Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 24 - Abril 2019

Apúntate al nuestru boletín

Proyeutos Europeos

Proyectos Europeos «4HCREAT» Fundación Municipal de Cultura d'Avilés

El proyeutu européu 4HCREAT, con participación del Conceyu d'Avilés, esbilláu pol programa Interreg Espaciu Atlánticu de la Comisión Europea

El Conceyu d'Avilés, al traviés de la Fundación Municipal de Cultura, va aprticipar nel proyeutu 4HCREAT: Cáudruple hélice pa puxar pola innovación nes PYMES Culturales y creatives Atlántiques, seleicionáu pol programa Interreg Espaciu Atlánticu de la Comisión Europea.

4H-CREAT  desarrollar  modelos tresnacionales  de trespasu de conocimientos, meyorando l'aplicación de resultaos I+D de los centros d'investigación nes Industries Creatives, asina como crear nuevos productos gracies a un métodu de Cuádruple Hélice, poniendo más enfotu na participación al final d'usuarios y usuaries en procesos de producción y promoción del co-diseñu.

Identificará productos y servicios dedicaos a les nueves tendencies y demanda del mercáu (p.ex. Trasmedia), aprovechando les oportunidaes de la teunoloxía y economía dixital.

Factoría Cultural de AvilésEl proyeutu, gobernáu pola universidá  escocesa Glasgow Caledonian University ñaz d'una iniciativa  anterior (INNOVATE) y dempués d'un aconceyamientu pa preparalo too, cola participación de tolos socios, que son: la nomada Glasgow Caledonian University, l'Institutu Universitariu de Lisboa, el parque teunolóxicu Laval Technopole y la institución Bordeaux Euratlantique, en Francia, asina como la Escuela d'Arte y Diseñu de Limerick Institute of Technology, n'Irlanda.

Hai de destacar que'l proyeutu afita les xuntures que yá hai  ente Avilés y dalgunes d'estes instituciones, coles que yá'l Conceyu  collaboró nel marcu de diversos proyeutos europeos a lo llargo los últimos años, lo que fizo posible, ente otres coses, que tuvieren artistes internacionales nes diferentes ediciones de les nueches blanques y les nueches negres, asina como tamién diferentes residencies y propuestes artístiques.

Ente les sos actividaes, 4HCREAT va dexar que tomen midíes d'análisis de mercáu, la creación de modelos de cooperación empresariales, de cursos de formación, participación en feries y promoción d'alcuerdos de cooperación y coproducción n'ámbitos culturales.

El Progama INTERREG Espaciu Atlánticu sofita proyeutos de cooperación tresnacional en 37 rexones atlántiques de cinco países: Francia, Irlanda, Portugal España y Reinu Xuníu, contribuyendo a los oxetivos en materia de xuntura enconómica, social y territorial. L'oxetivu xeneral ye amestar soluciones pa solucionar custiones rellacionaes cola innovación nel ámbitu rexonal, col valir de los recursos, el mediu ambiente y los bienes culturales, apoyando'l desarrollu rexonal y el crecimientu sostenible.

4HCREAT ye ún  de los 45 proyeutos esbillaos na primer convocatoria d'esti programa dende 2014 hasta'l 2020, ente 425 solicitúes presentaes.

Ficha resumen

Acrónimu

4HCREAT

Socios

•1.     Glasgow Caledonian University (UK)

•2.     Fundación Municipal de Cultura d'Avilés (ES)

•3.     Cámara de Comerciu de Sevilla (ES)

•4.     ISCTE-IUL - Institutu Universitariu de Lisboa (PT)

•5.     Laval Technopole (F)

•6.     Bordeaux Euratlantique (F)

•7.     Limerick Institute of Technology - School of Arts & Design (IR)

Presupuestu proyectu

FEDER: 1.312.368,75 € (75%)

Socios : 437.456,25 € (25%)

Total: 1.749.825 €

Presupuestu FMC Avilés

FEDER: 177.000 € (75%)

Socios: 59.000 € (25%)

Total: 236.000 €

Procesu pa escoyer la propuesta

•  425 proyeutos presentaos a la convocatoria

•  102 proyeutos pasaron una primer fase de preseleición

•  Al final escoyéronse 45 (11%)

Principales Paquetes de Trabayu (xunu 17 - agostu 18)

• Desarrollu de conocimientos tresnacionales

• Formación y Capacitación

• Intercambios pilotos (incl. residencies d'artistes n'empreses, xornaes de co-diseño y participación, etc.)

• Afitar mecanismos de trabayu en redes tresnacionales

• Actividaes tresversales de comunicación bultables, de xestión y tresferencia

Más información

Fundación Municipal de Cultura

Pz Domingo Álvarez Acebal, 2

33402 Avilés. Asturies

Tfn.: 985 510 045 / 985 510 452

  • © 2019 Fundación de Cultura. Conceyu d’Avilés. | Avisu llegal |