Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Factoría Cultural

Factoría Cultural «Escuela Municipal de Cerámica. Cursu 2018/2019»

Ufierta formativa y matrícules pal cursu 2018/2019

La Factoría Cultural d'Avilés, dependiente de la Conceyalía de Cultura, yá tien perfilada la so ufierta académica propia de cara al nuevu cursu, empobináu a alumnáu adultu, a la reciella y a la mocedá.

El prósimu llunes, día 3 de setiembre, la Escuela Municipal de Cerámica d'Avilés abre'l plazu de matrícula de cara alos cinco cursos nuevos pa la xente adulto que se van dar a aprtir d'ochobre. P'apuntase hai de facelo na Factoría Cultural (avenida de Portugal, 13), de llunes a vienres, de 9:00 a 14:30 hores, col martes como últimu día pa facelo.

Son cinco cursos que refuercen la programación formativa de la Factoría Cultural, onde se van dar, na Escuela de Cerámica del Conceyu d'Avilés:

Averamientu a la cerámica. Aniciu

Forma y superficie

Avanzáu téunicu artísticu de la cerámica

Profesional cerámicu

Proyeutu personal artísticu, alfareru decorativu o utilitariu

El preciu de la matrícula ye de 60 euros y cada mes 31 euros.

Les clases de los cursos pa la reciella y pa la mocedá van entamar n'ochobre, y el procesu de matriculación abriráse'l llunes 3 de setiembre, nel casu d'alumnáu mozo que renueve la matrícula, y a partir del día 12, pa les places que queden llibres, en terminando les renovaciones de la reciella. El plazu p'apuntase termina'l día 25 de setiembre.

Pa matriculase hai de dir a la Factoría Cultural, que ta n'avenida de Portugal, númberu 13. N'horariu de llunes a vienres, dende les 9:00 hasta les 14:30 hores.

Nel casu de los cursos pa la mocedá, ye p'alumnáu d'ente los 16 y los 21 años; esto ye, que ñacieren ente 1997 y 2002, incluyíos los dos. La matrícula cuesta 10 euros, y dempués 10 euros al mes.

Programa pa persones adultes

Averamientu a la cerámica

Opción 1: martes y vienres, de 10.30 a 12.45 hores, entamen  les clases, el 2 d'ochobre.

Opción 2: llunes y miércoles de 18.45 a 21 hores, entamen les clases, el 1 d'ochobre.

Ye un cursu d'aniciu, p'alumnáu que nun sabe nada de cerámica. Ta divididu en varies aprtes: conocer les instalaciones, ferramienta y materiales; control de calidá, protocolu d'escuela, salides culturales y documentción activa.

Avanzáu téunicu artísticu de la cerámica

Llunes y miércoles de 16.30 a 18.45 hores, entamen les clases el 1 d'ochobre.

Ye p'alumnáu que yá sabe dalgo de cerámica. Los oxetivos son algamar y desenvolver competencies y l'arte rellacionáu col análisis y fechura de pieces cerámiques; desendolcar artes de pensamientu, perceutives, comunicatives y estétiques reallcionaes cola cerámica artística; tener recursos y postures crítiques; controlar los procesos nos que se faen pieces y algamar criterios de calidá y documentación activa.

Profesional cerámicu. Como avanzar nel mundu l'arte

Llunes de 9.30 a 14 hores, entamen les clases, el 1 d'ochobre.

Dedicáu a alumnáu con conocimientos avanzaos, pa poder desenvolver la so propia producción artística y comercial. Ye un sofitu pal saltu al mundu profesional, p'algamar autonomía y dar puxu a les diferentes salides artístiques, en galeríes d'arte, sales d'esposiciones, concursos, mercaos y venta per internet. Cuesta 31 euros al mes y nun ta incluyíu'l material, pero sí'l de les cocedures de les producciones que se ficieren nel taller de la Escuela de Cerámica del Conceyu d'Avilés.

Pola temática específica d'esti taller y pol formación que tien de tener l'alumnáu enantes de dir al cursu, la Escuela de Cerámica del Conceyu d'Avilés va espublizar el 14 de setiembre una primer llista col alumnáu que ta apuntáu y que cumpla colos requisitos afayadizos. Si se presentaren solicitudes nueves a partir del 13 de setiembre, tendrá d'espublizase una segunda llista coles persones almitíes, el 25 de setiembre.

Proyeutu personal artísticu, alfareru decorativu o utilitariu

Martes y xueves de 18.45 a 21 hores, el 9 d'ochobre entamen les clases.

Ye p'alumnáu que sabe muncho de coses téuniques y cerámiques que van poder desenvolver un proyeutu personal en cualquier disciplina cerámica siempre col asesoramientu teúnicu, estéticu y formal del profesoráu del centru. Los proyeutos tendrán de presentase dende'l día 3 de setiembre hasta'l día 12 y la llista del alumnáu escoyíu va espublizase'l 14 de setiembre.

Pa la reciella y la mocedá

La reciella va tener seis cursos; cuatro son continuación del añu pasáu:

Taller de Teatru

Taller de Retratos en clase

Taller de Cerámica

Taller de Pintura

Taller de Grabáu y Estampación

Taller de Dance Hall (Baille en sala)

La matrícula pa les neños y los neños ye de 6 euros, y eso mesmo ye lo que va costar al mes.

Programa pa la mocedá

Vienres, de 19 a 20:30 hores. Les clases entamen el 5 d'ochobre.

Taller de Grabáu y estampación.

Va dalu Fernanda Álvarez, téunica superior en Grabáu y Téuniques d'Estampación. Va trabayase'l grabáu, la llitografía, la serigrafía y les artes del llibru.

Taller de Dibuxu. Vienres, de 19 a 20.30 hores. Entamen les clases el 5 d'ochobre y dalu Samuel Fernández, artista plásticu. L'alumnáu va poder entender y representar la realidá col dibuxu, esplorando materiales, procedimientos y téuniques.

Taller de Cerámica. Miércoles, de 18.45 a 20.15 hores. Les clases entamen el 3 d'ochobre y dalu Benjamín Menéndez, profesor de la Escuela de Cerámica del Conceyu d'Avilés.

Programa pa la reciella

Taller de Cerámica. Alumnáu de 6 a 8 años, vienres de 17 a 18 hores. Alumnáu de 7 a 10 años, vienres de 18 a 19 hores. Alumnáu de 10 a 16 años, vienres de 19 a 20 hores. Entamen les clases, el 5 d'ochobre. Van dalu Benjamín Menéndez y María Dolores Varela, profesores de la Escuela de Cerámica del Conceyu d'Avilés. L'alumnáu trabayará teúniques de mesa, modeláu, plancha, tometa, moldes y decoración d'engobes, esmaltes y pintures en fríu.

Taller de Teatru. Danlu Ana Guerra y Moisés González, actores, direutores y monitores teatrales, funddores de la compañía "El Callejón del Gato". Los talleres puxen pol arte personal y la creatividá. Entamen les clases el 5 d'ochobre.

Alumnáu de 4 a 6 años, vienres de 19 a 20 hores. Con xuegos participativos, canciones, enséñase a pasalo bien creando y representando les sos primeres histories.

Alumnáu de 7 a 9 años, vienres de 18 a 19 hores. Trbayaráse la espresión verbal y non verbal, cola improvisación, la creación d'argumentos y escenes.

Alumnáu de 10 a 16 años, vienres de 17 a 18 hores. Va dase puxu a desenvolver formes de socialización y espresión a nivel individual y coleutivu, afondando na conocencia del teatru como arte y elementu de comunicación.

Taller de Retratos na clase. Alumnáu de 9 a 11 años, vienres de 18 a 19 hores. Alumnáu de 12 a 16 años, vienres de 19 a 20 hores. Les clases entamen el 5 d'ochobre. Dalu Natalia Suárez, llicenciada en Belles Artes, ilustradora y diseñadora d'arte. Va enseñar a garrar les imáxenes, retocales y crear composiciones pa facer un álbum personal o pa compartilu nes redes sociales.

Taller de Grabáu y Estampación. Taller nuevu. Alumnáu de 6 a 11 años, vienres de 17 a 18 hores. Alumnáu de 12 a 16 años, vienres de 18 a 19 hores. Les clases entamen el 5 d'ochobre. Dalu Fernanda Álvarez, téunica superior en Grabáu y Estampación. Va trabayase la estampación n'escayola, llitografía, la pintura na ropa, encuadernación...

Taller de Dance Hall (Baille en sala). Taller nuevu. Alumnáu de 5 a 7 años, vienres de 18 a 19 hores. Alumnáu de 7 a 10 años, vienres 17 a 18 hores. Alumnáu de 11 a 16 años, vienres de 19 a 20 hores. Les clases entamen el 5 de ochobre. Dalu Francisco Javier Rodríguez Novo, animador sociocultural y baillarín. Va estudiase la historia del "Dance Hall" (Baille en sala), puxando pol arte físicu, mental y social. 

Más información

Av. de Portugal, 13

33402 Avilés. Asturies

T: 985 548 617

E: eceramica1@ayto-aviles.es, eceramica@ayto-aviles.es

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

Calendariu d’eventos

anterior Setiembre 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

Axenda

  • 11/09/2019
  • 15/09/2019
  • 17/09/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |