Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Eventos

Otres actividaes

Presentación lliteraria «Ritanes, ñerbates y otros cantos al pasáu», d'Armando Vega Rodríguez

Palaciu de Valdecarzana, 19:30 h

04/10/2019

Armando Vega Rodríguez. Ritanes, ñerbates y otros cantos al pasáu», Ediciones Trabe, 2019, 56 páxs.

Argumentu

Ritanes, ñerbates y otros cantos al pasáu xunta composiciones de distinta factura nes que predomina'l poema curtiu, pero tamién dalgún más llargu, correlatu perfechu de la memoria. Porque de memoria falen estos versos, de la memoria caltenida de la infancia perdida, del tiempu pasáu nun mundu que yá nun esiste. El qu'agora escribe yá nun ye'l nenu que foi hai tanto nun mundu rural aseñoriáu de ritanes, ñerbates y otres güelgues que lleguen hasta nós al traviés de la señardá de lo perdío.

Escritu nun asturianu apegáu a la oralidá, estráu de dialectalismos orientales bien guapos y naturales, esti nuevu poemariu d'Armando Vega (col que ganó'l Premiu de Poesía «Nené Losada Rico» que convoca l'ayuntamientu de Valdés nel 2017) vien a sumase a la poesía de la pérdida (de la inocencia, de la niñez, d'un mundu y una forma de vida) pero tamién (y por ello) a la de la so recuperación al traviés de la palabra escrita «a sílabes cuntaes».

Armando Vega Rodríguez (Les Cuerries, Espinaréu, Piloña, 1961) desenvuelve'l so llabor d'artista multidisciplinar en Gijón/Xixón, con xeres qu'abarquen dende'l retratu a la escultura, pasando -que ye lo que más nos interesa- pela poesía. Escritor billingüe asturianu-castellanu, tien dos poemarios espublizaos, Pente'l borrín de la memoria (2005) y Les hores escrites/Las horas escritas (2011). Incluyíu en dos antoloxíes poétiques (Asturcones. 31 poetas asturianos, 2013 y Contra'l silenciu, 2014), collaboró en distintes revistes lliteraries como Literastur, Reciella Malory, Voces, Prímula...

Más información

Palaciu de Valdecarzana

Cai del Sol, 2

33402 Avilés

T. 985 510 667

Entrada llibre y de baldre hasta completar aforu

Calendariu d’eventos

anterior Payares 2019 siguiente
ll ma mi xu vi do
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

Axenda

Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |