Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 24 - Abril 2019

Apúntate al nuestru boletín

Proyeutos Europeos

Proyectos Europeos «Wom@rts» Fundación Municipal de Cultura de Avilés

El proyeutu europeu Wom@rts, con participación del Conceyu d'Avilés, seleicionáu pol l programa Europa Creativa de la Comisión Europea

El Conceyu d'Avilés, per aciu de la Fundación Municipal de Cultura, va participar nel proyeutu Wom@rts: Women's Equal Share of Presence in the Arts and Creative Industries, de la Comisión Europea, col envís de lluchar escontra la desigualdá pa coles muyeres nel campu les artes y la cultura.

El proyeutu, que tien como cabezaleru al Conceyu de Santiago de Compostela, per aciu del so departamentu de cultura (Auditoriu de Galicia), ye una de les 15 iniciatives esbillaes pol Programa Europa Creativa de la Comisión Europea, ente 118 candidatures, en sacando una nota de 89/100.

Tien un presupuestu total de más de  3 millones d'euros y una subvención europea del 50%, ente una rede de diez socios d'ocho países. Ente los socios, amás d'Avilés y Santiago, hai de destacar la rede escandianva de muyeres direutores de cine (WIFT), el Conceyu de Vilna (capital de Lituania), el Centru Audiovisual Simone de Beuvoir de París, La Mancomunidá d'Angoulême, capital internacional del cómic, la Escuela d'Arte y Diseñu de Limerick (Irlanda), la rede mundial de festivales lliterarios Hay Festival, la Facultá de Belles Artes de Rijeka (Croacia, Capital Europea de la Cultura 2020) y el Muséu de Belles Artes de Maribor (Eslovenia).

Ye la primer vez na historia'l programa Europa Creativa que s'aprueba un proyeutu con lideratu español, nel apartáu de grandes proyeutos de cooperación. Hai de recordar que la Fundación Municipal de Cultura d'Avilés foi cabezalera nel proyeutu SYMBOLS d'esti mesmu programa, Europa Creativa, pero nel apartáu de Pequeños Proyeutos de Cooperación, y tamién foi cabezalera del proyeutu EUCEMET del programa Cultura d'enantes, tamién nel mesmu apartáu.

La Comisión apoya una iniciativa mui ambiciosa, que pretende de dalguna forma, influyir nes estadístiques mui negatives rellacionaes cola presencia y el reconocimientu de les artistes y de les profesionales de la cultura.

Pa ello, y nos cuatro años que vienen (ente ochobr de 2017 y ochobre de 2021), Wom@rts va puxar por facer una riestra aiciones enmarcaes en disitintos grupos de trabayu, ente los que podemos destacar: la creación y promoción d'una carta magna en defensa de práutiques d'igualdá de xéneru na cultura y d'una rede d'Embaxadores; estudios; una plataforma de promoción internacional pa les creadores.

Ficha resumen

Acrónimu

Wom@rts

Socios

•1.     Auditoriu de Galicia (ES)

•2.     WIFT Finland (FI)

•3.     Viesoji istaiga Vilniaus rotuse (LT)

•4.     Centre audiovisuel Simone de Beauvoir (FR)

•5.     Communauté d'Agglomération du Grand Angoulême (FR)

•6.     Limerick Institute of Technology - Limerick School of Arts & Design (IR)

•7.     Hay Festival of Literature and the Arts Ltd. (UK)

•8.     Academy of Applied Arts University in Rijeka (HR)

•9.     UGM Maribor (SI)

•10.  Fundación Municipal de Cultura-Avilés (ES)

Presupuestu (Europa Creativa)

Europa Creativa:           +- 1.56 Millón € (50%)

Socios:                        +- 1.56 Millón € (50%)

Total:                            +- 3.13 Millón €

Nota d'evaluación de la propuesta

89/100 puntos

Principales Paquetes de Trabayu (Ochobre 17 - Ochobre 21)

• PT1: Conocimientu y Sensibilización (Estudios, Embaxadores, Clases Maxistrales, Conferencies, Carta Magna, etc.)

• PT2: El 2u Sexu (Residencies artístiques, Esposición de pasu)

• PT3: Formación (Cursos y talleres sobre «emprendedeurismu» o «marketing internacional»)

• PT4: Xeres de comunicación (conferencies, xornaes, p. web, redes sociales, etc.)

• PT5: Xeres de xestión (aconceyamientos de coordinación, informes y evaluación)

Más información

Fundación Municipal de Cultura

Pz Domingo Álvarez Acebal, 2

33402 Avilés. Asturies

Tfn.: 985 510 045 / 985 510 452

  • © 2019 Fundación de Cultura. Conceyu d’Avilés. | Avisu llegal |