Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 31 - Xineru 2021

Apúntate al nuestru boletín

Factoría Cultural

Factoría Cultural «Talleres pa la Integración Llaboral»

Factoría Cultural d'Avilés

La Factoría Cultural d'Avilés va dar cinco talleres empobinaos a la integración sociollaboral y meyora del trabayu aprobaos pola Federación Española d'Universidaes Populares (FEUP) y que van pagase cola partida del 0,7% del IRPF de 2019 p'actividaes d'interés social. Tolos cursos son de baldre y inclúyense los materiales.

Cada cursu ufre 10 places pa muyeres y mocedá y que, dende l'exe común del desarrollu cultural per aciu de les Aules Populares, toquen disciplines que van dende l'arte, al teatru y el paisaxismu.

El plazu de matriculación entama'l miércoles, 13 de xineru, pa cuatro d'ellos, los financiaos cola partida del 0,7% del IRPF. Amás, dientro'l programa SARA, de motivación y acompañamientu de moces, sobre too ente 18 y 35 años pa que les muyeres en situaciones complicaes puedan entrar dientro del mundu social y llaboral, escoyeron a la Factoría pa dar un taller de cerámica negro.

P'apuntase

Presencialmente, mediante cita previa na web del Conceyu d'Avilés http://aviles.es/web/ayuntamiento/cita-previa.

Llamando al númberu 985548617

Dende'l corréu electrónicu ssanchezp@aviles.es.

Ye preciso dar el nome, apellíos, númberu de teléfonu, DNI y fecha de nacimientu.  

En rellación col cursu xuníu al programa SARA va ser necesrio amás dicir qué estudios se tienen (E.S.O., Bachilleratu, estudios universitarios...) y aportar documentu xustificativu qu'acredite la situación de demandante o de meyora d'emplegu. P'apuntase a esti taller hai de facelo el 18 de xineru.

Talleres

•El paisaxe 4.0

•L'arte escénicu y la so dixitalización

•BA Culture (Born Artist/ Nacíu Artista)

•Artefactos con EFE

•Taller de cerámica negro: de lo tradicional a lo nuevo. (SARA)

El paisaxe 4.0

Ye un proyeutu destináu a puxar pola integración personal, social y llaboral en condiciones d'igualdá y fomentu del trabayu pa 10 muyeres en riesgu d'esclusión social, tratando un contenidu centráu en meyorar el paisaxe, intentado iguar esta nueva realidá sicosocial con servicios y trabayos artesanales personalizaos pa toles persones que nagüen por tar cerca de pegoyos y finxos ancestrales de la antura, la tierra, el barru y l'arte. 

Considérense muyeres en riesgu d'esclusión social les muyeres que nun tienen trabayu:

1.    mayores de 45 años o

2.    de families monoparentales o

3.    víctimes de violencia de xéneru o

4.    con discapacidá o

5.    inmigrantes.

El contenidu d'El paisaxe 4.0 desenvolveráse en cuatro módulos diferentes:

•1.    La cerámica.

•2.    El Bonsái.

•3.    El xardín.

•4.    Ferramientes dixitales

El tiempu p'apuntase ye dende'l 13 hasta'l 29 de xineru. Son 164 hores de clase, más de 20 pa ponencies de fuera. 46 xornaes de trabayu: dende'l 3 de febreru hasta'l 26 de marzu de 2021. L'horariu sedrá de llunes a vienres de 16:00 a 21:00 hores, desarrollándose al mesmu tiempu contenidos diferentes del cursu.

L'arte escénicu y la so dixitalización

Esti taller busca l'autoemplegu, l'emprendimientu y la inclusión social de población mozo y adulto nel ámbitu rural y barrios periféricos de ciudaes y la formación en capacidaes básiques, TIC, redes de distribución. Esti programa va da-yos a les persones participantes una esperiencia cultural basada nel autoconocimientu de lo que saben facer artísticamente falando interviniendo dafechu en toles fases del procesu de grabación  d'un curtiumetraxe con una temática que va tar alrodiu de tou tipu d'actividaes creatives y artesanales.

El trabayu n'equipu va ser fundamental pa facer un guion, pa crear una escenografía y componer la banda sonora que va acompañar al curtiometraxe puxando pol so conocimientu TIC a través de los procesos de grabación y la edición dempués del resultáu final.

Ye como muncho pa 10 participantes, muyeres y mocedá del ámbitu rural, mayores de 18 años, ensin necesidá de saber nad de les TIC. La esbilla fadráse siguiendo l'orden d'inscripción siempre que les persones interesaes cumplan colos requisitos que tán na convocatoria: muyeres y mocedá del ámbitu rural y de los barrios de la redolada de la ciudá d'Avilés o que tena na llende.

P'apuntase a esti cursu hai de facelo  del 13 al 29 de xineru. Tien 152 hores llectives. 38 xornaes de trabayyu: dende'l 1 de febreru hasta'l 26 de marzu del 2021. L'horariu sedrá de  llunes a vienres de 9:30 a 13:30 hores, y tolos contenidos van dase al mesmu tiempu ente los que tán: escenografía, guiones, creación de bocetos, lluz, sonidu, grabación y edición de vidiu. 

BA Culture (Born Artist/ Ñacíu  Artista)

Esti taller trata del desenvolvimientu d'esperiencies d'integración social y llaboral, de valores de solidaridá, tolerancia y igualdá empobináu a persones moces y adultes. En concreto, BA Culture ye un proyeutu destináu a puxar pola integración de la mocedá en riesgu d'esclusión social con inquietudes artístiques viendo en qué disciplines tienen arte, poles bones rellaciones ente la mocedá que tenga formación académica, desarrollando'l so potencial en diversos talleres que dan artistes profesionales, persiguiendo, asina, una integración tresversal dientro l'ámbitu cultural. 

Los contenidos a desarrollar tán formaos por talleres d'espresión oral y corporal que van reforzar el conocimientu muscular, la coordinación y el fomentu de les rellaciones ente les persones participantes per aciu d'actividaes coleutives. Talleres empobinaos al reconocimientu y entendimientu de munchos estilos musicales. Análisis de los ídolos musicales d'anguaño plantegando asina un alderique sobre'l llinguax específicu. Y pa un nivel más avanzáu talleres d'escritura y grabación musical creando una composición musical conxunta.

Ye pa 10 participantes, mocedá, con edaes que va ente los 16 y los 30 años con estudios musicales que busquen desarrollar les sos aptitúes artístiques, puxar pola so creación artística y crear bones rellaciones. Tamién pa la mocedá en situación d'esclusión social interesao pol arte y la mocedá interesao nel estudiu y desarrollu d'estilos musicales tradicionales asturianos.

El plazu p'apuntase sedrá del 13 de marzu al 29 de xineru. Tendrán 20 hores de clase y 5 díes de trabayu: dende'l 5 de febreru hasta'l 5 de marzu de 2021. L'horariu sedrá los vienres de 17:00 a 21:00 hores. Téuniques de respiración y control vocal, espresión corporal (téuniques de corrdinación y relaxación, de control y presencia nel escenariu), facer coreografíes fáciles. Presentación de munchos estilos musicales: pop, reggae, rock, reggaeton. Taller d'escritura, taller de creación musical, grabación audiovidual, son dalgunes de les acividaes que se podríen facer.

Artefautos con EFE

Programa pa la creación de la Escuela Feminista Estatal (EFE) de la Federación Española d'Universidaes Populares (FEUP) "Paca Aguirre", pa contribuir a la igualdá con estudios, emonderamientu y incorporación de les muyeres al mundu sociollaboral. El contenidu principal ye'l de contribuyir a amenorgar les desigualdaes sociales, a desaniciar diferencies formatives entemuyeres y homes y algamar la igualdá dafechu pa llantar los finxos d'una sociedá democrática, xusta y equilibrada.

Mientres se tean dando estos talleres, les persones participantes tendrán como primer oxetivu poder esboroñar elementos propios del patriarcáu, dándo-y valir al feminismu como contrucción crítica del conocimientu y de lo que tien de ser esa ética universal.

Xunto a esti oxetivu principal, nesti taller van xurdir propuestes creatives y nueves con conciencia de xéneru, que van dar a conocer a creadores y artistes escaecíes pola historia l'arte, a artistes feministes o con conciencia de xéneru de distintes partes del mundu, esperimentaránse distintes estratexe4s de representación creativa y artística disidente. Y van comaprtise diferentes esperiencies creatives xeneraes cola comunidá y el contestu sociocultural asturianu. Amás, diseñarán una estraterxa d'espardimientu de los productos que salen de les redes sociales y comunitaries.

Taller de cerámica negro: de lo tradicional a lo nuevo.

Taller, dientro'l Programa SARA, que podrá facilitar la entrada de les muyeres moces al mundu llaboral, muyeres que tán nun momentu malu dientro'l mundu la cerámica, como modelistes o modeadores de cerámica (porcelana, loza, barru y gres), operadores de fabricación de taces, platos, coses pa la casa y adornos, operaries de moldes pa cerámica artesanal, montadores de productos cerámicos, alfareres, esmaltadores de cerámica o encargaes de talleres de cerámica. Hai 10 places y nun ye necesario saber dalgo de too ello.

El plazu p'apuntase va del 18 de xineru al 26 de febreru de 2021 y el  taller dende'l 8 de marzu hasta'l 7 de xunu de 2021. En total 60 xornaes de trabayu que duren 5 hores.

El taller tien como contenidu principal la investigación de doce pieces d'alfarería tradicional (olla, penada, quesera, tarreña, tonel vedríu, botía, botiyu, cántaru, cazuela, escudiella y xarra) como productos tradicionales d'Avilés, mirando pa qué pueden valir que nun seya lo propio d'elles y convertiles nun productu nuevu , comercial y turísticu. Esti plantegamientu nuevu entama dende l'usu de moldes emplegando les nueves teunoloxíes. Preparación de les materies primes necesaries. Análisis de los diferentes elementos del procesu cerámicu, faciendo toles operaciones necesaries respetando les condiciones de seguridá llaboral y proteición ambiental que pide la normativa d'anguaño. Tamién habrá actividaes complementaries como conferencies y visites a alfares tradicionales asturianos que tán agora funcionando, L.lamas del Mouru y Faro.

Más información

Factoría Cultural d'Avilés

Av. de Portugal, 13

33402 Avilés. Asturies

T: 985 548 617

E: eceramica1@ayto-aviles.es, eceramica@ayto-aviles.es

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

Calendariu d’eventos

anterior Marzu 2021 siguiente
ll ma mi xu vi do
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

Axenda

  • 02/03/2021
  • 08/03/2021
  • 09/03/2021
  • 18/03/2021
  • 26/03/2021
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2021 Fundación de Cultura. Conceyu d’Avilés. | Avisu llegal |