Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 23 - Xineru 2019

Apúntate al nuestru boletín

Esposiciones

Esposición «Que nos quiten lo leído. 30 años de Lliteratura Infantil y Juvenil en Asturias»

Palaciu de Valdecarzana. Dende'l 11 de xineru hasta'l 8 de febreru de 2019

Esa frase tan popular «que nos quiten lo baillao» (que, concretando, tendría de ser «que me quiten lo que yá baillé»), significa que nun pueden arramplar con tolo que nos prestó lleer, nin pueden robar el posu, la marca, la güelga que nos dexaron los llibros que nos prestaron o los que nos mancaron, los que nos ficieron vivir otres vides y nos ficieron pensar coses diferentes a les que taben llantaes. D'ehí'l títulu de la esposición: Que nos quiten lo lleío.

Con esta frase quier englobar lo qu'en realidá ye la llectura: otra vida xunto cola nuestra, que nos enllena y que vivimos como si fuera la nuestra propia vida. Esa vivencia de mentira, mientres la vamos esperimentando coles pallabres impreses d'un cuentu o d'un rellatu d'aventures, por poner dos exemplos, déxanos no más fondero del nuestru ser un sucu, un camín, una vereda, una amrca, un impactu y, delles veces, hasta una mancadura; esto ye, impresiónanos col so doble significáu: pero un llau altera l'animu y hasta nos cambia la forma de comportanos, y dexa un rexistru impresu na nuestra memoria que nun pue esborrase enxamás.

Na esposición Que nos quiten lo lleído. 30 años de Lliteratura Infantil y Moza n'Asturies, que recala n'Avilés pa que pueda vese nel Palaciu de Valdecarzana, recuéyense casi cien llibros d'autores asturianos y asturianes o que vivan n'Asturies; homes y muyeres que fueron marcando siempre a llectores diferentes nestos últimos trenta años. Y que ¡qué maraviya! tamién va emocionar a quien tenga la suerte de descubrilos agora. Estos y estes son llectores que, magar nun lleeren namái qu'un llibru solu de tolos llibros que s'enseñen equí, podríen dicir al altu la lleva mui felices: ¡Que nos quiten lo lleío!

Más información

Organiza: Biblioteca Pública Jovellanos

Patrocina: Gobiernu del Principáu d'Asturies

Collabora: Fundación Municipal de Cultura d'Avilés

Comisariu, testos y semeyes: Paco Abril

Maquetación y diseñu: Ana López Chicano

Sede n'Avilés:

Palaciu de Valdecarzana

Cai del Sol, 2

33402 Avilés

T. 985 510 667

Calendariu d’eventos

anterior Febreru 2019 siguiente
ll ma mi xu vi do
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28

Axenda

Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |