Revista dixital de la Fundación de Cultura del Conceyu d’Avilés Añu 2021 -Númberu 31 - Xineru 2021

El Centru Municipal d'Arte y Esposiciones (CMAE) na cai Llano Ponte, 49 inaugura esta tarde la esposición L'arte del dibuxu, un homenaxe a José Manuel Legazpi, ún de los artistes plásticos más importantes del últimu mediu sieglu

Una mestura del  trabayu, en diferentes téuniques, del carboncillu a la impresión dixital, de 28 autores de referencia na comunidá , mayores de 60 años, que se va poder visitar hasta'l 19 de xineru.

El Conceyu d'Avilés ye ún de los organizadores d'esta esposición  que se mueve d'un sitiu pa otru, creada pola Fundación Lombardía y comisariada por Luis Feás Costilla.

Nes obres presentaes trátense temes diferentes, dos por cada autor, salvo dos esceiciones. Hai  viñetes humorístiques, paisaxes, retratos o creaciones conceutuales.

Los autores participantes son Jaime Herrero, Bartholomé, Armando Pedrosa, Consuelo Vallina, Ramón Rodríguez, Carlos Sierra, Manuel García Linares, José Manuel Legazpi, Fernando Alba, Herminio, Miguel Ángel Lombardía, Humberto, Kíker, José Paredes, Ramón Prendes, Vicente Fernández Iglesias, Hogo O'Donnell, Francisco Fresno, Francisco Velasco, Miguel Galano, Vicente Pastor, Pelayo Ortega, Ricardo Mojardín, Avelino Mallo, Adolfo Manzano, Antonio Gil Morán y María Jesús Rodríguez.

Polípticu de la esposición