata que dexaron ellí hai munchu tiempu.

Toi bienEstoy bien. Juan José Benítez. Planeta, 2014. 566 p.

J.J. Benítez xunta nesti llibru milenta casos de persones qu'aseguren que tuvieron contautos con muertos, que se presentaron delantre d'ellos físicamente y a los que, dicen, vieron, oyeron, sintieron y hasta incluso, en dalgún casu, tocaron.  

El mundu de fueraEl mundo de afuera. Jorge Franco. Alfaguara, 2014. 302 p. Premiu Alfaguara de Novela.

 Isolda vive encerrada  nun castillu un pocu raru y ablucante, ayenu a la ciudá de Medellín na que ta. La moza atopa nel bosque que lu arrodia l'únicu abellugu posible pa la so solitú. L'autor escribe un cuentu de fades miedosu qu'acaba convirtiéndose na historia d'un secuestru.  

El güérfanuEl huérfano. Adam Johnson. Seix Barral, 2014. 608 p. Premiu Pulitzer 2013.

Jun Do vive nun orfanatu y a los catorce años reclútalu l'exércitu norcoreanu como soldáu de túneles, onde va dir ascendiendo tando trabayando pal Gobiernu hasta convertise n'oficial d'intelixencia militar. Asina, ye quien a facer les coses más llacerioses, ensin dexar de ser el neñu abandonáu que busca desesperadamente l'amor.  

Campu de guerraCampo de guerra. Sergio González Rodríguez. Anagrama, 2014. 166 p. Premiu Anagrama d'Ensayu.

La obra ye una reflexón sobre la teunoloxía de la información y el so impactu real na vida, un analís de la tendencia xeopolítica que tien como cabezaleru a los Estados Xuníos, que col pretestu de lluchar escontra'l terrorismu nel mundu impuso'l control y la vixilancia. Un control que, según l'autor, quedó afitáu col espionaxe total.  

Cocina con Joan RocaCocina con Joan Roca. Joan Roca. Planeta, 2014. 371 p.

De forma visual y didáutica l'autor detalla pasu ente pasu les téuniques básiques de cocina y tolo que sabe él d'eso, dempués de los veinticinco años de profesión, coses fáciles pa faceles en casa. Hai tamién 80 recetes pa prauticar.

Música, deseyu y políticaMúsica, política y deseo (Música, política y deséu). The Smiths. Errata Naturae, 2014. 259 p.

Hai trenta años The Smiths asoleyaron el primer discu, ún de los mejores álbumes de la década los ochenta y, pa dalgunos, de tolos tiempos. Esti llibru fala de rock, de pop y de punk (y incluso del orixe del indie), sobre acordes con más conteníu políticu que munchos mítines, en definitiva de lo que fueron munchos y de lo que siguen siendo, porque como se diz delles veces: yes  lo que sientes.

L'home ensin caraEl hombre sin rostro (L'home ensin cara). Luis Manuel Ruiz. Salto de página, 2014. 220 p.

El Madrid de 1908 vese sacudidu por una riestra muertes rares: un profesor de bioloxía estrapalláu por un esqueletu de dinosauriu, un altu funcionariu del gobiernu desangráu nun salón de baille... Elías Arce, reporteru d'El Planeta, descubre que l'únicu elementu común en too eso ye un home: Salomón Fo, el científicu más llistu del reinu.

Vémonos ellí enribaNos vemos allá arriba (Vémonos allá p'arriba). Pierre Lemaitre. Salamandra, 2014. 443 p. Premiu Goncourt 2013.

Emocionante cantu a la capacidá de superación del ser humanu y, al mesmu tiempu, un  retratu frescu y atrevidu d'una sociedá desfecha por ún de los inventos más crueles del home: la guerra.


La nueche suañada
La noche soñada (La nueche suañada).
Máxim Huerta. Espasa, 2014. 350 p. Premiu Primavera de Novela 2014.

Na víspera de San Xuan de 1980, les persones que viven en Calabella, na Costa Brava, esperen a la mítica Ava Gardner, pa inaugurar el cine de branu del pueblu. Tol mundu ta pendiente de l'actriz salvo Justo, el más pequeñu de la familia Brightman, que na nueche más máxica del añu decide que va facer tolo posible pa cambiar el destín de los suyos.

¿La bayura d'unos cuantos ye bono pa tol mundu?¿La riqueza de unos pocos nos beneficia a todos? (¿La bayura d'unos cuantos ye bono pa tol mundo) Zymunt Bauman. Paidós, 2014. 108 p.

L'autor plantégase por qué na sociedá d'anguaño ta tan espardía la creyencia de que dexar que los ricos seyan tovía más ricos ye bono pa tol mundu, cuando cada vegada hai más pruebas de tolo contrario. Bauman fai un recuentu  y da un repasu a los supuestos y enfotos nos que se sofiten estes opiniones. 
 

L'invitáu amarguEl invitado amargo (L'invitáu amargu). Vicente Molina Foix, Luis Cremades. Anagrama, 2014. 410 p.

El invitado amargo desarróllase en tres décades y, en pasando esi tiempu, qu'entama col alcuentru d'un escritor de trenta y cinco años y un estudiante mozu qu'escribe versos, acolúmbrase como una novela de la memoria, pero tamién como un ensayu sobre les ilusiones y resentimientos del amor.

Poesíes picaresquesPoesías picarescas: poesías satíricas inéditas (Poesíes picaresques: poesíes satíriques ensin espublizar). Francisco de Quevedo. Visor, 2014. 305 p.

Esti llibru de Quevedo ye al mesmu tiempu una variación de dos llibros o dos miraes del autor. La primera, Poesía voluptuosa, contién una coleición de poemes que lleven el sellu d'auténticos, col tema principal del erotismu. La segunda, Poesías picarescas inéditas, asoleyaes en 1873, ye una riestra testos tamién eróticos, onde figuren veinticuatro poemes desconocíos o ensin espublizar.  

¡Melisande! ¿Qué son los güeyos?¡Melisande! ¿qué son los sueños? (¡Melisande! ¿qué son los suaños?). Hillel Halkin. Libros del asteroide, 2014. 262 p.

A lo último de los años cincuenta en Nueva York dos rapazos, Hoo y Ricky y una rapaza, Mellie, conócense trabayando na redaición de la revista lliteraria del institutu. Ellí van entamar una amistá que-yos van condicionar les vides. Décades dempués Hoo, caderalgu de filosofía, alcuérdase d'esa rellación y del tresfondu cultural y social de la época que-yos tocó vivir.

El reinu'l norteEl reino del Norte (El reinu'l Norte). José Javier Esparza. La esfera de los libros, 2014. 658 p.

Uviéu, añu 842. El rei Alfonso II, ta morriendo y noma herederu al noble Ramiro, pero una parte importantes de la aristocracia conspira escontra l'elexíu: Nepociano que torna del destierru y ye'l cabezaleru d'un golpe d'estáu. Esta obra cuenta l'episodiu históricu del entamu de La Reconquista: el golpe palaciegu escontra Ramiro y la batalla de Cornellana.


Pasteles d'enantesPasteles vintage (Pasteles d'enantes). Jane Brocket. Juventud, 2014. 191 p.

Más de 90 recetes, dende'l riquísimu Red Velvet hasta'l esceicional bizcochu de Madeira, caúna d'elles retrataes mui guapes nun entornu vintage y con unos entamos bien prestosos sobre la so historia y antecedentes.



Lloñe de GhanaLejos de Ghana (Lloñe de Ghana). Taiye Selasi. Salamandra, 2014. 348 p.

Kweko Sai, ciruxanu ghanés de munchu renome, formáu n'Estados Xuníos, muerre de sópitu na so casa d'Accra. Esi alcuentru familiar obligáu fadrá salir a la lluz la historia del so alloñamientu: les mancadures, los erros... L'autora mete al llector o a la llectora nel mundu de los qu'ella mesma noma afropolites, fíos de profesionales africanos emigraos que conformen güei una comunidá moza preparada pa frañer tópicos y participar na tresformación de la cultura africana.

Un home ensin alienduUn hombre sin aliento (Un home ensin aliendu). Philip Kerr. RBA, 2014. 521 p.

Berlín, marzu de 1943. La moral ye mui baxa tres la derrota de Stalingrado y Bernie Gunther dexa la brigada criminal y trabaya na oficina de crímenes de guerra. La so misión ye investigar una fosa común que se supón ye d'oficiales polacos asesinaos polos rusos, pero ¿y si fueren xudíos asesinaos poles SS? 

 

El cuartu de les estrellesEl cuarto de las estrellas (El cuartu de les estrelles). José Antonio Garriga Vela. Siruela, 2014. 165 p. Premio Café Gijón 2013.

Un home sufre un accidente que fai que los sos recuerdos más recientes desapaezan, mientres que los más alloñaos broten con una fluidez rara. Decide entós retirase pa onde vivió de neñu y escribir una novela texida con toes eses memories.

El xuegu de RipperEl juego de Ripper (El xuegu de Ripper). Isabel Allende. Plaza & Janés, 2014. 477 p.

Esautamente igual que lo que predixere l'astróloga más nomada de San Francisco, una riestra crímenes empieza a sacudir la ciudá. Na investigación de los asesinatos l'inspector Bob Martin recibirá l'ayuda inesperada d'un grupu internautes especializaos en xuegos de rol, Ripper. L'autora trata otra vegada na so novela temes universales como la ecoloxía, el racismu, la defensa social...  

l'Últimu baille de CharlotEl último baile de Charlot (L'últimu baille de Charlot. Fabio Stassi. Tusquets, 2014. 270 p.

Una Nuechebona la muerte va visitar a casa a Charles Chaplin, que yá tien ochenta años. Ésti tien un fíu pequeñu al que quier ver crecer, asina que-y propón un pautu: si ye quien a facer que se ría concederá-y otru añu más de vida. N'esperando'l momentu fatal Chaplin escríbe-y una carta llarga al so fíu cuntándo-y la so verdadera historia: cuando yera un neñu con una vida probe, l'entamu nel teatru, los sos primeros ésitos...

Atles de les islles remotesAtlas de islas remotas: cincuenta islas en las que nunca estuve y a las que nunca iré (Atles de les islles remotes: cincuenta islles nes nun tuvi enxamás y a les que nun voi dir enxamás). Judith Schalansky. Capitán Swing, 2014. 150 p.

Esti llibru arrexunta cincuenta islles que tán separaes en tolos sentíos: de tierra firme, de la xente, d'aeropuertos y de folletos turísticos. L'autora basóse n' acontecimientos históricos y informes científicos p'averiguar a qué distancia tán del continente, si hai xente nelles, les sos carauterístiques físiques y la so historia llariega.

MázcaraMáscara (Mázcara). Stanislaw Lem. Impedimenta, 2013. 417 p.

Trece rellatos del mayestru polacu de la ciencia ficción espublizaos la  primer vez en castellán y mui diferentes: dende la parodia ridícula y graciosa de les histories d'alieníxenes de La invasión de Aldebarán, hasta la pieza central del volumen, una parábola filosófica y enguedeyada que-y da títulu a la obra.

El bonobu y los diez mandamientosEl bonobo y los diez mandamientos: en busca de la ética entre los primates El bonobu y los diez mandamientos: en busca de la ética pente los primates). Frans de Waal. Tusquets, 2014. 283 p.

Si enantes se pensaba que los animales yeren autómates ensin emociones, anguaño los estudiosos del comportamientu animal puen afirmar que l'ayuda mutua, que te preste dalguien y l'angustia pola muerte d'un conxénere nun son una esceición en determinaes especies. L'autor, primatólogu de renome, amuesa nestes páxines cómo nos primates s'acolumbren  rasgos de conducta altruistes, no que podría ser una prefiguración del bien y del mal.

La fuxida del maestru TartiniLa fuga del maestro Tartini (La fuxida del maestru Tartini). Ernesto Pérez Zúñiga. Alianza, 2013. 446 p.

L'autor empobínanos a sitios sagraos y señardosos que tien la memoria al traviés de la vida del compositor Giuseppe Tartini, importante músicu del sieglu XVIII, autor de la sonata conocida como El trinu del diañu. El llector va atopase con personaxes importantes de la época en Venecia o Praga, xunto a otros mitolóxicos.

Escontra aquellos que nos gobiernenContra aquellos que nos gobiernan (Escontra tolos que nos gobiernen). Lev Tolstói. Errata naturae, 2014. 125 p.

Ensayu que ye finxu y referente de la historia del pensamientu políticu, la crítica económica y el llevantamientu non violentu. Testu escritu escontra los abusos de la clase política, pero tamién escontra la clase financiera y los sos espolios, y escontra los intelectuales y economistes que son cómplices.

Cero, cero, ceroCero, cero, cero. Roberto Saviano. Anagrama, 2014. 492 p.

L'escritor y periodista italianu vuelve con un llibru nuevu, a medies ente lliteraturay investigación, que trata de los secretos del imperiu de la cocaína n'América Llatina, falando del acuerdu qu'hubo nos años 80 ente los cabezaleros del narcotráficu de Colombia y México, y analizando tamién l'impactu del tráficu de droga na economía mundial.

Madre llatín y les sos fíes: les llingües d'Europa y el so orixenMadre latín y sus hijas:las lenguas de Europa y su origen (Madre llatín y les sos fíes: les llingües d'Europa y el so orixen). Carl Vossen. KRK, 2013. 520 p.

Esta obra esclaria'l raigón llatinu de les llingües d'Europa sorrayando con llectures mui suxerentes la presencia grande del llatín nes llingües inglesa y alemana, tratando tamién el tema de la deuda importantes que tienen col llatín munchos campos del saber; ye dafechu «un llibru prestosu sobre'l llatín y col que se deprende muncho».


La llistaLa lista (La llista). Frederick Forsyth. Plaza & Janés, 2014. 331 p.

En Virxinia ta'l llar de la TOSA, unidá gubernamental que tien la xera d'identificar, buscar y destruyir a les persones que seyan una amenaza pa los Estaos Xuníos. Pónense tolos nomes nuna llista qu'aprueba'l presidente, conocida como la llista los asesinables.


Una patria posible: fútbol y nacionalismu n'EspañaUna patria posible: fútbol y nacionalismo en España (Una patria posible: fútbol y nacionalismu n'España). Juan Carlos de la Madrid Álvarez. Trea, 2013. 231 p.

L'autor navega pente medies de la Historia y la Filosofía pa facer tres narraciones paraleles, la historia del fútbol, la de la sociedá de consumu de mases y la de la identidá nacional española, xuntándoles na bota d'Andrés Iniesta nel minutu 116 de la final de la Copa del Mundu de Fútbol del añu 2010.  

Tres muyeresTres mujeres (Tres muyeres). Sylvia Plath. Nórdica, 2013. 99 p.

Emocionante poema a tres voces que tien como tema central la maternidá. Cada voz representa una forma de vivila: la muyer que centra la so realización en ser madre, la que sufre porque nun lo ye y la que lo ye anque nun quier. L'autora concibió esti poema feminista y pacifista, pa lleelu n'altu, y en 1962, un añu enantes de morrer, fízolo na BBC.

El menú d'un día raruEl menú de un día raro (El menú d'un día raru). Saúl Fernández . Septem, 2013. 122 p.

Pablo Vázquez y Victoria Río deciden reinventar la so historia en común na ciudá de Venecia. Él ye violinista de la Sinfónica d'Asturies, ella periodista tresformada en xestora cultural, y son pareya dende hai un añu. Un día pela nueche escuchen un plan que va cambiar les sos vides: un crimen na escalera La Fenice valtará'l so futuru.

En cualquier casu, remordimientu nengúnEn cualquier caso ningún remordimiento (En cualquier casu  remordimientu nengún). Pino Cacucci. Hoja de lata, 2013. 397 p.

Chófer de sir Arthur Conan Doyle, enemigu públicu númberu ún de Francia, atracador de bancos, sindicalista, anarquista, apasionáu de los motores y les armes, Jules Bonnot dio nome a la célebre banda que, diendo nun de los primeros coches de la época, declaró la guerra a la sociedá burguesa, col sofitu de les clases populares parisines.

  • © 2019 Fundación de Cultura. Conceyu d’Avilés. | Avisu llegal |