Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 24 - Abril 2019

Apúntate al nuestru boletín

Esposiciones

Esposición «ALFARERÍA TRADICIONAL D'ESPAÑA: el cántaru pirenaicu»

XI Xornaes d'Alfarería, Avilés 2019 Centru Municipal d'Arte y Esposiciones (CMAE). Dende'l 12 d'abril hasta'l 9 de mayu de 2019

El cántaru pirenaicu

La esposición ALFARERÍA TRADICIONAL D'ESPAÑA : el cántaru pirenaicu, allugada dientro de les XI Xornaes d'Alfarería d'avilés, patrocinaes pol Conceyu de la ciudá, xunta nel Centru Municipal d'Arte y Esposiciones (CMAE) una esbilla de noventa pieces que pola so morfoloxía, ensin comparanza con tola riestra formes qu'hai n'alfarería española, merecen que se-yos dedique una edición nes Xornaes. 

Poro, ye la primer vez que les persones que vean laPedarra d'Ollerías (Legutio. Araba/Álava). Col. Gordailua esposición van poder contemplar una coleición asina de  singulares pedarres, dournes, dolls, orjols o poals, una esbilla única nel mundu qu'axunta lo más significativo de cada xeografía, cacíos fechos y usaos na fastera con influyencia del Pirinéu, marcada por una orografía de llendes ente dos páises, España y Francia, cargada d'historia y cultures propies, enforma enraigonaes, siendo reflexu fiel d'ello les formes alfareres que componen el cántaru pirenáicu, adautaes a usos y costumes de les persones que-y dieron identidá a cada requexu tresmontanu.

Dourne de Astarac (Gers. Francia). Col. Emila y RafaelLos Pirineos, o'l Pirinéu (en francés Pyrénées, en catalán Pirineus, n'occitanu Pirenèus, n'euskera Pirinioak) ye una cordelera que va dende l'Atlánticu (golfu de Bizkaia) hasta la oriella del Mediterraneu (cabu de Creus), marcando les llendes ente Francia (Nueva Aquitania y Occitania col Languedoc-Rosellón) y España (Euskadi, Nafarroa, Aragón y Catalunya), y el Principáu d'Andorra. Munchu territoriu con una actividá económica marcada por un dominiu agropecuariu que fizo que xeres de la tierra y del ganáu se nutrieren de l'alfarería pa cubrir necesidaes doméstiques propies de los asentamientos de la xente pa un sitiu y pa otru de la cordelera.

Dourne de Réaup-Lisse (Lot y Garona. Francia). Col. Ana I. SanzComo novedá, nesta edición de les XornaesDoll de Quart (Girona). Col. Muséu de la Terrisa de Quart d'Alfarería  d'Avilés, ye la forma, la estética, l'exe de la esposición, por eso diferente que tienen esos cacíos espuestos que los fae únicos, y non tanto  poles llendes territoriales o por un usu específicu -magar que la mayoría de les pieces esbillaes tienen en común ser preseos pal agua, nun hai de desaniciar pola morfoloxía, otres fabricaes pa guardar aceite o vinu, casu de los dolls de Quart del s. XVIII (de perfil diferente al doll tipu Cadaqués,  pero mui interesantes polo rotundos que son pola forma que tienen), o les xarres o buiras occitanes  pal aceite.

Orjol de Castelnaudary (Aude. Francia). Col. Ágata y PacoQuien visite la esposición va atopase nel CMAE conPoal (pozal) de Quart (Girona). Col. Museo del Cántaro pedarras del País Vascu  (n'euskera, Euskal Herria o Euskadi) col so carauterísticu esmalte blanco d'estañu, plomu y sable; de Navarra (n'euskera, Nafarroa), o con dournes, buiras y orjols d'Iparralde (País Vascu francés) y d'otres zones frances d'Aquitania y d'Occitania; asina como poals (pozales) documentaos  yá nel s. III d.C., usaos pa sacar agua de los pozos -a lo primero ensin pitorru, que se va poner dempués pa beber direutamente del cacharru-, y dolls d'orixen medieval de tierres catalanes (Figueres, Quart, La Bisbal d'Empordà, Blanes, Ripoll, Belasú, en Girona, ente otros), destacando'l nomáu «doll de Cadaqués», d'un color verde verde y brillante, fabricáu en Figueres lo que resulta mui sorprendente, porque ellí había mui poca agua potable nes cases, por culpa la filtración d'agua salao de la mar nos pozos. Y tamién llama l'atención,  la cantidá pedarras de cobre y llatón que pue vese nel CMAE, documentaes yá nel sieglu XVI.

Pedarra de Durango (Bizkaia). Col. Euskal Museoa - Bilbao - Museo VascoLa  pedarra (pegarra, pearra, kantarue, pega o pegas...) pudiere llegar a la  Península al entrar pel sur del Pirinéu, alfareros, teyeros y baldoseros franceses pal territoriu vascu y entós ellos traxeron la dourne (durno, cagnotte,Dourne de Castandet (Landa. Francia). Col. Bitoriano Larrañaga oursse, terras, péadérate, poega, banoe...), con nomes diferentes pa referise a estos cacíos según la fastera de cada país, con un orixen que llega hasta la dómina carolinxa (s. VIII), sofitándose nel descubrimientu nun yacimientu en Saint-Lézer (Altos Pirineos), pol arqueólogu Roland Coquerel d'un cacíu asemeyáu a la dourne, d'esta época.

Cacíu de l'alfarería pirenaico, rangu qu'algama pola forma que tien como si fuere una tetera grande (la tetera asturiana de Faro, Uviéu, ye mui paecía, pero muncho más pequeña), polo grande que ye -con hasta 40 centímetros de diámetru y una altura de 30 centímetros-, y pola so  morfoloxía tan achaplada y especial , con un centru de gravedá baxu, polo que tien muncha estabilidá cuando va enllena d'agua na cabeza, física pura; trabayu que facía la muyer, poniendo una corra (sorkixa n'euskera nel País Vascu y burute en Navarra), como se pue ver nes imáxenes que tán xunto colos cacíos de la esposición como recursu didáuticu pa que l'espectador o la espectadora entienda meyor pa que s'usaben y les costumes qu'había enantes.  

Potina de Zegama (Gipuzkoa). Col. Muséu d'IbarraundiUna costume mui enraigonada na sociedá vasca qu'incorpora na so simboloxía la eskontzako gorua o rueca de boda, pieza d'adornu de boda que tien una gorua (rueca) pa filar,  una txapela (gorru) que srive pa que nun salga'l filo, y una sorkixa, pieza de fieltru o tela enrollao que ponía la muyer ente la cabeza y la pedarra pa poder llevala na tiesta dende les fontes hasta casa.  

La rueca de boda solíen llevala les novies vasques y simboliza'l cuidáu vital de la casa trabayu que facía la muyer: yera ella la encargada de dir pol agua y de coser. Esti conxuntu d'eskontzako gorua, que ye del anticuariu Bitoriano Larrañaga, pue vese na esposición y tamién otros elementos mui iguales.

Sobresalen na esposición los bandullos angulaos de losDourne de San Juan de Luz (Pirineos Atlánticos. Francia). Col. Enrique Martínez Glera que salen despidíos los pitorros llargos y delles veces mui raros, y ases con resquiebres fondes o que se retuercen sobre sí mesmes o qu'abracen otros componentes; configurando cuerpos qu'asemeyen formes siderales, como si'l mesmu Isaac Asimov les inventare pa una de les sos fantasíes de ciencia ficción; formes estraordinaries, dalgunes casi diría qu'antropomórfiques, apuntando rasgos eróticos otres, delicaes magar de lo rotundes que son la mayoría poles formes que tienen.

L'espectador y la espectadora tien la oportunidá esceicional de contemplar cacíos con una antigüedá que va dende'l sieglu XVI (varios poals góticos del coleicionista Sergio Sabini, que tán en bóvedes d'edificios relixosos), hasta les las pedarras y dournes feches a lo llargo los sieglos XIX y XX, lo mesmo pa un sitiu que pa otru del Pirineu.

Tienen munchu valir etnográficu la reproducción de  pedarras que yá nun hai y que fizo l'alfareru de Navarrete (La Rioja) Toño Naharro, que xunto col historiador y coleicionista d'alfarería tradicional Enrique Martínez Glera, recuperóles pa la esposición. Un fechu que rescata del escaezu estes doce formes vieyes, dalgunes afitaes pol usu y el comerciu nesta comuña, que nos sieglos XVII y XVIII consideróse la «universidá del barru» pa los alfareros vascos o navarros nuevos, pa onde llegaben munchos pa deprender l'oficiu, y los siguió acoyendo cuando a mediaos del sieglu XX la decadencia del barru obligó a que se desplazaren hasta'l prepirineu rioxanu pa buscar meyores comerciales. Avilés tien l'honor d'haber sido la impulsora de qu'estes formes vieyes vuelvan pal sieglu XXI pa quedase, gracies al trabayu y enfotu del investigador y al arte del alfareru.

Dourne de Puy L'Eveque (Lot. Francia). Col. Ignacio-Martín Salas ValladaresComo nos catálogos anteriores, úsase la toponimia oficial a la hora de dicir d'onde vien cada pieza. A mou d'exemplu, cuando apaez «Durango. BIZKAIA», refiérese a que la pieza vien dende Durango (pueblu y municipiu), que ta en Bizkaia. Mientres que cuando apaez «Galarreta. San Millán/Donemiliaga. ARABA/ÁLAVA», nesti casu la pieza vien de Galarreta, pueblu del municipiu de San Millán/Donemiliaga, na provincia d'Araba/Álava.

Va vese barru auténtico  tamién na X Feria d'Alfarería Tradicional «Villa de Avilés» (FATVA) los díes 20, 21 y 22 d'abril, y una montonera obres postales na IV Esposición Internacional d'Arte Postal n'Avilés, que col lema «el agua» (ún de los cuatro elementos qu'intervienen na fechura del cacíu), conecta la tradición alfarera col mundu per aciu del mailart. Doll de Figueres (Girona). Col. Sergio Sabini

Sólo queda dar les gracies al Conceyu d'Avilés, patrocinador del eventu, a les instituciones y a les persones responsables de cada departamentu que dexaron les imáxenes y los documentos (munches vegaes bien complicao d'atopar), y a los coleicionistes dueños de les pieces (ver solapina del catálogu), la so participación imprescindible nes XI Xornaes d'Alfarería d'Avilés, colo que se pudo facer la esposición didáutica ALFARERIA TRADICIONAL D'ESPAÑA: el cántaru pirenáicu.

De la mesma forma, los testos razonaos de los nomaos investigadores Enrique Martínez Glera, Fermín Leizaola Calvo y Joan Santanach i Soler enriquecieron enforma la parte histórica, social y evolutiva d'estos cacíos, asoleyando una alfarería perbono del Pirinéu, representao pola pedarra, ensin comparanza dientro'l repertoriu alfareru del sur d'Europa.

Munches gracies a tol mundu

Ricardo Fernández

Comisariu de la esposición

Más información

Centru Municipal d'Arte y Esposiciones (CMAE)

C/ Llano Ponte, 49

33402 Avilés. Asturies

T: 985 129 004

Martes a domingu: 18:00 a 21:00 h

Entrada de baldre

Contautu:

Ricardo F

M 615 238 962

cdcvector@gmail.com

  • © 2019 Fundación de Cultura. Conceyu d’Avilés. | Avisu llegal |