Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Eventos

Factoría Cultural

Esposición «Geopolíticas del cuerpo. El territorio como piel», de Miguel Braceli

Factoría Cultural d'Avilés. Dende'l 13 de febreru hasta'l 9 de marzu de 2019

13/02/2019

La Factoría Cultural d'Avilés asoleya otra esposición de caláu internacional. Trátase de Xeopolítiques del cuerpu. El territoriu como pelleyu, una esbilla del trabayu d elos últimos años de Miguel Braceli, un creador mozu venezolanu con una repercusión mundial que medra. Podrán vese pieces y imáxenes de les sos instalaciones más nueves n'espacios abiertos.

A Miguel Braceli diéron-y en 2017 el Premiu d'Arte Mozu del Principáu d'Asturies. La esposición que llega a Avilés de la mano de la conceyalía de Cultura, per aciu de la Factoría Cultural, pudo vese en 2019 na Sala Borrón d'Uviéu, dependiente de la Conseyería de Cultura del Principáu d'Asturies.

L'amuesa ye una xuntura de les últimes intervenciones efímeres feches por Braceli, como son  El fin del mar, (2017), en Bolivia; Irazú, (2016), en Costa Rica; Sacar el mar, (2017), en Xixón; Geopolíticas del cuerpo, (2017), en Villanueva de los Infantes, Ciudad Real (2017), y Área, (2014), en Venezuela.

Un ensame de semeyes documentales, vídeos y cachos de les sos instalaciones, feches n'espacios públicos y tamién naturales.

Miguel Braceli (Valencia, Venezuela, 1983), desenvolvió'l so arte n'ámbitos que van dende'l land art, la performance y l'arte rellacional. Casi tol trabayu suyu fízolu con obres  efímeres grandes n'espaciu públicu, n'intervenciones en toa Sudamérica, Estaos Xuníos (onde ta estudiando un posgrau en Belles Artes nel Maryland Institute College of Ars con una beca Fulbright), España o Suecia. Diéron-y varios premios como'l Premiu d'Arte Mozu del Principáu d'Astuires 2017, el Premiu d'Arte Públicu d'Extremadura Supertrama 2017, o'l Premiu Artista de Proyeición Internacional 2017 de l'Asociación Internacional de Críticos d'Arte.

Como diz Virginia López, comisaria de la esposición, «Nel casu de Braceli, los vídeos y les semeyes nun son sólo una documentación, 'restos' de la esperiencia vivida, sinón composiciones formales pensaes primero, que formen parte de la mesma obra. N'incorporando, como fizo nes sos últimes esposiciones individuales, los materiales que sirvieron pa la performance, failo camudando l'espaciu espositivu nun espaciu nuevu  pa les performances».

Más información

Factoría Cultural d'Avilés

Av. de Portugal, 13

33402 Avilés. Asturies

T: 985 548 617

E: aupa@aviles.es

HORARIU DEL CENTRU

Llunes a vienres • 09:00 a 14:00 h / 17:00 a 21:00 h

Entrada llibre y de baldre 

  • 21/08/2019

Calendariu d’eventos

anterior Agostu 2019 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Axenda

  • 21/08/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |