Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2020 -Númberu 29 - Xunetu 2020

Apúntate al nuestru boletín

Esposiciones

Esposición virtual «ALFARERÍA TRADICIONAL D'ESPAÑA: alfarería insular ‘Illes balears’»

http://peopleartfactory.com/g/alfareriaenaviles

 

Esposición virtual «ALFARERÍA TRADICIONAL D'ESPAÑA: alfarería insular ‘Illes balears'»

Les Xornaes d'Alfarería n'Avilés (Asturies), na so edición númberu doce, ufren al públicu la esposición ALFARERÍA TRADICIONAL D'ESPAÑA: alfarería insular «Illes Balears», una actividá patrocinada pol Conceyu d'Avilés y comisariada por Ricardo Fernández.

Nun principiu programóse paque se ficiere dende'l 19 de marzu hasta'l 19 d'abril de 2020, nel Centru Municipal d'Arte y Esposiciones d'Avilés (CMAE), pero que por culpa'l COVID-19 tuvo de supendese, hasta que se pueda retomar el proyeutu nun futuru, que toos y toes naguamos porque nun tea mui lloñe.

Siguiendo'l principiu aristotélicu Escontra la llaceria, lo meyor, buscóse la manera de qu'esti proyeutu tuviere espardimientu, magar de too, pa que l'encierru en casa seya más llevaderu, pola or d'una crisis sanitaria única, y pa ello usáronse recursos dixitales pa desenvolver lo mesmo, pero «virtual», naguandoporque dientro poco podamos xuntanos nel CMAE y esfrutar «en vivo», otra vez, y igual más que nunca, de les esposiciones qu'axunten n'Avilés lo meyor y más nomao de l'alfararería española.

Nesti momentu nel que paró l'actividá yá taba fechu práuticamente tol trabayu.Sólo quedaba montar, inaugurar y esfrutar d'una coleición única y perbona d'alfarería balear, qu'enxamás se viere n'Asturies.

Los y les coleicionistes yá teníen esbillaes obres, retratos, fiches téuniques, taben entamaos viaxes y diben llevándose les piecesGerricó de formiguer. Pòrtol, Felanitx (Mallorca). Col. Vicente Giner, embalaxes y unvios. Siurells, figures púniques, gerres y càntirs, alfàbies y cossis, truébanos de barru y otres pieces sorprendentes rellacionaes cola vida animal, pieces de cocina y d'abastecimientu, instrumentos musicales fechos en barru, gerras brodadas de Ferlanitx qu'amuesen calaos enforma delicaos, son dalgunes de les pieces alfareres d'esta esposición agora virtual.

Xunto a la cacía, l'espectador tien tamién una bona coleición de retratos d'imáxenes antigües rellacionaes col tema, que dexaron unos cuantos museos, fundaciones, medios de comunicación, biblioteques y otres instituciones, imáxenes que nos dan una visión más amplia de les formes beleares, pa poder atalantar meyor esta parte tan especial de la etnografía.

Dende'lMuséu del Fang en Mallorca taba programada la visita del ceramista y músicu Toni Vich y taba organizada una master class sobre la ocarina nel Conservatoriu Municipal Profesional Julián Orbón d'Avilés, p'alumnáu de flauta.

Tamién taba organizáu un conciertu pa la inauguración con alumnáu de flauta del Conservatoriu xunto col músicu enantes nomáu Toni Vich, usando varios tipos d'ocarines, too coordinao por Isabel Baigorri, una de les profesores con más renome nesti centru musical tan prestixosu y una militante de la enseñanza, apreciada y querida por tol alumnáu.

Magar que la esposición virtual tien música que fai la visita más prestosa, ta tragayándose agora pa poder meter dalguna de les composiciones que ta previsto toque l'alumnáu y el músicu coles que poner la picota al proyeutu dixital.

El testu razonáu del nomáu investigador Jaume Coll Conesa, direutor del Muséu Nacional de Cerámica y Artes Suntuaries González Martí, y un referente nacional nel campu la cerámica y el vidru, enriqueció enforma la parte histórica, social y evolutiva d'esta cacía y tamién del territoriu balear, que conoz porque ye onde ñació, ilustrando una alfarería precioso como ye la de les Illes Balears. esti testu imprescindible pue lleese nel catálogu de la esposición.

Estos son los conteníos que podrá atopar quien visite la esposición virtual ALFARERÍA TRADICIONAL D'ESPAÑA: alfarería insular «Illes Balears»,  proyeutu fechu por Ricardo Fernández.

Una ufierta cultural que nesti momentu que tamos viviendo, la Fundación Municipal de Cultura afaya a tol mundu que quiera entrar calcando nel enllaz d'embaxo y que se suma a les demás actividaes culturales que se tán faciendo pa planta-y cara al COVID-19, pa qu'agora que tamos en casa por culpa la pandemia podamos ver dende casa actividaes d'esti tipu y pa que la cultura nun pare.

Si hubiere que definir un rasgu especial de l'alfarería balear, sedría que tol tiempu ta adautándose a les diferentes corrientes qu'influyeron nella a lo llargo la so historia. Una alfarería condicionada,amás de pola xeoloxía, pol asentamientu poblacional autóctonu y poles materies primes, xúntase-y lo arrequexao que ta y la so situación xeográfica asisitada nuna exa comercial y de cultures que colonizaron y modelaron inevitablemente a les persones que viven nel archipiélagu, influyendo en tolos aspeutos culturalesy vitales d'esta sociedá, ente los que ta l'alfarería como recursu fundamental pa cubrir les sos necesidaes que tuvieron empobinaes al cultivu del cereal, del olivu y del vinu a pequeña escala (polo que tampoco fizo falta el gran contenedor de barru), al trasiegu l'agua y al llabor na granxa onde se criaben cabres, oveyes, vaques, gochos y aves.

Una alfarería arcaica qu'entama un camín enantes de los talayots, construcciones turriformes prehistóriques qu'hebo muncho en Mallorca y Menorca, y que dieron nome a una de les etapes más significatives de la prehistoria balear: la Cultura Talayótica (Bronce final, primera Edá del Fierro, 1200-123 e.C.).

Sigue col pasu a imáxenes d'otres dómines y documentales ye de les instituciones qu'apaecen nos créditos, agradeciendo a les persones responsables de cada departamentu la dedicación y el procuru col qu'atendieron les solicitúes, afayando esti material imprescindible pa que l'espectador o la espectadora entienda meyor la cacía, pa qué sirve y la sociedá que les vivió.

Tamién, el testu razonáu del nomáu investigador Jaume Coll Conessa, direutor del Muséu Nacional de Cerámica y Artes Suntuaries «González Martí» y un referente nacional nel campu la cerámica y el vidru, enriqueció enforma tola parte histórica, social y evolutiva d'esta cacía y tamién del territoriu balear, porque ñació ellí, ilustrando una alfarería tan preciosa como la de les Illes Balears, A tol mundu, gracies

Ricardo Fernández

Comisariu de la esposición

Ver esposición: http://peopleartfactory.com/g/alfareriaenaviles

Ver catálogu  

Testu El siurell

Ricardo Fernández

615 238 962

http://peopleartfactory.com/g/alfareriaenaviles

Más información

Ricardo Fernández

615 238 962

http://peopleartfactory.com/g/alfareriaenaviles

Calendariu d’eventos

anterior Xunetu 2020 siguiente
ll ma mi xu vi do
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2020 Fundación de Cultura. Conceyu d’Avilés. | Avisu llegal |