Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Música

Música «Factoría Sound» setiembre/payares 2019

Factoría Cultural, 21:00 h

En tomando un respiru pel branu, Factoría Sound torna a lo grande como una de les señes d'identidá de la programación cultural d'Avilés y referente musical del norte España. Fáilo con una banda histórica y con munchu camín andáu, los noruegos Motorpsycho, los mayores representantes n'europa del sock progresivu, que se van asomar al espaciu escénicu de la Factoría'l domingu, 15 de setiembre, a les 21:00 hores.

Cinco conciertos componen el ciclu nuevu, nos que van participar seis grupos de munchu puxu nacional y mundial, a ritmu de rock, hard rock o psicodelia, que refuerecen el papel d'avilés como puntu d'alcuentru del norte España pa les persones a les que-yos presta la bona música.

Cinco conciertos componen el ciclu nuevu, nos que van participar seis grupos de munchu puxu nacional y mundial, a ritmu de rock, hard rock o psicodelia, que refuerecen el papel d'avilés como puntu d'alcuentru del norte España pa les persones a les que-yos presta la bona música.

Amás de los nórdicos, tamién van llegar los españoles King Sapo, preseleicionaos pa los Grammy Llatinos 2019 nes categoríes de Meyor Álbum de Rock y Meyor Nuevu Artista; los estadounidenses High Reeper y Crypt Trip, que prometen una esperiencia única nuna nueche conxunta heavy a la que llega caún con un discu nuevu debaxo'l brazu; los australianos Electric Mary, col so cañeru hard rock, y pa terminar los tamién norteamericanos Wild Adriatic, el ritmu rabiáu del soul más clásicu.

Entraes y abonos

Les entraes pa caún de los conciertos y l'abonu pal ciclu completu yá se ta vendiendo, y cuesta 10 euros la sesión individual (12 el día del conciertu) y de 37,50 tolos conciertos.

Pueden siguise los calces normales, les taquilles de la Casa la Cultura y la web https://entradas.liberbank.es/palaciovaldes.

Programación

15 de setiembre. Motorpsycho. Esperiencia, calidá y variedá xúntense nesta banda noruega con munchu camín percorríu qu'entama a mediaos de los años 80 del sieglu pasáu, y que tocaron tolos palos de rock, dientro de la so bayurosa discografía, magar que son reconocíos casi por tol mundu como los meyores representantes del rock progresivu n'Europa. Bent Saether, Hans Magnus 'Snah' Ryan y Tomas Järmyr son los componentes d'anguaño, que se van presentar en San Sebastián y Madrid enantes de llegar a Avilés col so últimu álbum, , "The Crucible".

5 d'ochobre. King Sapo. Ye la formación más moza, peor non la que menos esperiencia tien, porque los que tán nella tuvieron n'otres como Eldorado, SCR, Última Experiencia, o Wyoming y Los Insolventes. Como'l so primer discu "Niño Gurú" yera mui bonu, fizo que tuvieren preseleicionaos  pa los Grammy Llatinos 2019 como Meyor álbum de rock y Meyor Artista Nuevu. El boca a oreya, el camín que lleven los músicos de la banda, Jesús Trujillo, Andrés Duende, Javier Planelles y Jose Alberto Solís, y l'ésitu d'asoleyar los temes en plataformes como Youtube son un reclamu que convierte cada conciertu nun llenu, colos sos temes llaraos de cai en forma de rock puru, fórmules psicodéliques y soul.

25 d'ochobre. High Reeper y Crypt Trip. 25 d'ochobre. High Reeper y Crypt Trip. Un conciertu doble pa esa nueche, con dos bardes que tán entamando n'Estaos Xuníos dientro'l sellu italianu Heavy Psych Sounds Records. El quintetu de California High Reeper asoleyó en marzu'l so últimu trabayu, "Higher Reeper", colos sos riffs de guitarra escuros, con aires que recuerden a Black Sabbath. Pel so llau, el tríu Crypt Trip llega dende Texas arrasando per onde va col so direutu impresionante, rock clásicu al estilu de Grateful Dead, y el so álbum nuevu "Haze County" con ritmos sureños.

14 de payares. Electric Mary.

Los australianos presenten un hard rck nel escenariu mui potente, tanto que'l Classic Rock Magazine definiólos como una mestura de "Guns N' Roses"y Free, col sal d'Aerosmith y un poco de Tom Morello". Too esto ye bien importante p'atrayer al públicu, magar que cola so peñara propia pudieron compartir escenariu con bandes como Deep Purple o Judas Priest. El so últimu trabayu entitúlase  "Mother".

23 de payares. Wild Adriatic. La banda de Saratoga Springs, Nueva York, bebe del carauterísticu sonidu Motown, el soul más rápidu, peñeráu col rock clásicu, como si James Brown fuere'l cabezaleru de Lez Zeppelin. Ñacieron como tríu, y pal escenariu de la Factoría van xubir como un sestetu con puxu que mueve al públicu colos ritmos guitarreros imparables marcaos pol poder metálicu de los saxos.

Más información

Factoría Cultural

Av. de Portugal, 13

33402 Avilés. Asturies

T: 985 548 617

E: eceramica1@ayto-aviles.es, eceramica@ayto-aviles.es

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

Calendariu d’eventos

anterior Setiembre 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

Axenda

  • 11/09/2019
  • 15/09/2019
  • 17/09/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |