Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Esposiciones

Esposición «La naturaleza del agua», de Mar Sueiras

Palaciu de Valdecarzana. Dende'l 29 de marzu hasta'l 16 d'abril de 2019

La natura l'agua

Nos sistemes de representación de la pintura estremuoriental y europea decatámonos d'una conceición «horizontal», qu'intervién na forma d'atalantar el so espaciu. Ensin embargu, esta ye diferente según les lleis de la perceición baxo les qu'intervién. Asina, escontra l'espaciu pictóricu d'Occidente, que s'entiende dende un puntu de vista de referencia fixu na llinia l'horizonte, atopamos el desplazamientu llinial del espaciu d'Asia Oriental.

Nesti contestu, l'entendimientu del espaciu de los Nenúfares de Monet, trescendió'l dogma de la perspeutiva europea, recreando una riestra superficies bidimensionales que se resuelven per aciu d'una secuencia horizontal que ¿podría ser que'l pintor la conociera al traviés de los e makimono y byôbu xaponeses? Dende esta cuestión, Mar Sueiras desenvolvió los  sos proyeutos d'anguaño dientro de la investigación del Área d'Estética Comparada del Grupu d'Investigación Reconocíu Humanismu Eurasia (HUME) de la Universidá de Salamanca: una tesis doctoral y esti proyeutu pictóricu onde -con un homenaxe a Monet fechu con munchu ciñu- recréase esta forma especial de decatase del espaciu, viendo los reflexos del agua. Un metallinguax pa falar del espaciu representando'l so reflexu y plantegando un xuegu ente lo real y lo imaxinao.

Unes pintures horizontales que, pa esto, emplegaron formatos o composiciones que nos enseñen, d'una forma rara, la non temporalidá del tiempu y lo infinito del espaciu, mientres la mirada va dirixéndose usando un ensame de secuencies. Un fluxu temporal al que, como un traveling o esperiencia espacial, los xaponeses nomaron michiyuki ???: la perceición d'un percorríu que suxere l'espaciu y que lu camuda nun tiempu que s'espresa como un momentu que fluye. En resume, La Natura l'Agua.

Conferencia

Vienres, 29 d'abril, a les 19:30 h

La experiencia del espacio en la pintura japonesa, va dala Mar Sueiras Prieto, con motivu de la so esposición La naturaleza del agua.

Mar Sueiras ye doctoranda en Belles Artes pola Universidá de Salamanca. Téunicu superior en Dibuxu publicitariu pola Escuela d'Arte d'Uviéu, Máster n'Estudios d'Asia Oriental col que pudo estudiar chinu, coreanu y xaponés. Miembru del Área d'Arte y Estética Comparada del Grupu d'Investigación Reconocíu de la Universidá de Salamanca HUME (Grupu d'Humanismu Eurasia) Proyeutu d'Investigación Antropolóxica Tresversal del Conocimientu. Espublizó artículos d'investigación en revistes académiques y dio charres na Universidá de Salamanca. El so llabor profesional desarrollóse na estaya del diseñu y del dibuxu prublicitariu. Da clases y talleres de pintura, dibuxu, cerámica y diseñu. La esperiencia del espaciu na pintura xaponesa, ta dientro de la so tesis doctoral.

Polípticu de la esposición

Más información

Palaciu de Valdecarzana

Cai del Sol, 2

33402 Avilés

T. 985 510 667

Entrada llibre y de baldre 

Calendariu d’eventos

anterior Agostu 2019 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Axenda

  • 21/08/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |