Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Vienres, 5 de Abril de 2019

Estaya de la Llingua

Estaya de la Llingua «Talleres de costumes sanes: Naguando polo sano», por Borja Roces

Biblioteca de La Carriona

05/04/2019

Talleres Saludables: Naguando polo sano

Sedrá Borja Roces quien dea el taller. Con cuentacuentos, dibuxos, música y cantares motivará sobre lo importante que ye comer bien.

Hora: de 17:00 a 18:30 hores.

Places: 25  

Edá: 6 a 10 años.

Ye necesario apuntase enantes na biblioteca del centro nel so horariu normal d'usu y atención al públicu.  

5 d'abril. Centru Sociocultural de La Carriona

Otres actividaes

Presentación lliteraria «La otra», d'Ana Lamela Rey

Palaciu de Valdecarzana, 19:30 h

05/04/2019

La otra. Ana Lamela Rey. Piediciones, 2019, 88 p

Resume

Llibru de poemes que se llee y se siente como un poema únicu. Un poema onde la palabra ye un filu que conecta les vides y  los cuerpos de toles muyeres del mundu, un poema onde tán y son toles muyeres del mundu.

Dende la mirada de la poeta-narradora qu'escucha, qu'espía o que graba y mueve la so cámara pa siguir a otres muyeres y tamién a ella mesma, llegamos a una poesía que muestra y denuncia ensin más problema, el día a día de muyeres, de neñes que crecen y se faen vieyes en sitios que les venden, que les prostituyen, mutilen y asesinen.

Dende los pronomes qu'alloñen y al empar incluyen y nun diferencien ente muyeres de cualquier edá, raza o circunstancia, vamos hasta la reflexón y la espresión sincera de cómo se ven les unes a les otres, de cómo conviven , de cómo se rellacionen.

Y pa terminar, dende la esperanza, dende'l querer d'unos brazos de muyer siempre abiertos, dende esa sonrisa sanadora o esi gritu que nos protexe a toes, terminamos esti viaxe poéticu col enfotu na necesidá de querer a la otra, de creer na otra y nes otres.

Más información

Palaciu de Valdecarzana

Cai del Sol, 2

33402 Avilés

T. 985 510 667

Entrada llibre y de baldre 

  • © 2019 Fundación de Cultura. Conceyu d’Avilés. | Avisu llegal |