Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 24 - Abril 2019

Apúntate al nuestru boletín

Música

Música «Factoría Sound»

Factoría Cultural, 21:00 h

Factoría Sound llegó pa quedase y, nel so tercer añu, afítase como una de les principales referencies pa la xente aficionao a la música nel norte España. La conceyalía de Cultura redobal'l so apoyu al ciclu de conciertos, y programó un primer trimestre de 2019 con un cartel perbonu. Sedrán dos bandes, los suecos Kamchatka y d'estaos Xuníos lleguen Travers Brothership y tamién d'ellí mesmo llega un solista que cada vegada más va garrando pesu, como ye Levi Partham.

Tres cites nel espaciu escénicu del centru cultural de l'avenida de Portugal: el 8 de feberu, con Travers Brothership; el 16 del mesmu mes, con Kamchatka; y el 22 de marzu, con Levi Partham.

Tres cites nel espaciu escénicu del centru cultural de l'avenida de Portugal: el 8 de feberu, con Travers Brothership; el 16 del mesmu mes, con Kamchatka; y el 22 de marzu, con Levi Partham.

Programación

8 de febreru. Travers Brothership

Avilés ye de momentu, xunto a Bilbao, la primer cita confirmada de les actuaciones d'esta banda d'Estaos Xuníos formada en 2012 n'Asheville, Carolina del Norte. A los hermanos Eric y Kyle Travers xunióse-yos nesi añu Ian Mclsaac, nos teclaos y percusión, y en 2014 la formación quedó bien afitada tal y como ta agora, con un cuartu integrante, Josh Clark, col baxu y como cantante. En tocando xunto a grupos como Tajmahal o Leftlover Salmon, van llegar la primer vez a europa, col so segundu álbum d'estudiu, "Let the World Decide". La so música paez que tien toques de rock guitarreru, soul, funk y jam.  

16 de febreru. Kamchatka

El tríu suecu Kamchatka, que grabó'l so primer discu en 2005, ta formáu por Thomas "Juneor"Andersson (guitarres y voz), Tobias Standvik (batería) y Per Wiberg, ex teclista d'Opeth, Spiritual Beggars y Candlemass (baxu y voz). La so música bebe del blues rock de finales de los 60 y entamu de los 70 del sieglu pasáu, con elementos del hard-rock, blues-rock, stoner rock y psychodelic rock. Na maleta, el so últimu LP, "Long Road Made Of Golg", el sestu na so carrera. Nél, perfeiciones el sonidu, con aires soul y blues. A Avilés lleguen dende Madrid, nunos pocos conciertos que dieron per España.

22 de marzu. Levi Parham

Ñació n'Oklahoma, como'l cantautor más grande de la historia de los Estaos Xuníos, Woody Guthrie, al que considera como una les sos principales influyencies. Bebe nel mesmu vasu de la tradición del so estáu natal, la musicalidá rica d'un pueblu de los Estaos Xuníos, del folk al country, pero tamién del blues, del soul. Ye un de los mayores talentos mozos de la música del so país. El so últimu trabayu de momentu, y col qu'anda dando conciertos , entitúlase  "It's all good". avilés comparte cartel nel so viaxe per España con Madrid, Barcelona, A Coruña, Bilbao, valencia o Zaragoza.

Entraes y abonos

El preciu de les entraes sueltes pa cada conciertu, que yá se tán vendiendo, ye de 10 euros mercándoles enantes del día del conciertu y 12 el mesmu día. Sacar abonu pa los tres conciertos, cuesta 22,50 euros.

Les entraes podrán comprase na taquillas de la Casa la Cultura y tamién de forma telemática , na web https://entradas.liberbank.es/palaciovaldes.

El ciclu de conciertos de Factoría Sound ñació con fuerza en 2017, termina esti 2018 con un ensame fuerte de grupos y solistes nacionales y internacionales tol añu y entama 2019 colo meyor.

Más información

Factoría Cultural

Av. de Portugal, 13

33402 Avilés. Asturies

T: 985 548 617

E: eceramica1@ayto-aviles.es, eceramica@ayto-aviles.es

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

  • © 2019 Fundación de Cultura. Conceyu d’Avilés. | Avisu llegal |