Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 32 - Abril 2021

Apúntate al nuestru boletín

Cine

Cine «Cine de los Martes» xineru/febreru 2021

Auditoriu de la Casa la Cultura, 19:30 h

Vuelve a la Casa la Cultura'l Cine de los Martes pa disfrutar en versión orixinal de les meyores películes.

Estes películes ye la primer vez que vienen a Avilés y tien una riestra premios internacionales. Les persones cinéfiles van poder disfrutar  de comedies, drames o suspenses pagando tres euros por cada película, too esto en versión orixinal con subtítulos. Y, claro ta, con toles midíes de seguridá garantizaes qu'esixe la normativa por culpa la pandemia respeutu a la hixene y a la distancia social.

Hai películes españoles de direutores de renome como Icíar Bollaín o Juanma Bajo Ulloa. Y actores con fama internacional como Anthony Hopkins. Tamién hai espaciu pal cine menos conocíu como'l xeorxanu y pal documental de muncha calidá.

La programación nueva entama'l martes 12 cola película española La boda de Rosa, Premiu Especial del xuráu nel últimu Festival de Málaga.

Toles proyeiciones son a les 19:30 hores na Casa la Cultura, les entraes tienen un coste de 3 € y pueden comprase na taquilla de la Casa.

Calendariu de proyeiciones

Martes, 12 de xineru. La boda de Rosa

Martes, 19 de xineru. Beginning

Martes, 26 de xineru. Para Sama (Pa Sama)

Martes, 2 de febreru. Regreso a Hope Gap (Vuelta pa Hope Gap)

Martes, 9 de febreru. Baby (Bebé)

Martes, 23 de febreru. El padre


Ciclu  

12 de xineru

La boda de Rosa

Premios

Premiu Especial del Xuráu nel Festival de Málaga 2020

Meyor Actriz Secundaria nel Festival de Málaga 2020

Ficha Téunica

Títulu Orixinal: La boda de Rosa

Nacionalidá: España

Año: 2020

Duración: 100 minutos

Direutora: Icíar Bollaín

Guion: Icíar Bollaín, Alicia Luna

Música: Vanessa Garde

Semeyes: Sergi Gallardo, Beatriz Sastre

Intérpretes: Candela Peña, Sergi López, Nathalie Poza, Paula Usero, Ramón Barea

Argumentu

A puntu cumplir 45, Rosa dase cuenta de que vivió siempre pa los demás y decide marchar, dexalo too y apretar el botón nuclear. Quier tomar les riendes de la so vida y cumplir el suañu de tener un negociu propiu. Al poco va descubrir que'l padre, los hermanos y la fía tienen otros planes, y que cambiar de vida nun ye fácil si nun ta nel guion familiar.  

Dixeron d'ella

"Una película preciosa de reconciliación y tamién de compromisu." Beatriz Martínez (Fotograma)

"Una traxicomedia que se mete nes coraes dende la primer secuencia hasta la última, perfeuta en tolos ámbitos artísticos, preciosa, divertida, agobiantes, absurda, festiva y diabólicamente aterradora y feliz. Como la vida mesma." Javier Ocaña (El País)

"Candela Peña ye quien a facer creíble esta comedia prestosa y atrevida dirixía por Icíar Bollaín, que torna al espíritu allegre de la so primer película. Síguese'l so metraxe con una sonrisa nos llabios." Alfonso Rivera (Cineuropa)

19 de xineru

Beginning

Premios

Concha d'Oru a la Meyor Película nel Festival de Cine de San Sebastián 2020

Premios a Meyor Direición, Meyor Actriz y Meyor Guion nel Festival de Cine de San Sebastián 2020

Premiu Fripresci nel Festival de Cine de Toronto 2020

Ficha Téunica

Títulu Orixinal: Dasatskisi

Nacionalidá: Xeorxa

Añu: 2020

Duración: 130

Direutor: Dea Kulumbegashvili

Guion: Dea Kulumbegashvili, Rati Oneli

Música: Nicolas Jaar

Retratos: Aesheni Khachaturan

Intérpretes: Ia Sukhitashvili, Rati Oneli, Kakha Kintsurashvili

Argumentu

Nun pueblu tranquilu de provincies, un grupu estremista ataca una comuña Testigos de Xehová. En plenu conflictu, el mundu de Yana, la muyer del cabezaleru la comuña, va esmoronándose pocu a pocu.

Yana ta cada vez más mal a gustu consigo mesma lluchando por atopar sentidu a les coses poles que nagua.

Dixeron d'ella

"La película meyor y más sorprendente del añu. Ye película y, sobre too, ye una primer obra maestra, seminal, orixinal y pura xénesis". Luis Martínez (El Mundo)

"En cometiendo la temeridá de volver a vela, el mio pasmu delantre Beginning nun amenorgó y sigo considerándola una de les obres más especiales, enguedeyaes y apolmonantes que nenguna otra". Oti Rodríguez Marchante (ABC)

"Ablucante opera prima. Tien de contase dende agora mesmo como ún de los mayores logros del cine d'esti sieglu". Carlos Losilla (Caimán)

"Ye una opera prima, pero al vela naide lo diría. Anda con una firmeza apabullante pela llende fina que separa'l retratu realista de la parábola relixosa, con una interpretación demoledora de Sukhitashvili". Nando Salvá (El Periódico)

26 de xineru

Para Sama (Pa Sama)

Premios

Premiu BAFTA al Meyor Documental 2020

Nominada al Oscar a Meyor Película Documental 2020

Meyor Película y otros 3 premios nos British Independent Award 2020

Meyor Documental nos Premios del Cine Européu 2020

Ficha Téunica

Títulu Orixinal: For Sama

Nacionalidá: Reinu Xuníu

Añu: 2019

Duración: 93 minutos

Direutor: Waad al-Kateab, Edward Watts

Música: Nainita Desai

Retratos: Wadd al-Kateab

Intérpretes: Documental

Argumentu

Un muyer moza llucha por xunir l'amor, la guerra y el so papel como madre nos cinco años que duró la guerra de Siria.

Dixeron d'ella

"Grabada con urxencia ente'l fumu les bombres, les imáxenes caseres de Pa Sama son pura supervivencia. Ye una película tan dolorosa y dura qu'en munchos momentos resulta isoportable mirala". Elsa Fernández-Santos (El País)

"Ye una película que duel y mueve les conciencies. Falar d'estética o de recursos cinematográficos ye una caxigalina. Hai películes necesaries, nes que delantre d'elles les polítiques del gustu nun tienen sentidu. Lo único que podemos facer ye glayar, pensar y actuar". Ángel Quintana (Caimán)

"Ningún documental, y menos daqué que nun ye de verdá, foi quien a recoyer d'una manera tan impactante y íntima un conflictu. Por eso cuesta mirar la pantalla al ver Pa Sama, pero al mesmu tiempu ye necesario facelo". Janire Zurbano (Cinemanía)

"¿Qué fai qu'un estudiu d'un conflictu seya más importante qu'otru? La rempuesta ta no especial que ye y na intimidá del so enfoque. Nesti sen Pa Sama nun hai quien la iguale". Guy Lodge (Variety)

2 de febreru

Regreso a Hope Gap  ( Tornando a Hope Gap)

Ficha Téunica

Títulu Orixinal: Hopa Gap

Nacionalidá: Reinu Xuníu

Añu: 2019

Duración: 100 minutos

Direutor: William Nicholson

Guion: William Nicholson

Música: Alex Heffes

Retratos: Anna Valdez-Hanks

Intérpretes: Annette Bening, Bill Nighy, ALysha Hart, Josh O'Connor, Rose Keegan, Nicholas Burns, Sally Rogers, Steven Pacey.

Argumentu

Edward decide dexar a la so muyer Grace dempués de tar casáu con ella 29 años. Dende esti momentu, caún d'ellos, a la so manera, va buscar la forma de refacer la so vida nun pueblu costeru pequeñu de los cantiles d'Hope Gap.

Dixeron d'ella

"Les interpretaciones apautaes y perbones al llau del ritmu contaxósamente sonámbulu de la historia son quien a rescatar la película de tolos peligros evidentes". Luis Martínez (El Periódico)

"L'ambientación, el ritmu y el sentimentalismu son los que tienen de ser p'afayar una bona dixestión, y la interpretación de Benning y Nighy ta llarada de tolos ingredientes que tan bon tastu dan a la pantalla". Oti Rodríguez Marchante (ABC)

"Drama intimista y conteníu. La película avanza bien guapa y ensin estridencies, calma y madura, como los sos personaxes protagonistes". Marta Medina (El Confidencial)

"Drama d'una calma alterada. Una reflexón amarga a tres voces, n'off o en diálogos demoledores, pa una película tan dura y de verdá como desnuda n'artificios". Fausto Fernández (Fotogramas)

9 de febreru

Baby (Bebé)

Premios

Meyor Banda Sonora Orixinal nel Festival de Sitges 2020

Ficha Téunica

Títulu Orixinal: Baby

Nacionalidá: Espasa

Añu: 2020

Duración: 104 minutos

Direutor: Juanma Bajo Ulloa

Guion: Juanma Bajo Ulloa

Música: Bingen Mendizabal, Koldo Uriarte

Fotografía: Josep M. Civit

Intérpretes: Natalia Tena, Harriet Samson Harris, Rosie Day, Charo López, Mafalda Carbonell, Susana Soleto, Natalia Ruiz, Carmen San Esteban.

Argumentu

Una moza drogadicta preñada pare en mediu d'una de les sos crisis. Nun ye quien a ocupase del neñu y entós véndelu a una comadrona que se dedica a traficar con neños y neñes. Arrepentida, la rapaza, intentará recuperalu.

Dixeron d'ella:

"Arranca como una obra maestra con unos primeros minutos que nun se pueden escaecer respeuto a imaxen, sonorización y emoción alredor d'una vida en pañales, y termina con una guapura preciosa". Javier Ocaña (El País)

"Impresionante y ensin pallabres Bajo Ulloa. Nun hai una llinia de diálogu y nun hai un planu solu que nun contenga una mestura sorprendente de guapura y llaceria". Oti Rodríguez Marchante (ABA)

"Juanma Bajo Ulloa sigue desmostrando que nun ye un cineasta que s'apoltrone con esti cuentu macabru arriesgáu, ensin una sola llinia de diálogu, al que s'adora con allabances o s'aborrez fondamente". Alfonso Rivera (Cineuropa)

"El talentu del cineasta vascu enxamás parpadeó y equí destila dafechu la so sofisticación, per aciu d'una narración visual tan afinada que nun necesita nin diálogos. Otra pieza d'orfebrería de Bajo Ulloa que dexa ensin pallabres". Daniel de Partearroyo (Cinemanía)

23 de febreru

El padre

Premios

Premiu del Públicu nel Festival de San Sebastián 2020

Premiu a Meyor Actor y a Meyor Direición Nobel pa l'Asociación de Críticos de Boston 2020

Premiu a Meyor Montaxe pa l'Asociación de Críticos de Los Ánxeles 2020

Ficha Téunica

Títulu Orixinal: The Father

Nacionalidá: Inglesa

Añu: 2020

Duración: 97 minutos

Direutor: Florian Zeller

Guion: Florian Zeller, Christopher Hampton (sobre obra de Florian Zeller)

Retratos: Ben Smithard

Intérpretes: Anthony Hopkins, Olivia Colman, Imogen Poots, Mark Gatiss, Olivia Williams, Rufus Sewell, Evie Wray, Ayesha Dharker.

Argumentu

Anthony (Anthony Hopkins), un home de 80 años con un puntín de maldá, un poco enredón y que d'una forma mui necia decidió vivir solu, refuga tolos y toles cuidadores que la so fía Anne (Olivia Colman) intenta contratar pa que lu ayuden en casa. Ta desesperada porque nun puede dir velu tolos díes y siente que la cabeza'l padre ta entamando a fallar y que se desconecta cada vegada más de la realidá. Anne sufre la pérdida que va teniendo'l padre poco a poco según se va estropiando la cabeza d'él, pero tamién s'agarra al derechu a vivir la so propia vida.  

Dixeron d'ella

"Un retratu brutal y enguedeyáu de cómo se tien de sentir daquién que ta perdiendo la so xunión cola realidá, nuna interpretación de Hopkins que ye pa Oscar". Benjamín Lee (The Guardian)

"Da una visión aguda, equilibrada y enforma esclarecedora de la demencia y los estragos que sufren los qu'arrodien a les persones que la sufren. La perda de memoria enxamás se representó d'una forma tan fonda como equí". Todd McCarthy (The Hollywood Reporter)

"Anthony Hopkins ta inolvidable. La película tien una humanidá tan rica que nun da pie a nada nihilista o tormentoso". Richard Lawson (Vanity Fair)

"Orquestada estupendamente bien y con dos interpretaciones que nun se pueden escaecer, esta forma de calase del cine tan nueva y tan elegante na demencia senil, resulta inevitablemente conmovedora, dura y real". Carmen L. Lobo (La Razón)

"Tien una execución tan brillante como cenciella, una puesta n'escena, un trabayu d'arte perintelixentes y unes interpretaciones maxistrales que van metiendo al públicu nuna confusión total". Adrea G. Bemejo (Cinemanía)

Más información

Casa la Cultura

Pz Domingo Álvarez Acebal, 2

33402 Avilés. Asturies

T: 985 510 045 / 985 510 452

HORARIU

Llunes a vienres • 08:30 a 21:30 h

Sábados • 09:00 a 21:00 h

Domingos y festivos • 09:00 a 14:00 h

HORARIU XUNETU Y AGOSTU

Llunes a vienres • 08:30 a 14:00 h y de 16:00 a 21:30 h

Sábados • 09:00 a 14:00 h

Domingos y festivos • pesllao

  • © 2021 Fundación de Cultura. Conceyu d’Avilés. | Avisu llegal |