Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Esposiciones

Esposición «La pintura de un dibujante», de Fernando Wes

Casa la Cultura. Dende'l 6 d'ochobre hasta'l 29 de payares de 2021

Avilés fai alcordanza de la figura d'un de los sos artistes más destacaos del sieglu pasáu, el pintor y dibuxante Fernando Wes. Failo cola esposición La pintura d'un dibuxante, organizada pola conceyalía de Cultura y emprestaes pa l'amuesa pola familia Cima.

Trátase d'echar una güeyada atrás con 24 obres del creador que yá ta muertu, nes que paró'l tiempu n'otros requexos de la ciudá, dalgunos d'ellos yá desapaecíos, magar qu'otros consérvense práuticamente iguales.

Al actu d'inauguración van dir miembros de la mesma familia Cima, asina como la direutiva de l'Asociación Carreño Miranda.

Fernando Wes

Ñació n'Avilés en 1906 y morrió en 1987, foi un artista mui particular nes artes plástiques sofitaos por José Francés, y dende 1924 participó en casi toles esposiciones d'artistes d'Avilés o d'Asturies que, hasta 1934, se fixeron nes convocatories de la Biblioteca Popular Circulante primero y de la Sociedá d'amigos del Arte d'Avilés dempués.

Va facer les portaes de la revista El Bollo, dende 1925 hasta 1934, col influxu de Manuel Bujados, que tenía un estudiu en Madrid al que Fernando diba muncho, con raigones modernistes. Nos sos dibuxos suel da-y muncha presencai al orientalismu, sobre too la forma na que trata les figures de muyeres y la so ropa.

Alredor de 1940 va entamar una riestra pintures nes que s'asoleya l'ambiente de les cais d'Avilés, usando mui pocos colores, casi sólo usa'l mariellu de Nápoles y la tierra de Siena. Ye una forma de ver sele los requexos avilesinos nos que la figura humana acolúmbrase, pero nun se ve, vese sólo nunes poquitines obres. Los sos llenzos tán llaraos d'arcades, places y sitios nuna especie melodía señardosa compuesta pa evocar lo que yá nun ta o a lo qu'ensin dulda, intui que va camudar col pasu'l tiempu.  

Esta xera de pintor de lo tradicional va tenelu ocupáu casi hasta'l final de los sos díes , pero nun quier dexar les otres actividaes a les que se dedica, sobre too lesque tienen como referencia al mundu del teatru, la ilustración de llibros y revistes, sobre too la d'El Bollo, pa la que va facer hasta ventidós portaes, la última precisamente la del añu nel que muerre.

Más información

Casa la Cultura

Plaza Domingo Álvarez Acebal, 2

33402 Avilés. Asturies

T: 985 51 04 39 / 985 51 04 52

HORARIU

Llunes a sábados: 9:00 a 14:00 y de 16:00 a 21:00 h
Domingos y festivos: 09:00 a 14:00 h

Calendariu d’eventos

anterior Agostu 2022 siguiente
ll ma mi xu vi do
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |