Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2020 -Númberu 27 - Xineru 2020

Apúntate al nuestru boletín

Cine

Cine «Cine de los Martes» xineru/febreru 2020

Auditoriu de la Casa la Cultura, 20:15 h

Les proyeiciones pal primer ciclu del Cine de los Martes ye una esbilla fecha pa un públicu mui variáu y que presenta nomes esenciales del cine internacional, con un clater d'autor mui marcáu y qu'asoleya los nuevos valores y cinematografíes. 

Nesta ocasión, el cartel compónenlu 8 películes que recueyen propuestes de 2019 de seis nacionalidaes diferentes (España, Estaos Xuníos, Brasil, Suecia, Bélxica y Francia) y de xéneros variaos que van dende'l drama y el thriller hasta la comedia, l'aición y la comedia romántica.

Échenles toes nel auditoriu de la Casa la Cultura, una sala de cine bien afitada na ciudá, con una calidá téunica que meyoró muncho nos últimos años al mercar un proyeutor dixital nuevu en 2018 y una pantalla más grande que la de 2019.

El ciclu tien l'horariu de siempre,  les 20:15 y el mesmu preciu, 3 euros cada película.

Les entraes pueden comprase na taquilla de la Casa la Cultura, asina como n'internet na páxina web https://entradas.liberbank.es/palaciovaldes.

Ciclu

•              Martes, 7 de xineru. Día de lluvia en Nueva York (Estaos Xuníos, 2019)

•              Martes, 14 de xineru. Intemperie (España, 2019)

•              Martes, 21 de xineru. Ventaxes de viaxar en tren (España, 2019)

•              Martes, 28 de xineru. The Farewell (Estaos Xuníos, 2019)

•              Martes, 4 de febreru. Prósima (Francia, 2019)

•              Martes, 11 de febreru. La vida invisible d'Eurídice Gusmao (Brasil, 2019)

•              Martes, 18 de febreru. Ahmed, el mozu (Bélxica, 2019)

•              Martes, 25 de febreru. Sobre lo infinito (Suecia, 2019)

14 de xineru

Intemperie

Premios

5 nominaciones a los premios GOYA 2020 (entá nun se dieron)

Ficha Téunica:

Títulu Orixinal: Intemperie

País: España

Añu: 2019

Duración: 103 minutos

Direición: Benito Zambrano

Guion: Daniel Remón, Pablo Remón, Benito Zambrano (Novela: Jesús Carrasco)

Fotografía: Pau Esteve Birba

Montaxe: Nacho Ruiz Capillas

Música: Mikel Salas

Intérpretes: Luis Tosar, Luis Callejo, Jaime López, Vicente Romero, Manolo Caro, Kandido Uranga, Mona Martínez, Miguel Flor De Lima, Yoima Valdés, María Alfonsa Rosso, Adriano Carvalho, Juanan Lumbreras, Carlos Cabra

Argumentu

Un neñu que s'escapó del pueblu siente gritar a dos paisanos que lu tán buscando. Delantre d'él queda un llanu infinitu y ermu que tien de travesar si ye que quier tar lloñe del infiernu del que ta fuxendo. Los que lu persiguen trabayen pal capataz del pueblu, mientres que los pasos que va dando llévenlu hasta un pastor que-y da abellugu y, dende esi momentu, nada va ser igual pa nengún de los dos.

Dixeron d'ella

«El rellatu ye tensu, con una intriga que cada vez ye mayor, de llerza controlada, d'emociones seques. Zambrano grábalu con desolación, con regustu polo ermo y la miseria, física y moral. Les interpretaciones son tremendes.» Oti Rodríguez Marchante (ABC)

«Zambrano capta tremendamente l'atmósfera con unos maraviyosos planos xenerales y la banda sonora ye estupenda.» Juan Pando (Fotogramas)

«Con apuntes de xéneru, de western, de thriller y de road movie, ye áspera y cruda y Zambrano relluma cola direición d'intérpretes.» Javier Ocaña (El País)

21 de xineru

Ventajas de viajar en tren (Ventaxes de viaxar en tren)

Premios

7 nominaciones a los premios FEROZ 2020 (tovía nun se dieron)

4 nominaciones a los premios GOYA 2020 (tovía nun se dieron)

Ficha Téunica

Títulu Orixinal: Ventajas de viajar en tren

País: España

Añu: 2019

Duración: 102 minutos

Direición: Aritz Moreno

Guion: Javier Gullón (Novela: Antonio Orejudo)

Fotografía: Javier Agirre Erauso

Montaxe: Raúl López

Música: Cristobal Tapia de Veer

Intérpretes: Luis Tosar, Pilar Castro, Ernesto Alterio, Quim Gutiérrez, Belén Cuesta, Macarena García, Javier Godino, Javier Botet, Gilbert Melki, Ramón Barea, Daniel Horvath, Paco Sagarzazu

Argumentu

Helga, editora n'hores baxes, acaba de meter al home nun siquiátricu. nel tren de vuelta, un desconocíu preséntase-y como Ángel Sanagustín, siquiatra que trabaya na mesma clínica investigando trastornos de personalidá per aciu de los escritos de los y les pacientes. Pel camín, Ángel cuénta-y a Helga la historia de Martín Urales d'Úbeda, un enfermu paranoicu mui peligrosu obsesionáu, ente otres coses cola basura.

Dixeron d'ella

«Un aplausu pa la imprudencia y el coraxe en tiempos d'academicismu ramplón. Ye una película especial, ye un perru verde mui seductor dientro'l cine español. Ye estupenda y lóxicamente absurda.» Javier Ocaña (El País)

28 de xineru

The Farewell

Premios

Meyor Direutor Novel pa l'Asociación de Críticos de Chicago 2020

Nominación a Meyor Actriz y Meyor Película en Llingua non Inglesa en los Globos de Oro 2020

Ficha Téunica

Títulu Orixinal: The Farewell

País: Estaos Xuníos

Añu: 2019

Duración: 100 minutos

Direición: Lulu Wang

Guion: Lulu Wang

Música: Alex Weston

Retratos: Anna Franquesa Solano

Montaxe: Matt Friedman, Michael Taylor

Intérpretes: Awkwafina, Tzi Ma, Jim Liu, Gil Perez-Abraham, Diana Lin, Yongbo Jiang, Shuzhen Zhou

Argumentu

En descubriendo que lo so querida matriarca tien un cáncanu nel pulmón terminal, la familia decide que nun-y lo van dicir, y convoquen una reunión familiar en China a la que s'espera vaigan toles persones de la familia que la conocieron a lo llargo tola vida. Como'l pá y la ma de Bili, que viven en Nueva York, nun quieren participar no que consideren una mentira, la so fía, testerona y moza, marcha pa China pa poder dispidise de la güela y, de pasu, volver a xunise cola familia, separada por culpa la distancia.  

Dixeron d'ella

«Lo que podría ser el argumentu d'una comedia negra alloriada ye'l retratu familiar con más tristura y más candial del añu.» Daniel de Partearroyo (Cinemanía)

«Wang muévese sele ente lo cenciello y lo raro, toca temes mui serios y, lo que más hai de destacar, ye que lo fai ensin recargalo.» María Caballero (Fotogramas)

«Awkwafina ye'l centru d'un repartu perfeutamente encaxáu que piensa sobre les dinámiques familaires chines, convirtiendo la comedia conmovedora y amarga de Lulu Wang nuna delicia mui prestosa.» David Rooney (The Hollywood Reporter)

4 de febreru

Próxima

Premios

Premiu Especial del Xuráu nel Festival de Cine de San Sebastián 2019

Ficha Téunica

Títulu Orixinal: Proxima

País: Francia

Año: 2019

Duración: 107 minutos

Direición: Alice Winocour

Guion: Alice Winocour, Jean-Stéphane Bron

Retratos: Georges Lechaptois

Montaxe: Julien Lacheray

Música: Ryuichi Sakamoto

Intérpretes: Eva Green, Matt Dillon, Lars Eidinger, Sandra Hüller, Jan Oliver Schroeder, Nancy Tate, Marc Fischer, Zélie Boulant, Alexey Fateev, Vitaly Jay, Birger Frehse

Argumentu

Sarah ye una astronauta francesa que s'entrena n'Axencia Espacial Europea en Colonia. Ye la única muyer dientro d'esi programa tan duru. Vive sola con Stella, la so fía de siete años. Sarah siéntese culpable porque nun pue pasar más tiempu cola neña. El so amor ye atosigante, inquietante. Escueyen a Sarah pa tar na tripulación d'una xera espacial que dura un añu llamada Proxima, y hai un caos na rellación madre y fía.

Dixeron d'ella

«Dosis equilibraes d'emoción y información. La película manexa con munchu aciertu tolo que quier contar de verdá.» Oti Rodríguez Marchante (ABC)

«Una esploración con munchu xacíu, emocionante y crítica de les dificultaes reales de les muyeres pa conciliar. Con un realismu delicáu y elegante.» Desirée de Fez (Fotogramas)

«El rellatu pasa tol tiempu con un tonu exemplar con un equilibriu mui complicáu y acaba por entregar un retratu femeninu (y feminista) mui potente. En definitiva, un retratu poliédricu d'una muyer de verdá. Una conquista mui importante.» Carlos F. Heredero (Caimán)

11 de febreru

La vida invisible d'Eurídice Gusmao

Premios

Meyor Película d'A Certain Regard nel Festival de Cine de Cannes 2019

Premiu del Públicu nel Festival de Mar de Plata 2019

4 premios (incluyendo Espiga de Plana y Meyor Actriz) na Seminci 2019

Meyor Fotografía y Meyor Direición Artística nel Festival de la Habana 2019

Ficha Téunica

Título Orixinal: A vida invisível d'Eurídice Gusmão

Nacionalidá: Brasil

Añu: 2019

Duración: 139 minutos

Direición: Karim Aïnouz

Guion: Murilo Hauser, Inés Bortagaray, Karim Aïnouz (Novela: Martha Batalha)

Fotografía: Hélène Louvart

Música: Benedikt Schiefer

Intérpretes: Fernanda Montenegro, Carol Duarte, Gregório Duvivier, Cristina Pereira, Flavio Bauraqui, Maria Manoella, Júlia Stockler, Nikolas Antunes

Argumentu

Ríu de Xaneiru, 1950. Dientro la conservadora casa de la familia portuguesa Gusmão, Eurídice, de 18 años, y Guida, de 20, son dos hermanes inseparables que se procuren un espaciu seguru pa les sos esperances y aspiraciones. Mentantu que Guida tien na so hermana pequeña una confidente fiel de les sos aventures romántiques, Eurídice atopa na so hermana mayor que ye mui fuerte l'aliendu  que necesita pa persiguir el so suañu de convertise en pianista profesional.

Dixeron d'ella

«Aïnouz xuega coles regles del folletín de forma eficiente, con un bon ritmu y ensin cayer en sorrayaos  que nun son necesarios.» Ángel Quintana (Caimán)

«Aïnouz da-y a los sos personaxes una fondura sicolóxica sorprendente, y que los fai andar per un universu que rezuma señardá, pero nel que tamién hai momentos prestosos.» Nando Salvá (El Periódico)

«La so variedá de tonos ye muncho más complicada de lo que la historia principal puede suxerir, navegando ente paisaxes seductores y tristes, tienros y crudos.» David Rooney (The Hollywood Reporter"

«Un melodrama estimulante qu'algama un nivel superior gracies al estilu de Karin Aïnouz, tan especial como saturáu.» Guy Lodge (Variety)

18 de febreru

Ahmed el mozu

Premios

Premiu a la Meyor Direición nel Festival de Cine de Cannes 2019

Premios a Meyor Guion y Meyor Montaxe na SEMINCI 2019

Ficha Téunica

Títulu Orixinal: Le jeune Ahmed

País: Bélgica

Añu: 2019

Duración: 84 minutos

Direición: Jean Pierre Dardenne y Luc Dardenne

Guion: Jean Pierre Dardenne y Luc Dardenne

Retratos: Benoît Dervaux

Repartu: Idir Ben Addi, Olivier Bonnaud, Myriem Akheddiou, Victoria Bluck, Claire Bodson, Othmane Moumen.

Argumentu

Na Bélxica d'anguaño, el destín d'Ahmed, un neñu que sólo tien 13 años, quedó atrapáu ente los ideales de pureza del que-y fala'l so imán y les pasiones de la vida.

Dixeron d'ella

« El so cine recupera l'aura d'impecabilidá con un tema que, precisamente, paez que sólo pueda tratase aplicando la so fórmula.» Victor Esquirol (Filmaffinity)

«Los Dardenne creen nel poder combativu del cine. Y afirmen que, pa qu'ello tenga valor, tien de partir d'unes imáxenes llimpies ensin de todo artificio.» Miguel Ángel Palomo (Filmaffinity)

«Los direutores  son quien a crear desosiegu con esta criatura preparada pa facer tolo peor en nome de la fe, al serviciu ciegu del so únicu Dios.» Carlos Boyero (El País)

«Nun hai dulda de qu'una película sobre esti asuntu tremendu pue ser más abegosa, más tráxica...pero la de los Dardenne ye asina, sele, ensin nervios, ensin clichés, y esplica tan bien el porqué que nun necesesita más efeutos .» Oti Rodríguez Marchante (ABC)

25 de febreru

Sobre lo infinito

Premios

Premio León de Plata y Meyor Direutor nel Festival de Venecia 2019

Meyores Efeutos Especiales nos Premios del Cine Européu 2019

Ficha Téunica

Títulu Orixinal: Om det oändliga

Nacionalidá: Suecia

Añu: 2019

Duración: 78 minutos

Direición: Roy Andersson

Guion: Roy Andersson

Retratos: Gergely Pálos

Intérpretes: Martin Serner, Jessica Louthander, Tatiana Delaunay, Anders Hellström, Jan-Eje Ferling, Thore Flygel, Stefan Karlsson, Bengt Bergius, Marie Burman, Amanda Davies, Karin Engman, Lotta Forsberg, Göran Holm, Lars Lundgren, Stefan Palmqvist, Vanja Rosenberg, André Vaara, Magnus Wallgren

Argumentu

Inspirada nel cuentu de Les mil y una nueches, nesa riestra  histories d'oriente mediu y d'historia india que presten tanto, pretende ser una mestura n'orden de les etapes diferentes peles que va pasando un ser humanu, dende los momentos más guapos de la esistencia hasta'l despertar intelectual que nos lleva a intentar guardar la vida como una ayalga y a comaprtila coles personaes a les que queremos.  

Dixeron d'ella

«Andersson invita a la risa y a la reflexón col so trabayu nuevu sobre los males del mundu modernu. Ye tremenda ensin cayer na crueldá, emocionante pero enxamás sentimentalista, ambiciosa pero refugando lo recargao.» Manu Yañez (Fotogramas)

«Insiste nes claves d'un cine deslumbrante esculpíu en silenciu Como siempre, como cada pieza de porcelana cinematográfica d'Andersson, maxistral.» Luis Martínez (El Mundo)

«Una riestra escenes que plasmen, feches con munchu procuru nes que, al  traviés del humor absurdu y una misantropía cariñosa, pue suxerise que la raza humana ye un sitiu nel que tar, delles veces amable y al mesmu tiempu  desoladoramente abegosu al que pertenecer.» Nando Salvá (El Periódico)

«Una comedia divina con momentos d'inxeniu diabólicu. Almes perdíes y corazones solitarios viven na continuación rara y prestosa d'Una palomba sentóse nuna rama pa pensar na esistencia." Xan Brooks (The Guardian)

Más información

Casa la Cultura

Pz Domingo Álvarez Acebal, 2

33402 Avilés. Asturies

T: 985 510 045 / 985 510 452

HORARIU

Llunes a vienres • 08:30 a 21:30 h

Sábados • 09:00 a 21:00 h

Domingos y festivos • 09:00 a 14:00 h

HORARIU XUNETU Y AGOSTU

Llunes a vienres • 08:30 a 14:00 h y de 16:00 a 21:30 h

Sábados • 09:00 a 14:00 h

Domingos y festivos • pesllao

Calendariu d’eventos

anterior Marzu 2020 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Axenda

  • 05/03/2020
  • 09/03/2020
  • 12/03/2020
  • 23/03/2020 al 31/03/2020
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2020 Fundación de Cultura. Conceyu d’Avilés. | Avisu llegal |