Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Museos y Patrimoniu

Muséu de la Historia Urbana d'Avilés

Avilés ye un muséu

 Nel centru'l cascu históricu avilesín, onde xurdió hai milenta años la primer villa cantábrica, llevántase'l Muséu de la Historia Urbana d'Avilés.  

Museo de la Historia Urbana de avilésAllugáu na cai La Ferrería, enfrente a San Nicolás de Bari, munchos sieglos primer ilesia parroquial de la villa, anguaño templu conventual de los Padres Franciscanos y tamién frente al Centru Cultural Internacional Oscar Niemeyer, últimu emblema de la llarga historia d'Avilés.

El MHUA plantega a les persones que lu visiten un percorríu orixinal, porque la visita entama pela guardilla con un discursu históricu que resume la historia d'Avilés, un pasáu ricu que se xune al presente per un ventanal qu'ufre a les persones que tán de visita, la contemplación de la única obra creada n'España pol gran arquiteutu Oscar Niemeyer.

Nel segundu pisu, siguiendo col percorríu, apréciase la bayura d'una villa medieval con un fueru concedíu por Alfonso VI en 1085 y confirmáu pol nietu, Alfonso VII, setenta años dempués, que dio puxu a una actividá urbana y comercial mui grande, convirtiendo'l puertu avilesín nel puertu d'Uviéu y León.

Los palacios imponentes del Avilés modernu y los personaxes ilustres con nome propiu como Pedro Menéndez, Juan Carreño de Miranda, Menéndez Camina...completen el conteníu d'esti espaciu.

El percorríu termina nel primer pisu onde s'amuesa la bayura del sieglu XIX que se viviere n'Avilés col "viaxe d'ida y vuelta" pa Cuba, xurdiendo asina la figura de los "indianos", primeros mecenes de la villa. Yá nel sieglu XX, la llegada d'ENSIDESA revoluciona non sólo Avilés, sinó tamién Asturies.  

Sala de exposiciones Antigua Escuela de CerámicaLa coleición diplomática del archivu del Conceyu d'Avilés, la vida social, el trabayu, la vivienda, les primeres actividaes industriales como la cerámica y la calderería de Miranda, la emigración a Cuba, el mundu cultural avilesín o la llegada d'aquellos inmigrantes que vienen d'otres rexones españoles pa construyir y trabayar n'ENSIDESA, van ellaborando un discursu con varios capítulos La villa medieval, La villa moderna, La ciudá burguesa, La ciudá industrial, nos que se divide'l Muséu de la Historia urbana d'Avilés.






Exposición ENSIDESA 1959. El nacimiento de un giganteEl muséu tien unos elementos interactivos mui modernos que dexen afondar na conocencia d'esi pasáu tan ricu; elementos colos que se pretende que la xente llariego o foriato descubra y disfrute d'Avilés, una villa con una cadarma urbana y un patrimoniu arquiteutónicu y monumental qu'en sí mesma ye un muséu. 






Segundu pisu dedicau a la Villa moderna 






      El MHUA en imáxenes

Muséu de la Historia Urbana d'Avilés

Cai de La Ferrería, 35

33402 Avilés

Tfn.: 985 565 512

museodeaviles@ayto-aviles.es

HORARIU

Martes a vienres • 10:30 a 13:30h / 16:00 a 20:00h

Sábados • 11:00 a 13:30h / 16:00 a 20:00h

Domingos y festivos • 11:00 a 13:30h

Entrada de baldre 

  • © 2019 Fundación de Cultura. Conceyu d’Avilés. | Avisu llegal |