Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Vienres, 7 de Xunu de 2019

Otres actividaes

Presentación lliteraria «Un nómada en bicicleta, la aventura de David Val alrrededor del mundo»

Palaciu de Valdecarzana, 19:00 h

07/06/2019

Un nómada en bicicleta, la aventura de David Val alrededor del mundo. David Val Pena, Editorial Lar, 2018, 243 páxs.

La globalización xune los mundos y l'avión acércalos. Ye fácil nuna axencia de viaxes o más cenciello tovía, per internet, mercar un billete pa volar en pocu tiempu a cualquier sitiu del mundu. Anque seya, por exemplu, hasta Vietnam, pal otru cabu. Pero a David Val Pena eso paecía-y muncho más fácil y nun diba nada cola so nueva forma de ser y entamó a dar pedales diendo pal este per carreteres, caminos y caleyes col envís de volver pal so pueblu pel oeste, un rodéu llargu de venti kilómetros.

Un rellatu detalláu de tolo que-y pasó nel so viaxe de cuatrocientos díes per venti países, ilustrando con retratos de cada sitiu pel que rodó y gráficos de les etapes, ye lo que cuenta hasta'l más mínimu detalle nel so llibru Un nómada en bicicleta. Pedaleando alrededor del mundo.

¿Qué mueve a quien lleva una vida tranquilina nel so sitiu de ñacimientu, de familia y de trabayu? David cuéntalo na esplicación de l'aventura que fai  nel llibru Conocerme, encontrar el significado de la vida, promover la bicicleta como medio de transporte y ver la belleza de este mundo. Eso ye lo que pretendía o creía que podría conseguir mientres preparaba, ilusionáu, l'aventura.

David Val xubióse a la so bici, a la que personalizócol nome de Quiscolina, el mesmu día nel que los sos amigos quedaben  en Foz amontonando madera y trastos vieyos pa les fogueres de la nueche de san Xoán del 2016. Asina que mientres el fueu festivu allumaba les playes d'A Mariña, él alloñábase del abellugu de la so casa y diba dando a los pedales hasta territorios desconocíos buscando daqué que podría ser una xunión colos ciudadanos del restu'l mundu.

Camín del sol naciente, cruzó Francia, Italia, Eslovenia, Croacia, Serbia, Bulgaria, Turquía y Irán; tuvo que cruzar Paquistán n'avión, proque nun-y dieron el visáu pa entrar y siguió'l viaxe pelos inmensos caminos de la India y Bangladesh. Un segundu viaxe d'enllaz aéreu dexó la bici y al ciclista en singapur, dende onde entamaron un esllabón pelos países d'Estremu Oriente: Malasia, Tailandia, Camboya, Laos y Vietnam.  El marcador de Quiscolina yá marcaba 14.320 kilómetros dende que salieron de Foz y pasaren diez meses yá.

Otru avión pa travesar el Pacíficu y llegar p'América, y equí'l mundu fízose grande tovía, con etapes enormes per carreteres aisllaes y ermes del oeste de los Estaos Xuníos; en visitando  los grandes monumentos nacionales (Yellowstone, Gran Teton, Yosemite, Valle de la Muerte, Gran Cañón...), al llegar a Phoenix unes noticies familiares preocupantes ficieron que se tuviere que baxar de la bici y volver pa casa 18.670 kilómetros dempués d'aquella nueche de San Xoán. L'avión dexólos en Lisboa y Quiscolina,  qu'aguantó tol viaxe con mui poques molesties, aguantó los 830 kilómetros que quedaben pa llegar a casa ensin problemes. Yera'l 22 de xunetu: un añu y un mes dempués d'aquella primer pedalada p'hacia'l sol.

Pel viaxe, David Val compartió en tiempu real toles sos vivencies y cada vez que terminaba una etapa pasaba a llimpio na so llibreta un rellatu esmigayáu de tolo que-y pasare. Darréu, en cuantes que quedaba ensin cobertura wifi, colgábalo too nun blog. Estos testos fueron la base de mediu llibru, la parte que dedicó a les travesíes pelos desiertos, selves y caminos, y a los agospios de pocos díes que tuvo nes aldees, ciudaes y metrópolis nes qu'él, la so bici y la so aventura llamaben l'atención y despertaben la cuiriosidá.  

David, que confiesa agora que yá ta tranquilu en casa lo pequeñu que ye'l mundu, tien munchu procuru colo que cuenta. Nél hai decenes de persones con nome propiu que, entendiendo o non el so viaxe y la so llingua, diéron-y un agospiu desinteresáu y, como él mesmu diz, y muncho más: "Sentí munches emociones una tres otra que sirvieron pa zarrar un círculu, atalantar coses y curar mancadures". 

L'otru mediu llibru, qu'entemecía los capítulos col diariu de viaxe, son toles consideraciones alrodiu de la so aventura, entamando, según reconoz, pol descubrimientu de que yera quien a rellacionase bien cola xente y porque se dio cuenta d'un instintu que pensaba que taba domíu y que lu salvó en munches situaciones qu'abultaben peligroses. Amás d'estes coses tan personales, David da-yos a otros y otres posibles aventureros y aventureres que s'animaren a dar a los pedales pel mundu, una riestra grande de conseyos bonos como qué hai de llevar na bici, cómo tienen que ser les mochiles, con qué hai d'enllenales; que'coses nun fai falta llevar, cómo bregar coles fronteres y hasta qu'hai de facer cuando tienes a una cobra mirándote con unes intenciones un poco males.

Ahora, de nuevo en la tranquilidad de su casa, en su trabajo y con su gente de siempre, David Val sigue asombrado, desde lo alto de su Quiscolina, de lo pequeño que es el mundo y lo grandes que son las personas que lo habitan.

Agora, otra vegada más trnquilu en casa, nel trabayu y cola xente de siempre, David Val sigue tovía plasmáu, no más alto de la so Quiscolina, de lo pequeñu que ye'l mundu y lo grandes que son les persones que viven nél.

Más información

Palaciu de Valdecarzana

Cai del Sol, 2

33402 Avilés

T. 985 510 667

Entrada llibre y de baldre 

  • © 2019 Fundación de Cultura. Conceyu d’Avilés. | Avisu llegal |