Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Esposiciones

Esposición «50 M2. I Bienal de Acuarela Villa de Noja»

Centru Municipal d'Arte y Esposiciones d'Avilés (CMAE). Dende'l 29 de payares de 2018 hasta'l 9 de xineru de 2019

El Centru Municipal d'Arte y Esposiciones d'Avilés, acueye la esposición 50 M2. I Bienal d'Acuarela Villa de Noja, que xunta les obres de dalgunes de les y los pintores, maestres y maestros de l'acuarela, de más renome del panorama artísticu español contemporaneu.

L'amuesa, que llega al CMAE col puxu de la conceyalía de Cultura del Conceyu d'Avilés, recueye'l trabayu de 55 de les y los meyores acuarelistes d'anguaño n'España, que xunten ente toos y toes más de 2.000 premios y galardones, tanto naciolaes como internacionales.

Son obres de gran formatu, de 1 x 1 metros, que van dende la espresión astrauta, hasta'l realismu, con tema llibre. Podrán almirase dende marines a paisaxes, dende bodegones hasta pieces figurtives, espacios urbanos, interiores, retratos...Con téuniques pictóriques más o menos húmedes, y incluso mestes.

Ente les pintores y los pintores participantes, de varios sitios d'España, ta l'avilesín Amado González Hevia Favila.

Esta bienal ñació cola intención firme d'averar una téunica tan enguedeyada de dominar como l'acuarela, al públicu en xeneral. La so primer edición, entitulada Noble Villa de Portugalete, superó en dos años los 100.000 visitantes nos diferentes puntos d'España, ente ellos Avilés, nel CMAE, en 2016 pel branu.

Esa vez, l'amuesa entamó en Noja, el pueblu de Cantabria que-y da nome a la bienal, ta patrocinada pol Conceyu d'esi pueblu y la Diputación de Cantabria. La repercusión d'esta edición ta superando a la primera, en tolos sitios pelos que pasó, dende Noja hasta Palencia, Terrasa, Roquetas de Mar, Burgos y Girona, dende onde llega a Avilés.

Más información

Centru Municipal d'Arte y Esposiciones (CMAE)

C/ Llano Ponte, 49

33402 Avilés. Asturies

T: 985 129 004

Martes a domingu: 18:00 a 21:00 h

Entrada de baldre

  • © 2019 Fundación de Cultura. Conceyu d’Avilés. | Avisu llegal |