Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Xueves, 7 de Febreru de 2019

Otres actividaes

Mesa reonda «Lliteratura infantil y pa la mocedá n'Asturies güei»

Palaciu de Valdecarzana, 19:00 h

06/02/2019 al 07/02/2019

Mesa redonda

«Lliteratura infantil y pa la mocedá n'Asturies anguaño»

Sitiu: Palaciu de Valdecarzana

Fecha: xueves, 7 de febreru

Hora: 19:00

Con motivu de la Esposición Que nos quiten lo lleío. 30 años de Lliteratura Infantil y pa la Mocedá n'Asturies 1988-2018, la conceyalía de Cultura del Conceyu d'Avilés fai un brinde a toles persones interesaes en participar na mesa redonda Lliteratura Infantil y Moza n'Asturies güei.

La mesa reonda  va tratar sobre la situación de la lliteratura pa la reciella y la mocedá n'Asturies güei, tres d'estes tres décades d'evolución teunolóxica, lliteraria y social, afondando en cada ángulu del llibru, primero dende la idea  y dempués cola escritura del autor o autora, representaos y representaes por Mª Esther García López, poeta y escritora n'asturianu y castellán, llicenciada en Pedagoxía, maestra y esperta en Filoloxía Asturiana; por Esperanza Medina, poeta y escritora, maestra d'Enseñanza Infantil y autora d'un blog de poesía; por Iris Díaz Trancho, especialista en lliteratura infantil, escritora y maestra; y por Paco Abril, escritor, cuentacuentos y artista plásticu.

El llibru pa la reciella y la mocedá ye'l pegoyu principal  pa la ilustración y d'ello va falar l'ilustrador Goyo Rodríguez, profesor na Escuela Superior d'Arte d'Asturies, collaborador de siempre con empreses de publicidá.

De la parte d'edición va falar Ester Sánchez, de Pintar-Pintar, llicenciada en Xeografía y Historia y especialista n'Ilustración pola Escuela d'Arte d'Uviéu (2002). Nel añu 2000 fundó la empresa Pintar-Pintar, a lo primero dedicada al deprendimientu y a puxar pol arte de neños y neñes pa la plástica, faciendo talleres pa instituciones públiques y privaes. En 2006 la empresa amplió les sos actividaes editando álbumes ilustraos. Dende aquella p'acá, combina la xestión de la emrpesa cola creación, como escritora y ilustradora.

 El fenómenu de la Lliteratura pa la Reciella y pa la Mocedá d'Asturies tien pesu propiu y va al empar del espoxigue y de los intereses sociales y educativos de la nuestra comunidá  y de la llingua asturiana, constituyándose nun xéneru del que sabe muncho Severino Antuña, espertu en lliteratura pa la reciella y la mocedá, profesor d'Enseñanza Primaria nel colexu El Bosquín de L'Entregu, que participó en varios proyeutos pedagóxicos xuníos a la llingua asturiana. Tamién ye autor de traayos diferentes sobre lliteratura pa neños y neñes y traductor tamién de llibros pa estes estayes de la población. Collabora cola revista CLIJ con trabayos nesta llinia escritos n'asturianu.

El círculu pieslla cuando'l llibru, nel so camín, llega al llector o llectora, que nesti casu sedrán Inés Avello (madre, llectora y editora) y Eva Rodríguez, les dos lleen muncho y participen nel Club de Llectura de la Biblioteca Bances Candamo, que van en representación de les persones a les que-yos presta lleer.

Colos testimonios y opiniones de cada persona esperto y cola participación del públicu asistente trastaráse la situación d'anguaño n'Asturies, cuáles son les necesidaes o coses que falten, los cambios principales qu'afectaron a la LIJ, n'entrando na Era Dixital col cambiu que foi non sólo pa la forma de trabayar d'escritores, ilustradores y editores, sinón tamién, el cambiu de públicu pal que ye esti tipu de lliteratura, llectores moces y mozos y adultos consumidores del xéneru; Pa ónde va'l llibru infantil y xuvenil nesti momentu o si tien futuru na nuestra comunidá.

Evidentemente queden fuera de la mesa redonda munches persones y entidaes que tamién tendríen muncho que dicir, que cola so esperiencia y opiniones esclariaríen munches coses d'esti tema tan apasionante; pero esto ye lo qu'hai de momentu y puede que xurdan d'esto más alderiques nel futuru sobre esti mesmu tema nos que poder siguir afondando nesti fenómenu y aportando idees y iniciatives empobinaes a qu'esti tipu de llibru medre y que'l públicu llector mozu ( y non tan mozu) seya cda vez más.

Más información

Fundación Municipal de Cultura

PZ. Domingo Álvarez Acebal, 2

33402 Avilés

T 615 238 962

Calendariu d’eventos

anterior Avientu 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Axenda

Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |