Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Esposiciones

Esposición «Terra incógnita», de Cristina Ferrández

Centru Municipal d'Arte y Esposiciones (CMAE). Dende'l 29 de mayu hasta'l 7 de xunetu de 2019

La esposición Terra incógnita, de Cristina Fernández aliméntase de la xeografía, la esploración y la metafísica p'acercar al espectador o a la espectadora delles claves del nuestru tiempu, con una escenografía qu'envuelve, esta creadora inquieta armoniza ética y estética, dende lo que nagua y que-y pruye, como pretestu pa viaxar hacia lo xabaz, más p'allá de les realidaes físiques y que puen midise, y afondar en territorios nun saqueaos nin despreciaos.  

Les sos esperiencies vense na sala conviviendo videuarte, dibuxu, pintura, retratos y instalación con materies naturales.

Terraformación, cartografía suxetiva, islles que xurden, exoplanetes, radiación cósmica, evolución, multiversos, el too..., son conceutos que se tresformen en creación de metáfores visulaes que nos arrastren a un viaxe pa lo desconocío, entá ensin descubrir o mesmamente crear.

Esti puxu produz obres que, magar que vengan del contautu cola Natura escomanada, van más p'allá de la nuestra realidá física llevándonos hasta un paisaxe interior, pa un territoriu nun conquistáu qu'entá se siente no más fondo del ser humanu, como si fueren utopíes esistenciales onde la creación de daqué nuevo pue dase ensin un orden establecíu.

La conquista d'un territoriu nuevu, d'esta Terra incógnita, conviértese asina na conquista d'una utopíz vital y necesaria.

«Nun ye la conocencia la qu'alluma'l Misteriu, sinón el Misteriu'l qu'alluma la conocencia. Conocemos gracies a lo qu'enxamás vamos conocer.»

Paul Evdokimov

Na última década la obra especial de Cristina Ferrández (Alicante, 1974) vien analizando territorios d'alcuentros y claves pa descubrir lo feble del paisaxe dende un posicionamientu ecolóxicu, na señaldá polos ideales que l'autora asoleya con retratos, audiovisuales, dibuxos y instalaciones. L'influxu de los y les grandes artistes, pensadores y científicos ye ún de los exes del discursu de los sos proyeutos.

Más información

Centru Municipal d'Arte y Esposiciones (CMAE)

C/ Llano Ponte, 49

33402 Avilés. Asturies

T: 985 129 004

Martes a domingu: 18:00 a 21:00 h

Entrada de baldre

Calendariu d’eventos

anterior Setiembre 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

Axenda

  • 11/09/2019
  • 15/09/2019
  • 17/09/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |