Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunu 2019

Apúntate al nuestru boletín

Eventos

Factoría Cultural

Factoría Cultural d'Avilés «Nueche Blanca 2019»

El 14 de xunu vuelve la Nueche Blanca na so novena edición con un bon númberu d'actividaes repartíes per tola ciudá

14/06/2019

Música, pintura, cerámica, moda, teatru, poesía, retratos, esposiciones, visites guiaes  o talleres pa tol mundu, en cais, places, centros culturales, llocales hosteleros y galeríes d'arte.

Más de 200 creadores enseñan d'una manera activa los sos trabayos, cola Factoría Cultural como referencia y la collaboración público-privada.

Novedaes: Avilés en versu, Avilés dende les sos fontes, Performance de vicente Pastor nel claustru de San Nicolás, Concursu sobre Pedro Menéndez y Paséu interpretativu pel patrimoniu industrial d'ENSIDESA.

La Nueche Blanca d'Avilés ye una cita obligada, xusto enantes del branu que coles sos espresiones artístiques multidisciplinares convirtióse yá nun de los escaparates d'Avilés. Un eventu cultural que se celebra en munches ciudaes de tol mundu con un programa qu'incluye la música en diferentes variantes, teatru, escultura, vidiucreación, moda, danza, pintura, grabáu, cómic, poesía, cuentos, retratu, gastronomía...

Na so novena edición refuércense propuestes, con más de cincuenta actividaes artístiques, que dende la Factoría Cultural como focu principal, invaden nunes hores intenses, tola tarde y hasta bien entrada la nueche, cais, places, centros culturales y establecimientos privaos con un oxetivu común: averar la cultura, d'una forma afayadiza y en tolos ámbitos nos que se pueda pensar, a la ciudadanía con propuestes pa toles edaes.

Entidaes collaboradores

Son munches les entidaes que participen y collaboren, como UCAYC, Asociación Llaranes, Muséu d'Avilés, ESAPA, Fundación de Música Moderna, Conservatoriu Julián Orbón, Asociación de Donantes de Sangre, Asociación Cultural Abierto Asturias, Cuéntame un Cuadru, Taller de Nacho Suárez, Agües d'Avilés, les galeríes d'arte Amaga y Octógono, Kids&Us, Producciones Piquero, Academia de baille Luisa Núñez, Asociación Swin4Asturias, Poetry Slam, la parroquia de San Nicolás de Bari, la Fundación Vinjoy o la Fundación Aindace.

Como yá ye tradición, 19 establecimientos hosteleros d'Avilés tamién s'impliquen nuna nueche que va entamar pela tarde hasta l'alborecer, con 10 conciertos (7 en direutu y 3 pinchadiscos), cuatro pruebes de comida y tres esposiciones.

Descarga'l programa (n'español)

  • 04/07/2019

Calendariu d’eventos

anterior Xunetu 2019 siguiente
ll ma mi xu vi do
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

Axenda

  • 04/07/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |