Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Factoría Cultural

Factoría Cultural «Escuela Municipal de Cerámica. Cursu 2019/2020»

Ufierta formativa y matrícules Infantil, Mocedá y Adultu pal cursu 2019/2020

Factoría CulturalLa Factoría Cultural d'Avilés, dependiente de la conceyalía de Cultura, yá tien perfilada la so ufierta académica de cara al nuevu cursu, pal alumnáu adultu,  infantil y pa la mocedá.

Alumnos de la Escuela Municipal de CerámicaPrograma persones adultes

Esti llunes, 2 de setiembre, ábrese'l plazu de matriculación pa los nuevos cursos de la Escuela de Cerámica del Conceyu, pa persones adultes, que va entamar na primer selmana d'ochobre. Trátase de "Acercamientu a la cerámica. Aniciu" y "La materia y la téunica".

P'apuntase hai de facelo na Factoría Cultural, onde se van dar los talleres, de llunes a vienres n'horariu de 9 a 14 hores. La matrícula cuesta 60 euros y 31 euros al mes. Les persones interesaes podrán matriculase hasta'l día 25 de setiembre.

Averase a la cerámica. Aniciu

Opción 1: llunes y xueves de 10.30 a 12.45 hores.  Les clases entamen el 3 d'ochobre.

Opción 2: martes y xueves, de 18.45 a 21 hores. Les clases entamen el 3 d'ochobre.

Ye un cursu d'aniciu, p'alumnáu que nun sepa nada de cerámica. Divídes en varies estayes: conocer instalaciones, ferramienta y materiales; control de calidá, protocolu de la escuela, salides culturales y documentación activa.

Conteníu: van conocer téuniques de mesa (peñizcu, churros, rollos torneaos, modeláu), téuniques de tornu (amasáu, centráu, formes cilíndriques, trabayu encima la pella, retorneáu), téuniques de decoración (teoría d'engobes y esmaltes, entamando colos esmaltes d'encima y de baxo cubierta), plaques (exerciciu artísticu conceutual, instalación coleutiva), investigación de pruebes de da-y color a engobes y esmaltes (preparación de galletes d'engobe y esmalte, cocedura, esbilla, oservancies, ficheru), raku (creación d'una pieza), pieza comercial (facer una pieza decorativa, salida comercial), tema llibre y fornu (tipos de fornu).

La materia y la téunica

Opción 1: martes y xueves de 16.30 a 18.45 hores. Les clases entamen el 3 d'ochobre.  

Opción 2: miércoles de 9.30 a 13.45 hores. Les clases entamen el 2 d'ochobre.

El diseñu como parte integral del mundu cerámicu, atopar idees nueves y estímulos, asina como los materiales afayadizos colos qu'algamar la combinación perfeuta.

Ye un cursu nel que se va afondar na conocencia de les instalaciones, ferramienta, materiales, pastes , materies primes y el so funcionamientu. Control de calidá. Protocolu de la escuela. Salides culturales. Funcionamientu de la bibiloteca, Carga y descarga de fornos. Control de calidá de la pieza. Preparación de carpeta de diseños y dibuxos. Documentación activa. Nel cursu va informase de les feches nes que se van facer toles salides culturales.

Conteníu

Primer trimestre. Tornu: Composición con pieces torneaes. L'alumnáu va tresformar una pieza cilíndrica, deformación d'una pieza cilíndrica, frañedura d'una forma cilíndrica.

Segundu trimestre. Escultura y diseñu: La escultura y téuniques escultóriques. L'alumnáu va desenvolver téuniques de modeláu sólidu, modeláu güecu, modeláu encima d'un armazón, bases y vaciáu.

Tercer trimestre. Decoración. Materiales y aplicación: Engobes, pigmentos y esmaltes de cuerda seca, aplicación. L'alumnáu fadrá seis pieces, con pera (en cueru con engobe, bizcochada con pigmentu y vidriada con esmaltes) y con pincel (con engobe, con pigmentu y vidriada).

Programa Infantil y Mozu

La Factoría Cultural  abre'l plazu de matrícula de la so nueva ufierta académica dedicada al alumnáu infantil (3-16 años) y mozu (16-21 años), y failo con novedaes importantes, como'l de qu'hai más cursos pa la reciella. Incorpórense a a la propuesta formativa infantil Cantu Coral, Composición pa Cine y Medios Audiovisulaes, y Yoga. Les clases entamen n'ochobre.

Nel casu de los cursos pa la mocedá, el procesu de matriculación entama pasáu mañana, llunes 2 de setiembre y pieslla'l miércoles 25 de setiembre. La matrícula cuesta  10 euros más otros 10 euros al mes. Estos cursos son pa persones que ñacieron ente 1998 y 2003 (de 16 a 21 años). Hai tres cursos, Taller de Grabáu y Estampación, de Dibuxu y de Cerámica.

La matrícula nos talleres infantiles ábrese el martes 3 de setiembre pa renovar y si queden places, el xueves 12 pa les altes nueves, y va pesllar el vienres 20 de setiembre. Nel casu d'estos cursos, la matrícula y lo qu'hai de pagar al mes sedrán 6 euros. El yoga pa neños y neñes de 3 y 4 años, que tendrán de dir siempre con una persona adulta, sedrá de 12 euros la matrícula y al mes tamién son 12 euros.

Neños y neñes con pocos años podrán facer un Taller de Teatru (de 3 a 5 años, que ñacieron ente 2014 y 2016), y lo nuevo que ye'l Taller de yoga (de 3 a 6 años), que ñacieron ente 2013 y 2016)

Pa neños y neñes un poco más mayores hai un Taller de Teatru (de 6 a 16 años, que ñacieron ente 2003 y 2013), de Retratu en clase (de 9 a 16 años, que ñacieron ente 2003 y 2010) de Cerámica (de 6 a 16 años, que ñacieron ente 2003 y xunu de 2014), de Pintura (de 6 a 16 años, que ñacieron ente 2003 y 2013), de Grabáu y Estampación infantil (de 6 a 16 años, que ñacieron  ente 2003 y 2013), de Baile Hip-hop y Commmercial (de 5 a 16 años, que ñacieron ente 2003 y 2014), y les novedaes de Cantu Coral (de 5 a 16 años, que ñacieron ente 2003 y 2014) y de Composición pa cine y medios audiovisuales (de 8 a 16 años, que ñacieron ente 2003 y 2011).

Les matrícules fadránse na Factoría Cultural, que ta na avenida de Portugal, númberu 13. De llunes a vienres, de 9 a 14:00 hores.

Cursos pa la mocedá

Taller de Grabáu y Estampación. Vienres, de 19 a 20.30 hores. Un taller nel que se va trabayar el grabáu, la llitografía, la serigrafía y les artes del llibru.

Taller de Dibuxu. Vienres, de 17.30 a 19 hores. Ufre la posibilidá d'atalantar y representar la realidá dibuxando, conociendo materiales, procedimientos y téuniques, con temes que van dende'l realismu hasta la interpretación y a soportes como'l cómic.

Taller de cerámica. Vienres, de 19 a 20.30 hores. Van trabayase téuniques de mesa, tornu y decoración.

Cursos infantiles

Taller de teatru. Van dalos profesionales del teatru  qu'entienden esti arte como una forma prestosa de puxar pol arte y espresividá del alumnáu, entendiendo les clases como un sitiu de creatividá entedisciclinar.

Alumnáu de 8 a 10 años, vienres de 18 a 19 hores. Van trabayar la espresión verbal y non verbal, la improvisación de situaciones de verdá y otres que nun son de verdá, creación d'argumentos y escenes, con modelos de testos y narraciones de la lliteratura universal. Puxaráse pola conocencia y el control de les emociones, la concentración, l'atención y la socialización.

Alumnáu de 10 a 16 años. Desenvolverán aptitúes de socialización y espresión, tratarán la realidá teatral d'Asturies, trabayarán el nun sentir vergoña, al mesmu tiempu que van dir descubriendo les sos posibilidaes corporales y espresives.

Taller de retratu na clase.  Alumnáu de 9 a 11 años, vienres de 18 a 19 hores. Alumnáu de 12 a 16 años, vienres de 19 a 20 hores. Deprenderán a garrar la imaxen, retocala, camudala y crear composiciones pa usale nel so álbum personal o en redes sociales.

Taller de Cerámica. Alumnáu de 6 a 8 años, vienres de 17 a 18 hores. Alumnáu de 7 a 10 años, vienres de 18 a 19 hores. Alumnáu de 10 a 16 años, vienres de 19 a 20 hores. Trabayarán téuniques de mesa, modeláu, plancha, torneta, moldes y decoración d'engobes, esmaltes y pintures en fríu. Inclui visites a esposiciones rellacionaes cola cerámica nos diferentes centros municipales.

Taller de Pintura. Alumnáu de 6 a 8 años, vienres de 19 a 20 hores. Alumnáu de 8 a 11 años, vienres de 17 a 18 hores. Alumnáu de 10 a 16 años, vienres de 18 a 19 hores. Deprenderán coses básiques rellacionaes colos diferentes materiales pa facer dibuxos y pintures, con llápiz, carboncillu, rotulador, pintures...Trabayarán téuniques amestaes y el conocimientu de tendencies artístiques de grandes pintores. Con visites a esposiciones nos centros municipales.

Taller de Grabado y Estampación. Alumnáu de 6 a 11 años, vienres de 17 a 18 hores. Alumnáu de 13 a 16 años, vienres de 18 a 19 hores. Trabayarán na estampación n'escayola, llitografía, serigrafía en ropa, encuadernación, caligrafía, llibru d'artista.

Taller de Baille Hip-hop y Commercial. Alumnáu 5 a 7 años, vienres de 18 a 19 hores. Alumnáu de 7 a 10 años, vienres de 17 a18 hores. Alumnáu de 11 a 16 años, vienres de 19 a 20 hores. Dirán viendo pasos y coreografíes básiques, dando puxu a lo artero que seya l'alumnáu en coses físiques, mentales y sociales, con un estilu de bailles con munchu ritmu, prestosu y que te fae un brinde pa perder la vergoña delantre'l públicu.

Taller de cantu coral "Canta con nós" (nuevu). Trabayarán l'oyíu musical y el ritmu, asina como tamién saber si son quien a cantar en grupu, con armoníes y canon, mentantu que van pasándolo bien  cola música.

Alumnáu de 5 a 8 años, vienres de 17 a 18 hores. Entamando col cantu, actividaes de xuegos pa trabayar el ritmu y la entonación, exercicios de la musicomotricidá, repertoriu musical infantil con movimiento coreográficos cenciellos y prestosos.

Alumnáu de 8 a 16 años, vienres de 18 a 19 hores. Trabayarán l'oyíu musical, el fiatu y el ritmu. Afondarán nel canon y l'armonía, el repertoriu clásicu, el teatru musical, versiones del pop.

Taller de composición pa cine y medios audiovisuales (nuevu) Alumnáu de 8 a 11 años, miércoles de 17.15 a 18.15 hores. Alumnáu de 10 a 16 años, miércoles de 18.15 a 19.15 hores. Desenvolverán artes y competencies rellacionaes cola composición pa imaxen en cine, afondando en téuniques p'algamar un ambiente sonoru adautáu a una secuencia del cine, n'estilos que van del jazz al blues, el funk, el rock o la música folclórica. Conocerán el llinguax musical, l'armonía, téuniques de composición, medios informáticos y escritura musical, procesos d'audiu y mestura, asina como de los equipos téunicos afayadizos, pudiendo asina desendolcar la creatividá, el pensamientu matemáticu, el llinguax metafóricu y el llinguax musical pa comunicar una idea.

Taller de yoga (nuevu). Alumnáu de 3 a 4 años (acompañaos por un adultu), miércoles de 18.15 a 19.15 hores. Alumnáu de 5 a 6 años, miércoles de 17.15 a 18.15 hores. Con cuentos, lleendes, viaxes imaxinarios, canciones...Les neñes y los neños pondrán postures diferentes de yoga rellacionaes col tema que se plantegue, metiendo tamién exercicios de respiración mui suaves, mantres infantiles coordinaos con movimientos de les diferentes partes del cuerpu xunto con un tiempu de relaxación guiada o mindfulnes. L'alumnáu tendrá de tener colchonetes, calcetos que nun esbarien y un cobertor.

Más información

Factoría Cultural d'Avilés

Av. de Portugal, 13

33402 Avilés. Asturies

T: 985 548 617

E: eceramica1@ayto-aviles.es, eceramica@ayto-aviles.es

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

Calendariu d’eventos

anterior Setiembre 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

Axenda

  • 11/09/2019
  • 15/09/2019
  • 17/09/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |